GENESIS 10:5 - Edisana ñwed Abasi Ibom

⁵ Mme mmɔ emi ebahare isuo mme idut ke isɔŋ mmɔ; kpukpru ke usem mmɔ, ye ke oruk mmɔ, ye ke idut mmɔ.

GENESIS 10:5 ပူးပေါင်းရင်းမြစ်များ

GENESIS 10:20

ye Zeboim, osim Lasha. Mme mmɔ emi edi nditɔ-iren Ham, ke oruk mmɔ, ke usem mmɔ, ke isɔŋ mmɔ ke idut mmɔ.

GENESIS 10:25

Ndien nditɔ-iren iba emana enɔ Eber; enyiŋ kiet ekere Peleg; koro ererimbot abaharede ke eyo esie; enyiŋ eyen eka esie onyuŋ ekere Joktan.

GENESIS 10:32

Mme mmɔ emi edi mme oruk nditɔ-iren Noah, ke emana mmɔ ye ke idut mmɔ: ndien mme mmɔ emi ebahare mme idut ke ererimbot ke mmɔŋ ukwɔ ama ekekebe.

GENESIS 10:4

Ndito Javan ŋko; Elisha, ye Tarshish, ye Kittim, ye Dodanim.

GENESIS 10:6

Nditɔ Ham ŋko; Cush ye Mizraim, ye Phut, ye Canaan.

GENESIS 9:19

Mme mmɔ emi mbita edi nditɔ-iren Noah: ndien oto mmɔ emi ofuri ererimbot asiaha.

ESTHER 10:1

NDIEN Ahasuerus odori edem oro, ye isuo ke akamba inyaŋ, utomo.

ŊWED MME PSALM 72:10

Ndidem Tarshish ye eke mme isuo eyetomo utomo: ndidem Sheba ye Seba eyeda enɔ edi.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 24:15

Mbufo ke edem uŋwana ekpono ndien Jehovah, mbufo ke isuo inyaŋ ekpono enyiŋ Jehovah Abasi Israel.

ISAIAH 40:15

Sese, mme idut ebiet ntɔi mmɔŋ ke abaŋ, enyuŋ ebat mmɔ nte obu ke balance: sese, enye eyemen mme isuo nte ata ekpri ŋkeŋe.

ISAIAH 41:5

Mme isuo ekut, enyuŋ edige; mme utit ererimbot enyek idem, esaŋa ekpere enyuŋ edi.

ISAIAH 42:10

Mbufo ekwɔ obufa ikwɔ enɔ Jehovah, ye itoro esie ke utit ererimbot, mbufo emi esuhɔde ke inyaŋ, ye se iyɔhɔde ke esit, mbufo mme isuo ye mme andiduŋ mmɔ.

ISAIAH 42:4

Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.

ISAIAH 49:1

MBUFO mme isuo ekop uyo mi: mbufo mme idut nyom-usuŋ, ekpaŋ utɔŋ enɔ mi; Jehovah okokot mi ke itie-eyen; eketiŋ enyiŋ mi ke idibi eka mi.

ISAIAH 51:5

Edinen ido mi emekpere; erinyaŋa mi ɔmɔwɔrɔ, ubɔk mi eyenyuŋ ekpe ikpe mme idut; mme isuo eyebet mi, enyuŋ edori enyin ke ubɔk mi.

ISAIAH 59:18

Kpa nte ido mmɔ asaŋade, kpa ntre ke enye edinɔ, ɔnɔ mme usua esie iyat esit, ɔnɔ mmɔ eke etɔhɔde ye enye se mmɔ edotde; eyenɔ mme isuo se mmɔ edotde.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

JEREMIAH 2:10

Mbufo ebe ndien, eka ke mme isuo Kittim ekese; enyuŋ edɔŋ utom ke Kedar, enyuŋ etim ekere, enyuŋ ese mme oruk ŋkpɔ ntem mmɔdo.

JEREMIAH 25:22

ye kpukpru ndidem Tyre, ye kpukpru ndidem Zidon, ye ndidem isuo emi edude ke edem inyaŋ oko:

EZEKIEL 26:15

Ntem ke Ɔbɔŋ Jehovah ɔdɔhɔ Tyre, ete, Nte uyom iduɔ fo, ye mkpo mmɔ eke ekpaŋade afai, ye ediwak owo emi ewotde ke ufɔt fo idinamke mme isuo enyeŋe?

EZEKIEL 26:18

Ke emi usen iduɔ fo esin mme isuo enyek idem; unyɔŋ fo eyenyuŋ esin mme isuo emi edude ke inyaŋ eyomo nsia.

DANIEL 11:18

Ndien enye eyekabare iso esie ese mme isuo, onyuŋ ada ediwak; ndien etubom ekɔŋ kiet eyenam esuene esie okure, man esuene esie okutɔŋɔ ntak osim enye.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.