GENESIS 1:26 - Edisana ñwed Abasi Ibom

²⁶ Ekem Abasi ɔdɔhɔ, ete, eyak nnyin inam owo isin ke mbiet nnyin, etie nte nnyin: yak mmɔ enyuŋ ekara iyak ke akamba mmɔŋ, ye inuen ke enyɔŋ, ye ufene, ye ofuri isɔŋ, ye kpukpru mme andinyɔni eke enyɔnide ke isɔŋ.

GENESIS 1:26 ပူးပေါင်းရင်းမြစ်များ

GENESIS 11:7

Ekam eyak nnyin isuhɔre, inyuŋ itimere usem mmɔ do, man kiet okukop ikɔ kiet eken.

GENESIS 2:19

Ndien Jehovah Abasi obot kpukpru unam obot ke ikoneto, ye kpukpru inuen enyɔŋ: ndien ada mmɔ ɔsɔk Adam, ete ise nte Adam edikotde mmo: ndien kpukpru se Adam okotde unam eke edude uwem, oro edi enyiŋ mmɔ.

GENESIS 3:22

Ndien Jehovah Abasi ɔdɔhɔ ete, Sese, owo amakabare edi nte nnyin kiet, ke erifiɔk eti ŋkpɔ ye idiɔk: mmɔdo, mbak enye edinyan ubɔk esie, onyuŋ ada eto uwem ŋko adia, ndien odu uwem ke nsinsi:

GENESIS 5:1

EMI edi ŋwed emana owo. Ke usen oro Abasi obotde owo, Enye anam owo ke mbiet Abasi;

GENESIS 9:6

Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

ŊWED JOB 35:10

Ndien idɔhɔke ite, Enye Abasi emi okobotde mi, emi ɔnɔde ikwɔ ke okoneyo?

ŊWED JOB 39:11

Nte afo edibuɔt idem ye enye, koro odudu esie okponde?

ŊWED JOB 5:23

Koro afo eyeduk ediomi ye mme itiat isɔŋ, unam ikɔt eyenyuŋ etie ufan ye afo.

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ECCLESIASTES 7:29

Sese, mma ŋkut ŋkpɔ emi ikpɔŋ-ikpɔŋ, nte ke Abasi ama anam owo edinen; ndien mmɔ ema eyom ediwak idiɔk usuŋ.

IKWƆ SOLOMON 1:11

Nnyin iyenam uyɔ gold ye ŋkɔp silver inɔ fi.

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

ISAIAH 6:8

Ndien ŋkop uyo Ɔbɔŋ ɔdɔhɔde, ete, Anie ke ndidɔŋ utom? Anie edinyuŋ aka ŋkpɔ ɔnɔ nnyin? Ndien ndɔhɔ nte, Se mi, dɔŋ mi utom.

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

JEREMIAH 27:6

Ndien ke emi ami mmɔŋ nda kpukpru mme idut emi nsin ke ubɔk Nebuchadnezzar edidem Babylon, owo mi, mmonyuŋ nnɔ enye mme unam ikɔt ŋko, nte enam ŋkpɔ esie.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 5:17

Edi Jesus ɔbɔrɔ mmɔ ete, Ete Mi ke ananam utom tutu osim emi,

UTOM MME APOSTLE 17:20

Afo amada ndusuk isen ŋkpɔ etiŋ esin nnyin ke utɔŋ: ntre ke nnyin iyom ndifiɔk se mmɔ ewɔrɔde.

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

1 ŊWED CORINTH 11:7

Erenowo ikpɔfuhɔke ŋkpɔ ke ibuot, sia enye edide mbiet ye ubɔŋ Abasi; edi ŋwan edi ubɔŋ erenowo.

2 ŊWED CORINTH 3:18

Edi kpukpru nnyin imada iso emi mikuihi, imum ubɔŋ Ɔbɔŋ ikama, nte ukuriso omumde ŋkpɔ; ntre ke nnyin ikpuhɔre ibe ikabare inyene mbiet Esie, ikɔrɔ ubɔŋ ke ubɔŋ, kpa nte Ɔbɔŋ emi edide Spirit anamde.

2 ŊWED CORINTH 4:4

emi abasi eyo emi akanamde ikike mmɔ eke minimke ke akpanikɔ okim, mbak uŋwana gospel ubɔŋ Christ, emi edide mbiet Abasi, edisem ɔnɔ mmɔ.

ŊWED MBON EPHESUS 4:24

emi ebotde ebiet Abasi ke edinen ido ye edisana ido akpanikɔ.

ŊWED MBON COLOSSAE 1:15

Enye edi mbiet Abasi emi enyin owo mikwe; Abasi okobon Enye ete edi Akpan, ndien edibot ofuri ererimbot.

ŊWED MBON COLOSSAE 3:10

ema enyuŋ esine obufa owo, emi ediɔŋde diɔŋ enam enye edi obufa, enyene mbiet Andibot enye, man enye ɔfiɔk ŋkpɔ;

JAMES 3:7

Koro kpukpru oruk unam ye inuen, ye se inyɔnide ye se idude ke inyaŋ, edi se ekemede ndisuk mmɔ nnim;

JAMES 3:9

Nnyin ida edeme itoro Ɔbɔŋ ye Ete nnyin; inyuŋ ida enye isuŋi owo, emi ebotde ke mbiet Abasi:

1 JOHN 5:7

Ndien Spirit etie ntiense, koro Spirit edide akpanikɔ.