GENESIS 1:12 - Edisana ñwed Abasi Ibom

¹² Ndien isɔŋ otibe mbiet, ikɔŋ eke asiahade mkpasip ke oruk esiemɔ, ye eto eke oŋwumde mfri, eke mkpasip esiemɔ odude enye ke esit, ke oruk esiemɔ: ndien Abasi okut ete efɔn.

GENESIS 1:12 ပူးပေါင်းရင်းမြစ်များ

GENESIS 1:11

Ndien Abasi ete, Yak isɔŋ otibe mbiet, ikɔŋ eke asiahade mkpasip, eto mfri eke oŋwumde mfri ke oruk esiemɔ, eke mkpasip esiemɔ odude enye ke esit, ke isɔŋ: ndien edi ntre.

GENESIS 1:13

Ndien mbubreyo ye usenubɔk edi ɔyɔhɔ usen ita.

ŊWED MME PSALM 104:14

Enye anam mbiet otibe ɔnɔ ufene, ye ikɔŋ emi owo anamde utom ke esit, man osio udia ke isɔŋ.

ISAIAH 61:11

Koro kpa nte isɔŋ osioŋode ŋkpɔ emi ɔkɔride ke esit, ye nte iŋwaŋ ŋko onyuŋ otibede se etɔde ke esit: kpa ntre ke Ɔbɔŋ Jehovah edinam edinen ido ye itoro etibe ke iso kpukpru mme idut.

MARK 4:28

Isɔŋ osioŋɔ mfri ke idem esie; ebem iso afiari ikɔŋ, ndien editop idem, ndien edidian ɔyɔhɔ ibokpot.

LUKE 6:44

Koro efiɔk kpukpru eto kiet kiet ke mfri esie. Koro owo itetke fig ke ŋkukim, inyuŋ itetke grape ke mbara-ekpe.

2 ŊWED CORINTH 9:10

Edi Enye emi ɔnɔde ɔtɔ-iŋwaŋ mkpasip nditɔ, onyuŋ ɔnɔde udia ete adia, eyenɔ mbufo mkpasip nditɔ, eyenyuŋ anamɔtɔt, onyuŋ anam mfri edinen ido mbufo awak akan.

ŊWED MBON GALATIA 6:7

Ekuyak ebiaŋa mbufo; owo ikemeke ndibiaŋa Abasi: se ededi owo ɔtɔde, oro ke enye edinyuŋ ɔdɔk.

MME HEBREW 6:7

Koro isɔŋ, emi ɔŋwɔŋde edim eke awakde ndidep ke esit, onyuŋ osioŋode ikɔŋ udia eke ɔfɔnde ye mmɔ emi efuŋde enye enɔ mmɔ, ɔbɔ eridiɔŋ ke ubɔk Abasi;