GENESIS 1:11 - Edisana ñwed Abasi Ibom

¹¹ Ndien Abasi ete, Yak isɔŋ otibe mbiet, ikɔŋ eke asiahade mkpasip, eto mfri eke oŋwumde mfri ke oruk esiemɔ, eke mkpasip esiemɔ odude enye ke esit, ke isɔŋ: ndien edi ntre.

GENESIS 1:11 ပူးပေါင်းရင်းမြစ်များ

GENESIS 1:12

Ndien isɔŋ otibe mbiet, ikɔŋ eke asiahade mkpasip ke oruk esiemɔ, ye eto eke oŋwumde mfri, eke mkpasip esiemɔ odude enye ke esit, ke oruk esiemɔ: ndien Abasi okut ete efɔn.

GENESIS 1:29

Ndien Abasi ɔdɔhɔ ete, Sese mmɔnɔ mbufo kpukpru ikɔŋ eke esiahade mkpasip, emi edude ke iso ofuri isɔŋ ye kpukpru eto, eke mfri eto esiahade mkpasip odude mmɔ ke esit; eyedi udia mbufo.

GENESIS 2:16

Jehovah Abasi onyuŋ owuk owo oro, ete, Dia kpukpru eto iŋwaŋ;

GENESIS 2:5

Ndien eto obot ndomo kiet ikoduhe kaŋa ke isɔn, baba ikɔŋ isɔŋ ikonyuŋ itibeke kaŋa: koro Jehovah Abasi mikanamke edim edep kaŋa ke ererimbot, owo eke ofuŋde isɔŋ mika inyuŋ iduhe.

GENESIS 2:9

Jehovah Abasi onyuŋ anam isɔŋ otibe kpukpru eto eke enemde ndise enyuŋ efɔnde ndidia; ye eto uwem ŋko ke ufɔt iŋwaŋ, ye eto ifiɔk eti ye idiɔk.

ŊWED JOB 28:5

Ama edi isɔŋ, udia oto ke esit; ndien eyut se idude ke esit ekabare nte ikaŋ.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ŊWED MME PSALM 147:8

emi adade obubit enyɔŋ ofuk ikpa-enyɔŋ, emi ɔkɔde edim ɔnɔ isɔŋ, emi anamde obot etibe mbiet.

ISAIAH 61:11

Koro kpa nte isɔŋ osioŋode ŋkpɔ emi ɔkɔride ke esit, ye nte iŋwaŋ ŋko onyuŋ otibede se etɔde ke esit: kpa ntre ke Ɔbɔŋ Jehovah edinam edinen ido ye itoro etibe ke iso kpukpru mme idut.

JEREMIAH 17:8

Ŋkɔm enye eyebiet eto eke etɔde ke mben mmɔŋ, eke otopde oruŋ esie ke mben akpa, idinyuŋ ikwe ini eke ufiop edide, edi ikɔŋ esie eyedi awawa; idinyuŋ ifeheke ndik ke isua eke eyo adade, idinyuŋ itreke ndiŋwum mfri.

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 6:30

Edi edieke Abasi esinede mbiet iŋwaŋ nkpɔ ntem, kpa mbiet eke odude mfin, ndien mkpɔŋ emen esin ke usaŋ-uyo, nte Enye idisineke mbufo ŋkpɔ ikan, O mbufo nditɔ ekpri mbuɔtidem?

MARK 4:28

Isɔŋ osioŋɔ mfri ke idem esie; ebem iso afiari ikɔŋ, ndien editop idem, ndien edidian ɔyɔhɔ ibokpot.

1 ŊWED CORINTH 15:38

edi Abasi ɔnɔ mkpasip oro idem nte enemde Enye esit, onyuŋ ɔnɔ kpukpru mkpasip kiet kiet idem eke ekemde ye mmɔ.

MME HEBREW 6:7

Koro isɔŋ, emi ɔŋwɔŋde edim eke awakde ndidep ke esit, onyuŋ osioŋode ikɔŋ udia eke ɔfɔnde ye mmɔ emi efuŋde enye enɔ mmɔ, ɔbɔ eridiɔŋ ke ubɔk Abasi;

JAMES 3:12

Nditɔ-ete mi, nte eto fig ekeme ndiŋwum mfri olive, ndi eto vine ekeme ndiŋwum mfri fig? Unuŋ inyuŋ ikemeke ndinɔ owo edinem mmɔŋ.