EZRA 9:8 - Edisana ñwed Abasi Ibom

⁸ Ndien ke emi Jehovah Abasi nnyin ɔfɔn ini esisit, ke erisuhɔ usuk nnyin emi ibɔhɔde, nnyuŋ nnɔ nnyin ntok ke edisana ebiet esie, man Abasi nnyin aŋwaŋa nnyin enyin, onyuŋ edemere nnyin ke itie ufin nnyin.

EZRA 9:8 ပူးပေါင်းရင်းမြစ်များ

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

EZRA 9:9

Koro nnyin idide ifin; edi Abasi nnyin ikɔkpɔŋke nnyin ke itie ufin nnyin, edi ama anyan ubɔk ɔnɔ nnyin ke iso ndidem Persia, onyuŋ edemere nnyin, man ineŋere ufɔk Abasi nnyin, inyuŋ idiɔŋ ŋwure esie, man enye onyuŋ ɔnɔ nnyin ibibene ke Judah, ye ke Jerusalem.

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ŊWED JOB 33:30

Man osio uwem esie ke udi efep afiak edi, man aŋwaŋa enye ke uŋwana uwem.

ŊWED MME PSALM 13:3

Tiŋ enyin, nyuŋ yere mi, Jehovah Abasi mi: ŋwaŋa mi enyin, mbak ndide mkpa;

ŊWED MME PSALM 13:4

mbak usua mi edidɔhɔ ete, “Mmakan enye”; mbak mbon-utɔk mi edinyuŋ edara ke ini nnyekde.

ŊWED MME PSALM 138:7

Ke ini nsaŋade ke ufɔt nnanenyin, afo eyenim mi ke uwem: eyenyan ubɔk fo odori ke iyaresit mme asua mi; ubɔk nnasia fo eyenyuŋ anyaŋa mi.

ŊWED MME PSALM 34:5

Mmɔ ekewuk enyin ese enye, ndien iso aŋwaŋade mmɔ: ndien mmɔ ikwe but ke iso.

ŊWED MME PSALM 85:6

Nte afo edinam iyaresit fo osim kpukpru emana? Nte afo udutɔŋɔke ntak udemere nnyin, man ikɔt fo ekpedara fi?

MME ŊKE 29:13

Ubuene ye owo nnama esop idem ɔtɔ kiet: edi Jehovah aŋwaŋa mmɔ mbiba enyin.

ECCLESIASTES 12:11

Uyo mbon eti ibuot ebiet ŋkpɔ ukim-enaŋ: mme etubom mbon esop enyuŋ ebiet okpukwak eke ekɔŋde esin: ekpemerɔŋ kiet ɔkɔnɔ mmɔ.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 14:3

Ndien ama ekem ke usen emi Jehovah edisiode fi ke ndutuhɔ fo, ye ke nyomo-nsia fo, ye ke ɔkpɔsɔŋ ufin emi enimde fi, efep, ɔnɔ fi nduɔk-odudu,

ISAIAH 56:5

Nyeda ŋkpɔ eriti ye enyiŋ eke efɔnde ekan eke nditɔ-iren ye nditɔ-iban, nnɔ mmɔ ke ufɔk mi, ye ke esit ibibene mi: nyenɔ mmɔ nsinsi-enyiŋ eke midisibeke ifep.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 6:13

Edi ɔyɔhɔ ubak duop eyesuk odu enye (isɔŋ) ke esit, ndien emi eyetɔŋɔ ntak edi se editade, kpa nte terebinth, ye nte ofriyo, eke etak odude ke esit, ke ekpide mmɔ eduɔk: etak esie (oro) eyedi edisana mkpasip.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

JEREMIAH 44:14

ndien baba owo kiet ke otu nditɔ Judah eke esuhɔde eke ekade do ekeduŋ ke isɔŋ Egypt idibɔhɔke, idinyuŋ isuhɔke, man efiak ke isɔŋ Judah, emi mmɔ edoride esit ndifiak ŋka ŋkoduŋ do; koro mmɔ midifiakke ke midige nte mbon itɔk.

EZEKIEL 14:22

Ndien, sese, eyesuhɔ mbon-ubɔhɔ ke esit, eke edidade ewɔŋɔ, nditɔ-iren ye nditɔ-iban, Sese, mmɔ eyewɔŋɔ etiene mbufo: ndien mbufo eyekut usuŋ mmɔ ye ido mmɔ: enyuŋ ekop ndɔŋesit ebaŋa idiɔk-ŋkpɔ emi ndade ntiene Jerusalem, ebaŋa kpukpru se ndade ntiene enye.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

HABAKKUK 3:2

O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.

ZEPHANIAH 3:12

Nyenyuŋ nsuhɔ mbio unana ye nditɔ ubuene ke ufɔt mbufo, ndien mmɔ eyebuɔt idem ke enyiŋ Jehovah.

ZECHARIAH 10:4

Itiat inuk oto enye, ntok oto enye, utiga ekɔŋ oto enye, kpukpru mbon-utuk ŋko-ŋko eto enye.

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

ZECHARIAH 8:6

Ntem ke Jehovah mme udim ɔdɔhɔ, ete, Koro eyedi utibe ŋkpɔ ke enyin mbio emi esuhɔde ke ini oro: nte eyenyuŋ edi utibe ŋkpɔ ke enyin mi? Jehovah mme udim ɔdɔhɔ.

ŊWED MBON ROME 9:27

Edi Isaiah ofiori abaŋa Israel ete, Ibat nditɔ Israel akpawakde nte ntan mben inyaŋ, edi nsuhɔ ke edinyaŋa:

ERIYARARE 3:12

Owo eke akande, nyenam enye edi adaha ke temple Abasi Mi, ndien enye idiwɔrɔke do aba; nyenyuŋ ŋwet enye enyiŋ Abasi Mi ke idem, ye enyiŋ Obio Abasi Mi, kpa obufa Jerusalem, emi otode Abasi Mi ɔsuhɔre ke heaven edi, ye obufa enyiŋ Idem Mi.

1 SAMUEL 14:27

Edi Jonathan ikopke ke ini oro ete esie okowukde kpukpru owo; ndien enye anyan iso esaŋ oro odude enye ke ubɔk, edebi ke aran-ɔkwɔk, ndien adian ubɔk esie ke inua; ndien enyin eŋwaŋa enye.

1 SAMUEL 14:29

Ndien kpukpru owo ekpa mba. Ndien Jonathan ɔdɔhɔ ete, Ete mi odutuhɔ kpukpru owo: se, mbɔk, nte enyin aŋwaŋade mi, koro ntabide aran-ɔkwɔk emi esisit.