EZRA 9:6 - Edisana ñwed Abasi Ibom

⁶ O Abasi mi, but anam mi ke iso eti-eti ndimenere iso mi nse fi, O Abasi mi: koro mme ukwaŋ-ŋkpɔ nnyin ekoŋde ekan ibuot nnyin, isop nnyin onyuŋ okpon tutu osim ke ikpa-enyɔŋ.

EZRA 9:6 ပူးပေါင်းရင်းမြစ်များ

GENESIS 13:13

Ndien nditɔ Sodom edediɔk, mmɔ edue Jehovah eti eti.

1 NDIDEM 8:47

edi mmɔ ema ekere ke esit mmɔ ke isɔŋ eke etaŋde mmɔ efep eka do, enyuŋ ekabarede, ekpe fi ubɔk ke isɔŋ mmɔ eke etaŋde mmɔ efep, ete, Nnyin imedue, imonyuŋ inam ukwaŋ - ŋkpɔ, imonyuŋ idiɔk;

2 CHRONICLES 28:9

Ndien prophet Jehovah kiet, ekere Oded, odu do; ndien enye ɔwɔrɔ ɔkɔbiɔŋɔre mbon-ekɔŋ eke edide ke Samaria ke iso, onyuŋ ɔdɔhɔ mmɔ, ete, Sese, koro Jehovah Abasi mme ete mbufo ayatde esit ye Judah, anam enye ada mmɔ esin mbufo ke ubɔk, mbufo emenyuŋ ewot mmɔ, ke iyaresit emi osimde ikpa-enyɔŋ.

EZRA 9:13

Ndien emi kpukpru ŋkpɔ emi ema enam nnyin, ebaŋa mme idiɔk ido nnyin, ye akwa isop nnyin: koro afo, O Abasi nnyin, ama osuk ubɔk akan mme ukwaŋ-ŋkpɔ nnyin, ama onyuŋ ɔnɔ nnyin oruk ubɔhɔ emi;

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

ŊWED JOB 40:4

Sese, mmedehe; ndibɔrɔ fi didie? nda ubɔk mi ŋkubi inua mi.

ŊWED JOB 42:6

Mmɔdo nsuade idem mi, nnyuŋ ntiede ke obu ye ntɔŋ ntua mkpɔfiɔk.

ŊWED MME PSALM 38:4

Koro mme idiɔk ido mi emefuk mi ke ibuot: mmɔ etie nte edidobi mbiomo, ke edobi ekan mi.

ŊWED MME PSALM 38:5

Ndisime ido mi esin inia mi etebe, enyuŋ ebu iso.

EXODUS 32:31

Ndien Moses afiak etiene Jehovah, ɔkɔdɔhɔ ete, Mbɔk, mbɔk! mbio emi emenam ata idiɔk ido, emenyuŋ enam abasi gold ke idem mmɔ.

ISAIAH 1:18

Jehovah ɔdɔhɔ ete, Mbufo edi ndien, nnyin ikpe ikɔ: mme idiɔk ido mbufo ekpetie nte iduot, eyefia nte snow; ekpeyibe nte crimson, eyekabare nte idet erɔŋ.

ISAIAH 59:12

Koro mme idiɔk ido nnyin ewakde ke iso fo, mme ukwaŋ-ŋkpɔ nnyin enyuŋ ebɔrɔ ebaŋa nnyin: koro mme idiɔk ido nnyin edude ye nnyin; ndien ama edi mme ukwaŋ-ŋkpɔ nnyin imɔfiɔk mmɔ.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 31:19

Ŋkɔm, ke adaŋemi ŋkabarede, ntua mkpɔfiɔk: ndien ke adaŋemi esiande mi, nyibi ifuhi mi: but ye ndutime enam mi: koro mbiomde esuene uyen mi.

JEREMIAH 51:9

Nnyin ikeyom Babylon ndikɔk, edi enye inyimeke ndikubɔ: mbufo ekpɔŋ enye, yak nnyin inyuŋ ika kiet ye kiet ke idut nnyin: koro ikpe esie omosim enyɔŋ, omonyuŋ emenere tutu osim ikpa enyɔŋ.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

ŊWED ESEME 3:42

Nnyin imanam idiɔk inyuŋ isɔŋ ibuot: afo udahakedo unɔ.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

LEVITICUS 26:40

Edieke mmɔ esemede mme idiɔk ido idem mmɔ, ye mme idiɔk ido mme ete mmɔ, ye mme oburobut ido emi mmɔ ekenamde ye ami, ye nte mmɔ esaŋade ŋko ke ndusuara ye ami;

LUKE 15:21

Edi eyen ɔdɔhɔ enye ete, Ete, mmanam idiɔk-ŋkpɔ ndian heaven ye ke iso fo: ndotke aba ndikere eyen fo.

LUKE 18:13

Edi publican ada nsan-nsan, inyuŋ inyimeke ndimenere kpa enyin esie nse enyɔŋ, edi amia ubɔk ke ikpanesit esie, ete, Abasi, tua mi, idiɔk owo, mbɔm.

ŊWED MBON ROME 6:21

Nso mfri ke mbufo ekokut adaŋoro ke ŋkpɔ eke enamde mbufo but idahemi? koro utit mme ŋkpɔ oro edide mkpa.

ERIYARARE 18:5

koro mme idiɔk-ŋkpɔ esie ema eboho ekoŋ esim enyɔŋ, Abasi omonyuŋ eti mme ukwaŋkpɔ esie.