EZRA 9:3 - Edisana ñwed Abasi Ibom

³ Ndien ke ini ŋkopde ikɔ emi, ŋwai edisine-ŋkpɔ mi, ye ekura mi nnyuŋ ndibere idet ibuot mi, ye eke ntaŋebek mi, ndien nsuhɔre ntie ke mkpa-idem.

EZRA 9:3 ပူးပေါင်းရင်းမြစ်များ

2 SAMUEL 1:11

Ndien David, ye kpukpru owo emi edude ye enye, emum edisine-ŋkpɔ mmɔ ewai.

2 NDIDEM 18:37

Ekem Eliakim eyen Hilkiah emi edide etubom ufɔk, ye Shebna andiwet ŋwed, ye Joah eyen Asaph andiwet ŋkpɔ obio, ewai edisine-ŋkpɔ mmɔ, etiene Hezekiah, eketiŋ ikɔ Rabshakeh enɔ enye.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

NEHEMIAH 13:25

Ndien ntɔhɔ ye mmɔ, nnyuŋ nsua nnɔ mmɔ, nnyuŋ mmia ndusuk mmɔ, nnyuŋ ndibere mmɔ idet, nnyuŋ nnam mmɔ etomo Abasi, nte, Mbufo ekuda nditɔ-iban mbufo enɔ nditɔ-iren mmɔ, ekuŋyuŋ eda nditɔ-iban mmɔ enɔ nditɔ-iren mbufo, ye idem mbufo.

ŊWED JOB 1:20

Ndien Job adaha ke enyɔŋ, awai ekura esie, onyuŋ okporo ibuot esie, ndien ɔduɔ ke isɔŋ, atuak ibuot.

ŊWED MME PSALM 119:53

Ifuresit omum mi abaŋa mme idiɔk owo eke ekpɔŋde ido fo.

ŊWED MME PSALM 143:4

Ndien spirit mi ɔmɔfuhɔ mi ke idem; esit akpa mi ke idem.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

ISAIAH 15:2

Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.

JEREMIAH 36:24

Edi ndik inamke edidem ye ofuri ikɔt esie emi ekopde kpukpru ikɔ emi, mmɔ inyuŋ iwakke edisine-ŋkpɔ mmɔ.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

EZEKIEL 3:15

Ekem ndisim mbon ntaŋ-mfep Tel-abib, emi eduŋde mben akpa Chebar, nnyuŋ ŋkut mmɔ etiede do; ndien ntie do usen itiaba, idem onyuŋ akpa mi ke otu mmɔ.

EZEKIEL 7:18

Mmɔ eyebɔbɔ ɔfɔŋ idet ke idem; ndik eyenyuŋ ofuk mmɔ ke idem; but eyenyuŋ ofuk mmɔ kpukpru iso: ibɔ eyenyuŋ odu mmɔ kpukpru ke ibuot.

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

DANIEL 8:27

Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

LEVITICUS 21:5

Mmɔ ekutem ibɔ ke ibuot, ekunyuŋ ekporo mben ntaŋ-ebek mmɔ, ekunyuŋ ekpeŋe idem mmɔ.

MICAH 1:16

Sin ibɔ, nyuŋ fat idet baŋa edima nditɔ fo: nam ufaŋ ibɔ fo aŋwaŋa nte ntrukpom: koro etaŋde mmɔ efep ekpɔŋ fi.

JOSHUA 7:6

Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.