EZRA 9:1 - Edisana ñwed Abasi Ibom

¹ EKEM ke mme ŋkpɔ emi ema ekebe, mbɔŋ edi ke etɔ mi, ete, Nditɔ Israel, ye mme oku, ye mme Levite, idianakede idem mmɔ ifep ke mbon idut, edi enim mbubiam ido mmɔ, kpa eke mme Canaanite, ye eke mme Hittite, ye mme Perizzite, ye mme Jebusite, ye mme Ammonite, ye mme Moabite, ye mme Egyptian, ye mme Amorite.

EZRA 9:1 ပူးပေါင်းရင်းမြစ်များ

GENESIS 15:16

Ndien ke ɔyɔhɔ emana inaŋ mmɔ eyenyɔŋ ken: koro mme idiɔkŋkpɔ mme Amorite mika-iyɔhɔke kaŋa.

1 NDIDEM 11:1

NDIEN edidem Solomon ama ediwak isen iban, ɔkɔrɔ ke eyen Pharaoh aŋwan, kpa iban Moab, ye eke Ammon, ye eke Edom, ye eke Zidon, ye eke Heth;

2 CHRONICLES 33:2

enye onyuŋ anam se idiɔkde ke iso Jehovah, ebiet mbubiam-ŋkpɔ mme idut oro Jehovah ekebinde efep ke iso nditɔ Israel.

2 CHRONICLES 8:7

Ama edi kpukpru mme Hittite, ye mme Amorite, ye mme Perizzite, ye mme Hivite, ye mme Jebusite emi esuhɔde, emi midige Israel,

EZRA 10:2

Ndien Shecaniah eyen Jehiel, eyen Elam kiet, ɔbɔrɔ Ezra, ete, Nnyin ima idue Abasi nnyin, ima inyuŋ idɔ isen iban emi etode ke mbio mme idut: edi ke emi Israel enyene idorenyin ke ŋkpɔ emi.

EZRA 10:8

ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

NEHEMIAH 13:23

Ndien ŋko ke ini oro ŋkut usuk mme Jew emi ekedɔde iban Ashdod, ye eke Ammon, ye eke Moab;

NEHEMIAH 4:3

Tobiah Ammonite onyuŋ odu enye ke ŋkaŋ, ndien enye ɔdɔhɔ ete, Kpasuk se mmɔ ebɔpde, jackal ama ɔdɔk, ekeme ndiwuri ibibene itiat mmɔ.

NEHEMIAH 4:7

Edikem adaŋemi Sanballat, ye Tobiah, ye mme Arabian, ye mme Ammonite, ye mme Ashdodite, ekopde ete ke ediɔŋ ibibene Jerusalem eka iso, ke etɔŋɔ ndisiri ŋwure, ndien esit ayat mmɔ eti-eti.

NEHEMIAH 9:2

Ubon Israel enyuŋ edia-nare ye kpukpru isen owo, enyuŋ eda eyarare mme idiɔk ido mmɔ, ye mme ukwaŋ-ŋkpɔ mme ete mmɔ.

ŊWED MME PSALM 106:35

Edi ebuana ŋkpɔ ye mme idut, enyuŋ ekpep ido mmɔ.

EXODUS 13:5

Ndien ama ekem ke ini Jehovah edidade mbufo oduk ke isɔŋ mme Canaanite, ye mme Hittite, ye mme Amorite, ye mme Hivite, ye mme Jebusite, emi enye ɔkɔŋwɔŋɔde ɔnɔ mme usɔ, ete iyenɔ mbufo, isɔŋ emi ɔfiɔrɔde mmɔŋ-eba ye aran-ɔkwɔk, ndien mbufo enam utom emi ke ɔfiɔŋ emi.

EXODUS 23:23

Koro angel mi eyebem fi iso, eyenyuŋ ada fi aka ebiet mme Amorite, ye mme Hittite, ye mme Perizzite, ye mme Canaanite, ye mme Hivite, ye mme Jebusite;

EXODUS 33:16

Edinam didie, ndien, efiɔk ete ke afo enen iso ye ami ye ikɔt fo? Nte idige ke erika emi afo akade ye nnyin? Ntre ke eyedianare mi ye ikɔt fo ke kpukpru owo emi edude ke isɔŋ?

ISAIAH 52:11

Mbufo edaŋa! edaŋa! ewɔŋɔ ke esit! ekutuk ŋkpɔ ndek: ewɔŋɔ enye ke ufɔt; mbufo emi ebiomde ŋkpɔ utom Jehovah, enam idem mbufo esana.

JEREMIAH 26:10

Ekem mbon Judah edikop ikɔ emi, ndien eto ke ufɔk edidem edɔk ke ufɔk Jehovah, editie ke obufa inua-otop Jehovah.

JEREMIAH 26:16

Ndien mbɔŋ oro ye kpukpru mbio-obio edɔhɔ mme oku ye mme prophet, ete, Owo emi iduehe isop mkpa: koro enye ɔdɔhɔde ye nnyin ke enyiŋ Abasi nnyin.

LEVITICUS 18:3

Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ.

MALACHI 2:11

Judah anam abiaŋa, owo enyuŋ enam mbubiam ke Israel ye ke Jerusalem; koro Judah amabiat edisana ŋkpɔ Jehovah emi enye amade, onyuŋ ɔdɔ eyen esen abasi kiet.

NUMBERS 23:9

Ndinyuŋ ntɔk didie se Jehovah mitɔkke? Koro ntiede ke enyɔŋ mbuot ikpɔ itiat ŋkut enye, nnyuŋ ntie ke ikpɔ obot nse enye: sese, edi mbio emi editiede ikpɔŋ ke idem mmɔ: idinyuŋ ibatke mmɔ isin ke otu mme idut.

NUMBERS 25:6

Ndien, sese, owo Israel kiet ada ŋwan a Midian kiet etiene nditɔ ete esie ke iso Moses, ye ke iso ofuri esop nditɔ Israel, emi etuaŋade eyet ke enyin-usuŋ efe esop.

DEUTERONOMY 18:9

Ke adaŋemi afo edide ke isɔŋ emi Jehovah Abasi fo ɔnɔde fi, kukpebe ndinam mbubiam ido mme idut oro.

DEUTERONOMY 23:8

Nditɔ eke emanade enɔ mmɔ eyekeme ndiduk ke esop Jehovah ke ɔyɔhɔ emana mmɔ ita.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

JOSHUA 23:12

Koro edieke mbufo efiakde, enyuŋ eyirede ye mme idut emi esuhɔde, kpa mmɔ emi esuhɔde ke otu mbufo, enyuŋ edɔ ndɔ ke otu mmɔ, enyuŋ eduk ke otu mmɔ, mmɔ eyenyuŋ eduk ke otu mbufo ŋko;