EZRA 7:9 - Edisana ñwed Abasi Ibom

⁹ Koro ke akpa usen akpa ɔfiɔŋ enye ɔkɔtɔŋɔ ndito ke Babylon ndɔk, ndien ke akpa usen ɔyɔhɔ ɔfiɔŋ ition enye edisim ke Jerusalem, oto eti ubɔk Abasi esie emi odude ye enye.

EZRA 7:9 ပူးပေါင်းရင်းမြစ်များ

EZRA 7:28

ama onyuŋ ɔfɔn ido ye ami ke iso edidem ye mme ɔnɔ-item esie, ye ke iso kpukpru ikpɔ mbɔŋ edidem. Ndien esit ɔsɔŋ mi, oto ubɔk Jehovah Abasi mi emi adade ye ami, ndien ntaŋ ikpɔ owo ke Israel, nte etiene mi edɔk.

EZRA 7:6

enye Ezra oto ke Babylon ɔdɔk, ndien enye edi owo ŋwed emi otimde ɔfiɔk ŋwed ibet Moses, emi Jehovah Abasi Israel ɔkɔnɔde: ndien oto ke ubɔk Jehovah Abasi esie emi odude ye enye, edidem ɔnɔ enye kpukpru se enye ebeŋede.

EZRA 7:8

Ndien enye osim ke Jerusalem ke ɔyɔhɔ ɔfiɔŋ ition, emi edide ɔyɔhɔ isua edidem itiaba.

EZRA 8:18

Ndien oto eti ubɔk Abasi nnyin emi odude ye nnyin, mmɔ eda ɔniɔŋ owo kiet ke otu nditɔ Mahli, eyen Levi, eyen Israel, edi; ye Sherebiah, ye nditɔ esie, ye nditɔ-ete esie, owo efureta;

EZRA 8:22

Koro but akanamde mi ndika ŋkebeŋe edidem mbon-ekɔŋ ye mbio horse eke edinyaŋade nnyin, mbak mme asua ke usuŋ: koro nnyin ikɔdɔhɔde edidem, ite, Ubɔk Abasi nnyin ada ke ufɔn ɔnɔ kpukpru mme andiyom enye; edi odudu esie ye iyaresit esie eŋwana ye kpukpru mme andikpɔŋ enye.

EZRA 8:31

Ekem nnyin idaŋa ke akpa Ahava ke ɔyɔhɔ usen duopeba, ke akpa ɔfiɔŋ, ite ika ke Jerusalem: ndien ubɔk Abasi nnyin ada ye nnyin, onyuŋ anyaŋa nnyin osio ke ubɔk mme asua, ye eke mmɔ eke enade ke usuŋ ebet.

EZRA 8:32

Ekem nnyin isim Jerusalem, inyuŋ itie do ke usen ita.

NEHEMIAH 2:18

Ndien nsian mmɔ ubɔk Abasi mi, nte enye ɔkɔfɔnde ye ami: ye ikɔ edidem ŋko oro enye ɔkɔdɔŋde mi. Ndien mmɔ edɔhɔ, ete, Yak nnyin idaha ke enyɔŋ inyuŋ idiɔŋ. Ndien mmɔ esɔŋɔ ubɔk enam eti ŋkpɔ.

NEHEMIAH 2:8

ye ŋwed kiet eke ndade nsɔk Asaph andikpeme akai emi enyenede edidem, ete enye ɔnɔ mi eto ke eke obubɔk usuŋ edikoŋ ufɔk temple, ye ke eke ibibene obio, ye ke eke ufɔk eke ami ndiduŋde ke esit. Ndien edidem ɔnɔ mi oto edifɔn ubɔk Abasi mi emi odude ye ami.

ŊWED MME PSALM 80:18

Ndien nnyin idifiakke edem ikpɔŋ fi: afo eyenam itɔŋ uwem ɔsɔŋɔ nnyin, ndien nnyin iyeseme ikot enyiŋ fo.

ISAIAH 66:14

Ndien mbufo eyekut, ndien esit mbufo eyedara, mme ɔkpɔ mbufo eyenyuŋ efiari nte mbiet: ndien ikɔt Jehovah eyediɔŋɔ ubɔk esie, ndien enye eyefut esit ye mme asua esie.