EZRA 7:16 - Edisana ñwed Abasi Ibom

¹⁶ ye ofuri silver ye gold emi afo edikutde ke ofuri province Babylon, ye mme enɔ ima esit kpukpru owo, ye eke mme oku emi mmɔ enyimede ndinɔ ufɔk Abasi mmɔ emi odude ke Jerusalem; da, ndien,

EZRA 7:16 ပူးပေါင်းရင်းမြစ်များ

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

1 CHRONICLES 29:6

Ndien mme etubom mme ete, ye mbɔŋ esien Israel, ye mbɔŋ mme tɔsin, ye mbɔŋ mme ikie, ye mbɔŋ utom edidem, etat ubɔk enɔ.

1 CHRONICLES 29:9

Ndien kpukpru owo edat esit, koro mmɔ etatde ubɔk: koro mmɔ etatde ubɔk enɔ Jehovah ke ofuri esit: David edidem ŋko onyuŋ adat esit eti-eti.

2 CHRONICLES 31:14

Ndien Kore eyen Imnah Levite kiet, etie-usuŋ ke edem usiaha-utin, edi etubom ŋkpɔ emi enɔde Abasi ke ima esit, man edeme enɔ Jehovah, ye ata edisana ŋkpɔ.

2 CHRONICLES 6:2

Edi ami mmɔbɔp ufɔk iduŋ nnɔ fi, ye ebiet eke afo oduŋde ke nsinsi.

2 CHRONICLES 6:5

“Toto ke usen oro ŋkosiode ikɔt mi ke isɔŋ Egypt mfep, ŋkemekke obio ke baba esien Israel kiet ndibɔp ufɔk, man enyiŋ mi odu do; ŋkonyuŋ mmekke baba owo kiet, man enye edi ɔbɔŋ ikɔt mi Israel:

2 CHRONICLES 6:6

edi ŋkemek Jerusalem, man enyiŋ mi odu do; ŋkonyuŋ mmek David, nte enye edi ɔbɔŋ ikɔt mi Israel.”

EZRA 1:4

Ndien ama edi kpukpru owo eke esuhɔde ke ebiet ekededi eke mmɔ eduŋde do, yak mbon ebiet mmɔ oro eŋwam mmɔ ke silver, ye ke gold, ye ke inyene, ye ke ufene, ekɔrɔ ye enɔ ima ufɔk Abasi emi odude ke Jerusalem.

EZRA 1:6

Ndien kpukpru mmɔ eke ekande mmɔ ekuk eda ŋkpɔ silver, ye gold, ye inyene, ye ufene, ye ŋkpɔ-uto esɔŋɔ mmɔ ubɔk, ekɔrɔ ye kpukpru se enɔde ke ima esit.

ŊWED MME PSALM 135:21

Yak etie ke Zion ekɔm Jehovah emi oduŋde ke Jerusalem. Mbufo etoro Jehovah.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.

2 ŊWED CORINTH 9:7

Yak kpukpru owo kiet kiet ɔnɔ nte enye akaduakde ke esit esie: okunɔ ye mfuhɔ-esit, okunyuŋ ɔnɔ oto ke erinyenyik; koro Abasi amama owo eke ɔnɔde ke inemesit.