EZRA 5:12 - Edisana ñwed Abasi Ibom

¹² Edi adaŋemi mme ete nnyin ekeyatde Abasi enyɔŋ esit, enye ada mmɔ esin ke ubɔk Nebuchadnezzar edidem Babylon, eyen Chaldea, ndien enye osobo ufɔk emi, onyuŋ ataŋ mbio oro ɔnyɔŋ, ke Babylon.

EZRA 5:12 ပူးပေါင်းရင်းမြစ်များ

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

2 NDIDEM 25:1

EDIKEM ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadnezzar edidem Babylon, ye ofuri udim-ekɔŋ esie edi ekɔŋ ye Jerusalem, edikan enye ekuk.

2 CHRONICLES 36:20

Ndien enye ataŋ mmɔ eke ofut ɔsuhɔde, ɔnyɔŋ ke Babylon; ndien mmɔ edi ikɔt esie, ye eke nditɔ esie, tutu edidem Persia ada ubɔŋ:

ŊWED MME PSALM 106:40

Ndien iyaresit Jehovah obumere ye ikɔt esie, enye onyuŋ asua udeme esie eti-eti.

ISAIAH 47:6

Ŋkayat esit ye ikɔt mi; nsabare udeme mi, nda mmɔ nsin fi ke ubɔk: afo utuaha mmɔ mbɔm; odori mbiowo ata edidobi ɔkpɔnɔ fo.

JEREMIAH 5:29

Jehovah ɔdɔhɔ ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

JEREMIAH 51:59

Uyo emi ke Jeremiah prophet eketeme Seraiah eyen Neriah eyen Mahseiah ke ini enye akade ŋkpɔ ke Babylon ke uyo Zedekiah edidem Judah ke ɔyɔhɔ isua ubɔŋ esie inaŋ.

JEREMIAH 52:12

Ekem ke ɔyɔhɔ ɔfiɔŋ ition, ke ɔyɔhɔ usen ɔfiɔŋ duop, oro edi ɔyɔhɔ isua ɔbɔŋ Nebuchadrezzar edidem Babylon efurenaŋ, Nebu-zaradan etubom mbon ukpeme edidem, emi asaŋade utom edidem Babylon, edisim Jerusalem;

DANIEL 9:5

Nnyin imedue, imonyuŋ inam ukwaŋ-ŋkpɔ, imonyuŋ idiɔk, inyuŋ isɔŋ ibuot, inyuŋ ikabare ikpɔŋ ido fo ye mme item fo:

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin:

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?

JUDGES 2:14

Ndien Jehovah ayat esit ye Israel, ndien emen mmɔ esin ke ubɔk mbon ŋwo eke ebumede mmɔ, onyuŋ anyam mmɔ esin ke ubɔk mme asua mmɔ emi ekande mmɔ ekuk, ndien mmɔ ikwe aba nte edade ke iso mme asua mmɔ.

JUDGES 4:2

Ndien Jehovah anyam mmɔ esin ke ubɔk Jabin edidem Canaan, emi akadade ubɔŋ ke Hazor: ndien etubom mbon ekɔŋ esie edi Sisera, emi oduŋde ke Harosheeth mme idut.

JUDGES 6:1

EKEM nditɔ Israel enam idiɔk ke iso Jehovah: ndien Jehovah ada mmɔ esin Midian ke ubɔk ke ofuri isua itiaba.