EZRA 3:8 - Edisana ñwed Abasi Ibom

⁸ Ekem ke udiana-akpa isua nte mmɔ ekedi ke ufɔk Abasi ke Jerusalem, ke udiana-akpa ɔfiɔŋ, Zerubbabel eyen Shealtiel, ye Jeshua eyen Jozadak, ye nditɔ-ete mmɔ mme oku, ye mme Levite eke esuhɔde, ye kpukpru mbon ntaŋ-mfep oro eketode edi ke Jerusalem, etɔŋɔ; ndien mmɔ eda mme Levite, ɔtɔŋɔde ke owo isua edip, ye mmɔ eke ebede oro, edori mmɔ, ete edi mme etubom utom ufɔk Jehovah.

EZRA 3:8 ပူးပေါင်းရင်းမြစ်များ

1 CHRONICLES 23:4

Tɔsin edip ye inaŋ ke otu mme mmɔ emi enyene nditiŋ enyin nse utom ufɔk Jehovah; tɔsin itiokiet enyuŋ edi mme ewet ŋwed ye mme ekpe ikpe:

1 CHRONICLES 3:17

Ndien nditɔ Jeconiah ŋko; Assir; Shealtiel eyen esie,

EZRA 10:18

Ndien mmɔ ekut ete ke ndusuk nditɔ mme oku ema edɔ isen iban: ke otu nditɔ Jeshua eyen Jozadak, ye nditɔ-ete esie; Maa-seiah, ye Eliezer, ye Jarib, ye Gedaliah.

EZRA 2:2

emi esaŋade ye Zerubbabel edi: Jeshua, Nehemiah, Seraiah, Reelaiah, Mordecai, Bilshan, Mispar, Bigvia, Rehum, Baanah.

EZRA 3:2

Ndien Jeshua eyen Jozadak ye nditɔ-ete esie mme oku edaha ke enyɔŋ, ye Zerubbabel eyen Shealtiel, ye nditɔ-ete esie, ebɔp itie-uwa Abasi Israel man ewa edifɔp uwa ke esit, kpa nte ewetde ke ŋwed ewuhɔ Moses owo Abasi.

EZRA 4:24

Ntre ke utom ufɔk Abasi ke Jerusalem odop, onyuŋ ana tutu osim ke udiana-akpa isua ubɔŋ Darius, edidem Persia.

EZRA 4:3

Edi Zerubbabel, ye Jeshua, mme etubom mme ete Israel emi esuhɔde, edɔhɔ mmɔ, ete, mbufo isaŋake ye nyin ke eribɔp ufɔk nnɔ Abasi nnyin; edi nnyin ke idem nnyin iyebɔp inɔ Jehovah Abasi Israel, kpa nte edidem Cyrus, edidem Persia, okowukde nnyin.

EZRA 5:16

Ntre ke Sheshbazzar oro edi editɔŋɔ ndibɔp ufɔk Abasi emi odude ke Jerusalem; ndien toto ke ini oro ebebɔp tutu osim ini emi edi ika-imaha.

EZRA 5:2

Ndien Zerubbabel eyen Shealtiel, ye Jeshua eyen Jozadak, edaha ke enyɔŋ etɔŋɔ ndibɔp ufɔk Abasi emi odude ke Jerusalem: mme prophet Abasi enyuŋ eŋwam mmɔ ŋko.

HAGGAI 1:1

KE udiana-akpa isua Darius edidem, ke ɔyɔhɔ ɔfiɔŋ itio-kiet, ke akpa usen ɔfiɔŋ, uyo Jehovah ke ubɔk Haggai prophet osim Zerubbabel eyen Shealtiel, ɔbɔŋ Judah, ye Joshua eyen Jehozadak akamba oku, ete,

ZECHARIAH 4:9

Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.

ZECHARIAH 6:12

nyuŋ dɔhɔ enye, ete, Ntem ke Jehovah mme udim ɔdɔhɔ, ete, Sese, owo emi Nsekhe edide enyiŋ esie; ndien enye eyesehe ke ɔtɔ esie, onyuŋ ɔbɔp temple Jehovah;

NUMBERS 4:3

Ɔtɔŋɔde ke owo isua edip ye duop, ye mmɔ eke ebede oro, tutu osim isua aba ye udop, kpukpru owo eke edukde ke udim utom, man enam utom ke efe esop.