EZRA 3:6 - Edisana ñwed Abasi Ibom

⁶ Toto ke akpa usen ɔyɔhɔ ɔfiɔŋ itiaba mmɔ etɔŋɔ ndiwa edifɔp uwa nnɔ Jehovah. Edi ika-itɔŋɔke ndibɔp temple Jehovah.

EZRA 3:6 ပူးပေါင်းရင်းမြစ်များ

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

EZRA 3:7

Ndien mmɔ eda silver enɔ mme ɔsɔi-itiat ye mme ekpeŋe-eto; enyuŋ enɔ mbio Zidon ye eke Tyre udia, ye wine, ye aran, ete eda eto cedar ke Lebanon enam efiɔrɔ ke inyaŋ edi ke Joppa, kpa nte Cyrus edidem Persia okonyimede ɔnɔ mmɔ.

LEVITICUS 23:24

Dɔhɔ nditɔ Israel, ete, ke ɔyɔhɔ ɔfiɔŋ itiaba, ke akpa usen ɔfiɔŋ, ke mbufo edinim sabbath, eke efuride ukorowo enam owo eti, edisana esop.

LEVITICUS 23:25

Mbufo ekunam baba ubɔk-utom ke esit; edi ewa uwa ikaŋ enɔ Jehovah.

NUMBERS 29:1

NDIEN ŋko ke ɔyɔhɔ ɔfiɔŋ itiaba, ke akpa usen ɔfiɔŋ, ke mbufo edisop edisana esop; ekunam baba ubɔk-utom kiet: mbufo enim enye ke usen erifuri ukorowo.

NUMBERS 29:2

Ndien mbufo ewa edifɔp uwa enɔ Jehovah ke edinem utebe; abak enaŋ kiet, ye okukim kiet, ye nditɔ erɔŋ isua kiet kiet itiaba, eke efɔnde ema: