EZRA 3:5 - Edisana ñwed Abasi Ibom

⁵ ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

EZRA 3:5 ပူးပေါင်းရင်းမြစ်များ

2 CHRONICLES 31:14

Ndien Kore eyen Imnah Levite kiet, etie-usuŋ ke edem usiaha-utin, edi etubom ŋkpɔ emi enɔde Abasi ke ima esit, man edeme enɔ Jehovah, ye ata edisana ŋkpɔ.

EZRA 3:6

Toto ke akpa usen ɔyɔhɔ ɔfiɔŋ itiaba mmɔ etɔŋɔ ndiwa edifɔp uwa nnɔ Jehovah. Edi ika-itɔŋɔke ndibɔp temple Jehovah.

NEHEMIAH 10:34

Ndien nnyin, mme oku, ye mme Levite, ye kpukpru owo, isin afia ibaŋa enɔ ifia, man eda enye esɔk ufɔk Abasi nnyin, nte mme ufɔk mme ete nnyin esaŋade, ke ini eke edoride kpukpru isua, man eda ebara ikaŋ ke enyɔŋ itie-uwa Jehovah Abasi nnyin, kpa nte ekewetde ke ŋwed mbet:

JEREMIAH 33:18

owo mme oku mme Levite idinyuŋ itreke ndiwa edifɔp uwa ke iso mi, idinyuŋ itreke ndifɔp inuak-udia, nnyuŋ ŋwa uwa emem kpukpru ini.

LEVITICUS 1:2

Dɔhɔ nditɔ Israel, ete mmɔ, Ke ini owo mbufo kiet oyomde ndida enɔ nsɔk Jehovah, mbufo edida enɔ mbufo ke ufene, mme ke enaŋ, mme ke ŋkpri ufene esɔk.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 23:2

Ini emi Jehovah onimde, emi mbufo edikwɔrɔde ekot edisana esop, edi mme mmɔ emi, kpa ini mi.

NUMBERS 28:14

Ndien ediŋwɔŋ uwa mmɔ edidi wine ke qaurt iba ke enaŋ kiet, ye qaurt ye udori ke okukim kiet, ye quart kiet ke eyen erɔŋ kiet: emi edide edifɔp uwa kpukpru ɔfiɔŋ, ke ofuri ɔfiɔŋ isua.

NUMBERS 28:19

ndien mbufo ewa uwa ikaŋ, kpa edifɔp uwa enɔ Jehovah; abak enaŋ iba, ye okukim kiet, ye nditɔ erɔŋ isua kiet kiet itiaba: mbufo eyom eke efɔnde ema:

NUMBERS 28:27

ndien mbufo ewa edifɔp uwa enɔ Jehovah ke edinem utebe: abak enaŋ iba, ye okukim kiet, ye nditɔ erɔŋ isua kiet kiet itiaba;

NUMBERS 29:13

ndien mbufo ewa edifɔp uwa, kpa uwa ikaŋ, enɔ Jehovah, edinem utebe; ke abak enaŋ duopeta, ye okukim iba, ye nditɔ erɔŋ isua kiet kiet duopenaŋ; yak mmɔ efɔn ema:

NUMBERS 29:2

Ndien mbufo ewa edifɔp uwa enɔ Jehovah ke edinem utebe; abak enaŋ kiet, ye okukim kiet, ye nditɔ erɔŋ isua kiet kiet itiaba, eke efɔnde ema:

NUMBERS 29:39

Mbufo enam ŋkpɔ emi enɔ Jehovah ke ini emi edoride enɔ mbufo, ekɔrɔ ke mme akaŋa mbufo, ye ke uwa ima mbufo, ye ke edifɔp uwa mbufo, ye ke inuak-udia mbufo, ye ke ediŋwɔŋ uwa mbufo, ye ke mme uwa emem mbufo.

NUMBERS 29:8

edi mbufo ewa edifɔp uwa enɔ Jehovah ke edinem utebe: ke abak enaŋ kiet, ye okukim kiet, ye nditɔ erɔŋ isua kiet kiet itiaba; mbufo eyom eke efɔnde ema:

DEUTERONOMY 12:17

Kuda ɔyɔhɔ ubak ibokpot fo duop mme eke ɔbufa wine fo, mme eke aran fo, mme eke akpa eyen enaŋ ye erɔŋ fo, mme eke akaŋa fo baba kiet eke afo edikaŋade, mme eke uwa ima esit fo, mme eke edimenere uwa ubɔk fo, udia ke ebiet fo:

DEUTERONOMY 12:6

mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.