EZRA 3:11 - Edisana ñwed Abasi Ibom

¹¹ Ndien mmɔ ekwɔ, ke etoro, enyuŋ ekɔm Jehovah, koro enye ɔfɔnde, koro ima esie (emi enye amade) Israel odude ke nsinsi. Ndien kpukpru owo efiori akamba mfiori, ke etoro Jehovah, koro etɔŋɔde ndibɔp ufɔk Jehovah.

EZRA 3:11 ပူးပေါင်းရင်းမြစ်များ

1 CHRONICLES 16:34

Mbufo ekɔm Jehovah; koro enye ɔfɔnde; koro ufɔn esie onyuŋ ebigide ke nsinsi.

1 CHRONICLES 16:41

Heman, ye Jeduthun ŋko ye mmɔ, ye mbio eken emi ekemekde, emi ekewetde mmɔ enyiŋ, ete ekɔm Jehovah, koro ufɔn esie ebigide ke nsinsi;

2 CHRONICLES 5:13

edikem adaŋemi mme andifuri ye mme andikwɔ, nte owo kiet, enamde uyom ke uyo kiet, ekɔm enyuŋ etoro Jehovah; ke ini mmɔ enyuŋ emenerede uyo edian ye ukorowo, ye cymbal, ye ŋkpɔ-ikwɔ, enyuŋ etorede Jehovah, koro enye ɔfɔnde, koro ima esie edide nsinsi: ndien obubit enyɔŋ ɔyɔhɔ ke ufɔk, kpa ufɔk Jehovah.

2 CHRONICLES 7:3

Ndien ke adaŋemi kpukpru nditɔ Israel ekutde nte ikaŋ ɔsuhɔrede, nte ubɔŋ Jehovah onyuŋ odorode ke ufɔk, mmɔ etuk iso ke isɔŋ ke pavement, enyuŋ ebɔŋ akam, enyuŋ ekɔm Jehovah, koro enye ɔfɔnde, koro mbɔm esie ebigide ke nsinsi.

NEHEMIAH 12:24

Ndien mme etubom mme Levite: Hashabiah, Sherebiah, ye Jeshua eyen Kadmiel, ye nditɔ-ete mmɔ edu ye mmɔ ke eritoro, nnyuŋ ŋkɔm, ke ewuhɔ David owo Abasi, utɔ ekem ye utɔ.

NEHEMIAH 12:40

Ekem ŋka ekɔm mbiba eda ke ufɔk Abasi, ye ami, ye ubak mme ebierikpe ŋko:

ŊWED MME PSALM 100:5

Koro Jehovah ɔmɔfɔn; ima esie ebigi ke nsinsi; akpanikɔ esie onyuŋ ebigi ke ofuri emana.

ŊWED MME PSALM 103:17

Edi ima Jehovah ebigi ke nsinsi-nsinsi ye mmɔ eke ebakde enye, edinen ido esie onyuŋ ebigi ye nditɔ nditɔ;

ŊWED MME PSALM 106:1

MBUFO etoro Jehovah. Oh Mbufo ekɔm Jehovah; koro enye ɔfɔnde;

ŊWED MME PSALM 107:1

MBUFO ekɔm Jehovah, koro enye ɔfɔŋde; koro ima esie ebigide ke nsinsi.

ŊWED MME PSALM 118:1

O MBUFO ekɔm Jehovah; koro enye ɔfɔnde: koro ima esie odude ke nsinsi.

ŊWED MME PSALM 131:1

O JEHOVAH, esit mi ikoŋke, mmenekede enyin mi ke enyɔŋ: nnyuŋ nsaŋake ke ikpɔ ŋkpɔ, emi edide utibe ekan mi.

ŊWED MME PSALM 135:3

Mbufo etoro Jehovah; koro Jehovah ɔfɔnde: ekwɔ enɔ enyiŋ esie: koro eyede.

ŊWED MME PSALM 47:1

MBUFO, kpukpru mme idut, ekwak ubɔk; esio mkpo idara enɔ Abasi.

ŊWED MME PSALM 47:5

Abasi ɔmɔdɔk ke mkpo idara, Jehovah, ke uyom ukorowo.

EXODUS 15:21

Ndien Miriam ɔbɔrɔ mmɔ, ete, Mbufo ekwɔ enɔ Jehovah, koro enye okoŋde; enye ekemen horse ye andidoro-horse ɔduɔk ke inyaŋ.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 6:3

Ndien kiet ofiori okot kiet, onyuŋ ɔdɔhɔ ete, Edisana, edisana, edisana, Jehovah mme udim: ubɔŋ esie ke ɔyɔhɔ ke ofuri ererimbot.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

HAGGAI 2:3

Anie owo eke okokutde ufɔk emi ke akpa ubɔŋ esie, osuk ke otu mbufo? Ndien mbufo ese enye didie ke emi? Nte emi itiehe nte ikpikpu ye oko ke enyin mbufo?

ZECHARIAH 4:7

Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

LUKE 1:50

Mbɔm Esie onyuŋ ana ɔnɔ kpukpru emana, Ɔnɔ mmɔ emi ebakde Enye.

JOSHUA 6:10

Edi Joshua ama okowuk kpukpru owo, ete, Mbufo ekufiori, ekunyuŋ eyak ekop uyo mbufo, ekuyuŋ eyak baba ikɔ kiet ɔwɔrɔ mbufo ke inua, tutu osim ke usen emi ndidɔhɔde mbufo, nte, Efiori; ndien mbufo efiori.

JOSHUA 6:16

Ekem ke ɔyɔhɔ utim ikatiaba, mme oku efuri obukpoŋ, ndien Joshua ɔdɔhɔ kpukpru owo, ete, Mbufo efiori: koro Jehovah amada obio ɔnɔ mbufo.

JOSHUA 6:5

Ndien ama ekem, adaŋemi efuride obukpoŋ, ke mbufo ekopde uyo ukorowo oro, yak kpukpru owo efiori akamba mfiori; ndien ibibene obio eyeduɔ ke itie esiemɔ, ndien yak kpukpru owo eneŋere iso edɔk.