EZRA 3:10 - Edisana ñwed Abasi Ibom

¹⁰ Ndien adaŋemi mme andibɔp etɔŋɔde ndibɔp mme temple Jehovah, mmɔ enim mme oku, esine edisine-ŋkpɔ mmɔ, ekama ukorowo, enyuŋ enim mme Levite, nditɔ Asaph, ekama cymbal, ete etoro Jehovah, nte David edidem Israel eketemede.

EZRA 3:10 ပူးပေါင်းရင်းမြစ်များ

1 CHRONICLES 15:24

Shebaniah ŋko, ye Joshaphat, ye Nethanel, ye Amasai, ye Zechariah, ye Benaiah, ye Eliezer, mme oku, edi mme andifuri ukorowo ke iso ekebe Abasi; Obed-edom ye Jehiah enyuŋ edi mme etie-usuŋ ke eke ekebe.

1 CHRONICLES 15:27

David onyuŋ esine ɔfɔŋ idem eti linen; kpukpru mme Levite oro ebiomde ekebe, ye mme andikwɔ ikwɔ, ye Chenaniah etubom ikwɔ mme andikwɔ (enyuŋ esine linen): David onyuŋ esine ephod linen.

1 CHRONICLES 16:37

Ntre ke enye ɔkpɔŋ Asaph ye nditɔ-ete esie do ke iso ekebe ediomi Jehovah, ete enam ŋkpɔ ke iso ekebe kpukpru ini, nte ekemde kpukpru usen:

1 CHRONICLES 16:42

Heman, ye Jeduthun ŋko ye mmɔ, ete enam uyom ke ukorowo, ye ke cymbal, ye ke ikwɔ, eno Abasi. Nditɔ-iren Jeduthun ŋko enyuŋ etie ke usuŋ.

1 CHRONICLES 23:5

ndien tɔsin inaŋ edi mme etie-usuŋ; tɔsin inaŋ enyuŋ edi mme nditoro Jehovah ke ŋkpɔ emi ami (David) ŋkanamde, nte eda etoro.

1 CHRONICLES 25:25

ɔyɔhɔ efureta ɔwɔrɔ Hanani, nditɔ esie, ye nditɔ-ete esie edi duopeba:

2 CHRONICLES 35:14

Ekem ke ini oro ama ekebe, mmɔ etim eke idem mmɔ ye eke mme oku: koro mme oku, nditɔ Aaron, ededa ewa edifɔp uwa, ye ikpɔŋ tutu osim ke mbubreyo: oro esin mme Levite etim eke idem mmɔ, ye eke mme oku, nditɔ Aaron.

2 CHRONICLES 35:15

Ndien mme ɔkwɔ-ikwɔ, nditɔ Asaph, edu ke itie mmɔ, kpa nte ewuhɔ David, ye eke Asaph, ye Heman, ye Jeduthun, mbon ŋkukut edidem, asaŋade; mme etie-usuŋ enyuŋ etie ke kpukpru inua-otop; mmɔ ikenyeneke ndikpɔŋ utom mmɔ: koro nditɔ-ete mmɔ mme Levite etimde eke mmɔ.

2 CHRONICLES 5:12

mme Levite ŋko eke ekwɔde ikwɔ, kpukpru mmɔ, ye Asaph, ye Heman, ye Jeduthun, ye nditɔ mmɔ, ye nditɔ-ete mmɔ esine eti linen, ekama cymbal, ye psaltery, ye harp, eda ke edem usiaha-utin itie-uwa, oku ikie ye edip enyuŋ edu ye mmɔ, efuri ukorowo):

EZRA 2:41

Mme ɔkwɔ-ikwɔ: nditɔ Asaph, ikie ye edip ye itiaita.

EZRA 5:16

Ntre ke Sheshbazzar oro edi editɔŋɔ ndibɔp ufɔk Abasi emi odude ke Jerusalem; ndien toto ke ini oro ebebɔp tutu osim ini emi edi ika-imaha.

ŊWED MME PSALM 150:5

Etoro enye ke ɔkpɔsɔŋ uyo cymbal: Etoro enye ke cymbal mkpo idara.

HAGGAI 2:15

Mbufo ekere, ndien, mbɔk, etɔŋɔ ke mfin emi, ese ini emi ebemde iso, ke mika-idorike kaŋa itiat ke itiat ke temple Jehovah:

ZECHARIAH 4:10

Koro anie owo esin usen ekpri ŋkpɔ ke ndek? Ndien mmɔ eyedat esit, enyuŋ ekut uruk ŋket ke ubɔk Zerubbabel, kpa mbitiaba emi; mme mmɔ emi edi enyin Jehovah emi esuanade ese ofuri ererimbot.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

ZECHARIAH 4:7

Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

ZECHARIAH 6:12

nyuŋ dɔhɔ enye, ete, Ntem ke Jehovah mme udim ɔdɔhɔ, ete, Sese, owo emi Nsekhe edide enyiŋ esie; ndien enye eyesehe ke ɔtɔ esie, onyuŋ ɔbɔp temple Jehovah;

ZECHARIAH 7:3

enyuŋ edɔhɔ mme oku emi edude ke ufɔk Jehovah mme udim, ye mme prophet ŋko, ete, Nte nyesuk ntua eyet ke ɔyɔhɔ ɔfiɔŋ ition, nnyuŋ ndianare idem mi mfep, nte ŋkanamde ediwak isua emi?

1 SAMUEL 22:18

Ndien edidem ɔdɔhɔ Doeg, ete, Afo saŋa kpere kowot mme oku. Ndien Doeg Edomite oro asaŋa ekpere okowot mme oku, ndien ke usen oro enye owot owo anaŋ ye ition eke esinede ephod linen.