EZRA 10:9 - Edisana ñwed Abasi Ibom

⁹ Ekem kpukpru owo Judah ye eke Benjamin esop idem ke Jerusalem ke usen ita. Enye edi ɔyɔhɔ ɔfiɔŋ usukkiet, ye ɔyɔhɔ usen ɔfiɔŋ edip; ndien kpukpru owo etie do ke aŋwa ufɔk Abasi, enyuŋ enyek idem ebaŋa ikɔ emi ye akwa edim.

EZRA 10:9 ပူးပေါင်းရင်းမြစ်များ

EZRA 10:10

Ekem Ezra oku adaha ada, onyuŋ ɔdɔhɔ mmɔ ete, Mbufo emedue, emenyuŋ edɔ isen iban, enyuŋ enam isop Israel okpon aka iso.

EZRA 10:3

Ke emi, ndien, yak nnyin idiomi ediomi ye Abasi nnyin, ite ke nnyin iyesioŋo kpukpru iban, ye nditɔ emi mmɔ emande, nte ekemde ke item ɔbɔŋ mi, ye ke eke mme mmɔ emi enyekde idem ebaŋa mbet Abasi nnyin; ndien yak enam ke ewuhɔ.

EZRA 10:8

ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

EZRA 9:4

Ndien kpukpru owo eke enyekde idem ebaŋa ikɔ Abasi Israel, ebaŋa idiɔk ido mbon ntaŋ-mfep, esop idem ke ɔtɔ mi; ndien ami ntie do ke mkpa-idem tutu osim ke ini uwa mbubreyo.

ESTHER 2:16

Ekem eda Esther eduk ke ɔtɔ edidem Ahasuerus, ke ufɔk ubɔŋ esie, ke ɔyɔhɔ ɔfiɔŋ duop, oro edi ɔfiɔŋ Tebeth, ke ɔyɔhɔ isua ubɔŋ esie itiaba.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 10:13

Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

JEREMIAH 36:22

Ndien edidem etie ke ufɔk ini tuep, ke ɔyɔhɔ ɔfiɔŋ usukkiet: eso ikaŋ onyuŋ asak ke iso esie.