EZRA 10:8 - Edisana ñwed Abasi Ibom

⁸ ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

EZRA 10:8 ပူးပေါင်းရင်းမြစ်များ

EZRA 10:7

Ndien mmɔ etaŋa ewuhɔ ke Judah ye Jerusalem enɔ kpukpru nditɔ ntaŋ-mfep, ete edibono ke Jerusalem;

EZRA 10:9

Ekem kpukpru owo Judah ye eke Benjamin esop idem ke Jerusalem ke usen ita. Enye edi ɔyɔhɔ ɔfiɔŋ usukkiet, ye ɔyɔhɔ usen ɔfiɔŋ edip; ndien kpukpru owo etie do ke aŋwa ufɔk Abasi, enyuŋ enyek idem ebaŋa ikɔ emi ye akwa edim.

EZRA 7:26

Ndien yak emen idem eda ufen enɔ kpukpru owo eke minamke mme ewuhɔ Abasi fo, ye mme ewuhɔ edidem, edide ke mkpa, onyuŋ edide ke eribin mmɔ mfep, onyuŋ edide ke eridia mmɔ isop, onyuŋ edide ke erikɔbi mmɔ.

NEHEMIAH 13:28

Ndien eyen Joiada, eyen Eliashib akamba oku, kiet okokoro ukot ye Sanballat Horonite: mmɔdo mbinde enye ke idem mi mfep.

NEHEMIAH 13:3

Edikem ndien, adaŋemi mmɔ ekopde ewuhɔ oro, mmɔ edianare kpukpru owo eke ebuahade ye Israel efep.

LEVITICUS 27:28

Edi ekunyam, ekunyuŋ efak baba ofuri edidianare ŋkpɔ kiet, eke owo edidianarede inɔ Jehovah, ke kpukpru se enye enyenede, edide owo, onyuŋ edide unam, onyuŋ edide isɔŋ akpa esie: kpukpru edidianare ŋkpɔ edi ata edisana ŋkpɔ Jehovah.

MATTHEW 18:17

Edi edieke enye esinde ndikop uyo mmɔ, men tiŋ nɔ ufɔk Abasi, edi enye esinde ndikop uyo ufɔk Abasi, yak enye etie fi ke enyin nte owo mme idut ye publican.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

JOHN 9:22

Ete ye eka esie edɔhɔ ntem, koro mmɔ efehede mme Jew; koro mme Jew ema ekediomi ete, edieke owo onyimede ete Jesus edi Christ, iyebin owo oro isio ke synagogue.

JOHN 9:34

Mmɔ ebɔrɔ enye ete, Afo akamana ke idiɔk-ŋkpɔ ofuri-ofuri: nte afo ekpekpep nnyin ŋkpɔ ndien? Ntem ke mmɔ ebin enye eduɔk.

1 ŊWED CORINTH 5:13

Esio oburobut owo oro ke otu mbufo efep.

JOSHUA 6:19

Ndien kpukpru silver, ye gold, ye ŋkpɔ okpoho, ye ukwak, edi ndisana ŋkpɔ Jehovah: mmɔ eyeduk ke ebiet unim-ŋkpɔ Jehovah.

JUDGES 21:5

Ndien nditɔ Israel edɔhɔ ete, Anie odu ke otu kpukpru esien Israel emi mikɔdɔkke ke otu esop itiene Jehovah? Koro mmɔ ema ekewuk akamba ewuhɔ ebaŋa owo emi midɔkke idi ke ɔtɔ Jehovah ke Mizpah, ete, ke enye iditreke ndikpa.

1 SAMUEL 11:7

Ndien enye ada enaŋ iba abak, onyuŋ emen mmɔ esin mme isuŋutom ke ubɔk, ete eda esaŋa ke ofuri adaŋa Israel, ete, Owo ekededi eke midiwɔrɔke Saul ye Samuel ke edem, ntem ke edinam enaŋ esie. Ndien ndik Jehovah odoro kpukpru owo ke idem, ndien mmɔ ewɔŋɔ ye esit kiet.