EZRA 10:1 - Edisana ñwed Abasi Ibom

¹ EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

EZRA 10:1 ပူးပေါင်းရင်းမြစ်များ

1 NDIDEM 8:30

Kop ndien mkpe-ubɔk owo fo, ye eke ikɔt fo Israel, eke mmɔ edinamde ese ebiet emi: afo nyuŋ tie ke ebiet iduŋ fo ke enyɔŋ kop: ndien ke ini afo okopde, dahado.

1 NDIDEM 9:3

Ndien Jehovah ɔdɔhɔ enye, ete, Mmokop akam fo, ye mkpe-ubɔk fo oro afo akanamde ke iso mi: mmonim ufɔk emi afo ɔkɔbɔpde, ke edisana, man nnim enyiŋ mi do ke nsinsi: ndien enyin mi ye esit mi eyedu do kpukpru ini.

2 CHRONICLES 20:13

Ndien ofuri Judah ada ke iso Jehovah, ye ŋkpri nditɔwɔŋ mmɔ, ye iban mmɔ, ye nditɔ mmɔ.

2 CHRONICLES 20:9

edieke idiɔk-ŋkpɔ editienede nnyin, edide ofut, edide ufen, onyuŋ edide idiɔk udɔŋɔ, mme akaŋ, ndien nnyin ima ida ke iso ufɔk emi, ye ke iso fo (koro enyiŋ fo odude ke ufɔk emi) inyuŋ iseme inɔ fi ibaŋa ukut nnyin, ndien afo eyekop, onyuŋ anyaŋa.

EZRA 10:6

Ekem Ezra adaha ke enyɔŋ ke iso ufɔk Abasi, aka okoduk ke ubet Jehohanan eyen Eliashib: ndien enye aka do, idiaha ŋkpɔ, inyuŋ iŋwɔŋke mmɔŋ: koro enye atuade mme idiɔk ido mbon ntaŋ-mfep.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

NEHEMIAH 10:28

Ndien kpukpru owo eŋwen, mme oku, ye mme Levite, ye mme etie-usuŋ, ye mme ɔkwɔ-ikwɔ, ye mme Nethinim, ye kpukpru owo eke ekedianarede idem mmɔ ye mbio mme idut efep, enim mbet Abasi, iban mmɔ, ye nditɔ-iren mmɔ, ye nditɔ-iban mmɔ, kpukpru enyene-ibuot ye ɔfiɔkŋkpɔ owo;

NEHEMIAH 8:9

Ndien Nehemiah, emi edide Tirshatha, ye Ezra oku, ɔfiɔk-ŋwed, ye mme Levite, emi esiande mbon oro, edɔhɔ kpukpru owo, ete, Mfin emi edi edisana usen Jehovah Abasi mbufo; mbufo ekuseme, ekunyuŋ etua eyet. Koro kpukpru owo etuade eyet, adaŋemi mmɔ ekopde ikɔ mbet oro.

ŊWED MME PSALM 119:136

koro mmɔ minimke ido fo.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

MATTHEW 3:6

ewɔŋɔ etiene enye; enyuŋ ena baptistm ke ubɔk esie ke akpa Jordan, ke eyararede mme idiɔkŋkpɔ mmɔ.

LUKE 19:41

Ke ini Enye asaŋade ekpere, Enye okut obio, onyuŋ atua eyet abaŋa enye, ete,

UTOM MME APOSTLE 10:30

Ndien Cornelius ɔdɔhɔ ete, Mfin adaŋemi anam usen inaŋ nte mbɔŋde akam ke ɔyɔhɔ hour ita uwemeyo ke ufɔk mi: ndien sese, owo emi esinede edisem ɔfɔŋidem ɔbiɔŋɔre mi ke iso, ete mi,

UTOM MME APOSTLE 21:5

Edikem, ke ini mme usen oro ebede, nnyin idaha ika iso ke isaŋ nnyin; ndien kpukpru mmɔ, ye iban ye nditɔwɔŋ, eda nnyin ekeyak ke usuŋ, tutu nnyin iwɔrɔ ikpɔŋ obio: nnyin inyuŋ itɔŋɔ edɔŋ ke esuk ibɔŋ akam, inyuŋ ikɔm kiet eken saŋa suŋ; ntre nnyin idiere ke ubom,

ŊWED MBON ROME 9:2

mmenyene akwa mfuhɔ ye ubiak emi midoboke ke esit mi.

DEUTERONOMY 31:12

Bon kpukpru owo ɔtɔ kiet, iren-owo ye iban, ye nditɔwɔŋ, ye esen owo fo emi odude ke obio fo, man mmɔ ekop, man mmɔ enyuŋ ekpep, enyuŋ ebak Jehovah Abasi mbufo, enyuŋ ekpeme ndinim kpukpru ikɔ mbet emi:

JOSHUA 7:6

Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.

JOSHUA 8:35

Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.