EZRA 1:2 - Edisana ñwed Abasi Ibom

² Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

EZRA 1:2 ပူးပေါင်းရင်းမြစ်များ

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

2 CHRONICLES 2:12

Huram onyuŋ ɔdɔhɔ, ete, Mbufo etoro Jehovah Abasi Israel, emi akanamde enyɔŋ ye isɔŋ, emi enɔde edidem David enyene-ibuot eyen emi edide ɔniɔŋ ye asian, man enye ɔbɔp ufɔk ɔnɔ Jehovah, ye ufɔk ubɔŋ esiemɔ.

EZRA 1:5

Ndien mme etubom mme ete Judah ye Benjamin, ye mme oku, ye mme Levite, ye kpukpru mmɔ eke Abasi edemerede esit mmɔ, edaha ke enyɔŋ, ete idɔk ikɔbɔp ufɔk Jehovah emi odude ke Jerusalem.

EZRA 3:7

Ndien mmɔ eda silver enɔ mme ɔsɔi-itiat ye mme ekpeŋe-eto; enyuŋ enɔ mbio Zidon ye eke Tyre udia, ye wine, ye aran, ete eda eto cedar ke Lebanon enam efiɔrɔ ke inyaŋ edi ke Joppa, kpa nte Cyrus edidem Persia okonyimede ɔnɔ mmɔ.

EZRA 4:3

Edi Zerubbabel, ye Jeshua, mme etubom mme ete Israel emi esuhɔde, edɔhɔ mmɔ, ete, mbufo isaŋake ye nyin ke eribɔp ufɔk nnɔ Abasi nnyin; edi nnyin ke idem nnyin iyebɔp inɔ Jehovah Abasi Israel, kpa nte edidem Cyrus, edidem Persia, okowukde nnyin.

EZRA 5:15

onyuŋ ɔdɔhɔ enye, ete, Bɔ mkpoduoho emi, ka konim mmɔ ke temple emi odude ke Jerusalem, yak mmɔ enyuŋ ebɔp ufɔk Abasi ke itie esie.

EZRA 6:10

man mmɔ ewa uwa eti utebe enɔ Abasi enyɔŋ, enyuŋ enam mkpe-ubɔk enɔ uwem edidem, ye eke nditɔ esie.

EZRA 6:3

“Ke akpa isua Cyrus edidem, edidem Cyrus owuk ewuhɔ ufɔk Abasi ke Jerusalem, ete, Yak ebɔp ufɔk oro ke ebiet oro ekewade uwa, esɔŋɔ ewuk ibibene esie; idaha esie ibio-idomo-okuk ata, ye ubom esie ibio-idomo-okuk ata;

EZRA 7:12

Artaxerxes edidem ndidem ɔkɔm Ezra oku, ata ɔfiɔk ŋwed-ibet Abasi enyɔŋ, ye ntre ntre.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

ŊWED MME PSALM 136:26

Oh mbufo ekɔm Abasi enyɔŋ: koro ima esie odude ke nsinsi.

ŊWED MME PSALM 85:2

Amadahado ke idiɔk ido ikɔt fo, omofuk kpukpru mme ukwaŋ-ŋkpɔ mmɔ. [Selah.]

MME ŊKE 21:1

ESIT ɔbɔŋ edi idim mmɔŋ ke ubɔk Jehovah: enye akabare enye nte amade.

ISAIAH 41:2

Anie ekedemere owo ke edem usiaha-utin? Edinen ido eyekot enye edi ke ɔtɔ ukot esie? Eyeda mme idut onim enye ke iso, eyenam enye edigi ndidem; eyeda mmɔ ɔnɔ ofut esie, nte ntan, ɔnɔ utiga esie, nte mbio eke ekpɔride efep.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

JEREMIAH 10:11

Ntem ke mbufo edidɔhɔ mmɔ, ete, Eyesobo mme abasi oro mikenamke enyɔŋ ye isɔŋ, efep ke isɔŋ ye ke idak ikpa-enyɔŋ emi.

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

DANIEL 1:21

Ndien Daniel odu uwem tutu osim ke akpa isua Cyrus edidem.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 6:25

Ndien Darius edidem ewet ɔnɔ kpukpru mme idut, ye obio, ye usem eke eduŋde ke ofuri ererimbot, ete, Emem mbufo akpakam awak.

JONAH 1:9

Ndien enye ɔbɔrɔ mmɔ, ete, Ami ndi eyen Hebrew; ami nnyuŋ mbak Jehovah Abasi enyɔŋ, emi akanamde inyaŋ ye obot.