EXODUS 8:8 - Edisana ñwed Abasi Ibom

⁸ Ndien Pharaoh okot Moses ye Aaron edi, onyuŋ ɔdɔhɔ ete, mbufo ekpe Jehovah ubɔk, ete, Enye emen ikwɔt efep ɔbɔ mi, ye mbio-obio mi, ndien nyeyak mbio oro eka, man ekewa uwa enɔ Jehovah.

EXODUS 8:8 ပူးပေါင်းရင်းမြစ်များ

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

EXODUS 10:16

Ndien Pharaoh awara okot Moses ye Aaron edi; ndien enye ɔdɔhɔ ete, Mmedue Jehovah Abasi mbufo, ye mbufo ŋko.

EXODUS 10:17

Mbɔk, ndien, dahado ke ndudue mi ini emi ikpɔŋ; mbufo enyuŋ ekpe Jehovah Abasi mbufo ubɔk, ete Enye anam suk mkpa emi ikpɔŋ ɔkpɔŋ mi.

EXODUS 10:18

Ndien enye ɔwɔrɔ ɔkpɔŋ Pharaoh, ekekpe Jehovah ubɔk.

EXODUS 14:5

Ekem, etiŋ enɔ edidem Egypt, ete, ke mbio oro emefeŋe: ndien esit Pharaoh ye eke ikɔt esie akabare asua mmɔ, ndien mmɔ edɔhɔ, ete, Nso ke nnyin ikanam emi iyakde Israel eka, etre ndidi ikɔt nnyin?

EXODUS 32:11

Ndien Moses ekpe Jehovah Abasi esie ubɔk, ete, O Jehovah, nsinam iyaresit fo asakde ntem ye ikɔt fo, emi afo okosiode mmɔ ke isɔŋ Egypt, ke akwa odudu, ye ke ɔkpɔsɔŋ ubɔk?

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

EXODUS 8:15

Ekem adaŋemi Pharaoh okutde nte nduɔk-odudu odude, enye ɔsɔŋɔ esit esiemɔ, inyuŋ ikopke inɔ mmɔ; kpa nte emi Jehovah ɔkɔdɔhɔde.

EXODUS 8:29

Ndien Moses ɔdɔhɔ ete, Sese, mmɔŋ ŋwɔrɔ ŋkpɔŋ fi, nyeyuŋ ŋkpe Jehovah ubɔk, ndien nduyip eyedaŋa ekpɔŋ Pharaoh, ye ikɔt esie, ye mbio-obio esie, mkpɔŋ: edi yak Pharaoh okutɔŋɔ ntak anam abiaŋa, ke eritre ndiyak mbio emi eka ekewa uwa enɔ Jehovah.

EXODUS 8:32

Ndien Pharaoh ɔsɔŋɔ esit esiemɔ ke idem ini emi ŋko, inyuŋ iyakke mbon oro eka.

EXODUS 8:9

Ndien Moses ɔdɔhɔ Pharaoh, ete, Da mi ubɔŋ ke idem: ini ewe ke ndinam mkpe-ubɔk nnɔ fi, ye ikɔt fo, ye mbio-obio fo, man esobo ikwɔt efep ke idem fo ye ke ufɔk fo, man mmɔ esuk etak ke akpa ikpɔŋ-ikpɔŋ?

EXODUS 9:27

Ndien Pharaoh ɔdɔŋ ekekot Moses ye Aaron edi; onyuŋ ɔdɔhɔ mmɔ ete, Mmanam idiɔk ke ini emi: Jehovah enenen; edi ami ye mbio mi imɔdiɔk.

EXODUS 9:28

Mbufo ekpe Jehovah ubɔk, ndien yak uyom Abasi ye edim - itiat ekem; ndien nyeyak mbufo eka, ndien mbufo idibigike aba. Ndien Moses ɔdɔhɔ enye, ete,

EXODUS 9:33

Ndien Moses ɔwɔrɔ ke obio ɔkpɔn Pharaoh, ekemenere ubɔk esie ɔnɔ Jehovah; ndien uyom ye edim-itiat odobo, edim onyuŋ etre ndiduɔt ke isɔŋ.

NUMBERS 21:7

Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep.

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.