EXODUS 7:22 - Edisana ñwed Abasi Ibom

²² Mbia-idiɔŋ Egypt enyuŋ enam kpa ntre ke idiɔŋ mmɔ: ndien esit Pharaoh ɔsɔŋ, enye inyuŋ ikopke uyo mmɔ; nte emi Jehovah ɔkɔdɔhɔde.

EXODUS 7:22 ပူးပေါင်းရင်းမြစ်များ

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

EXODUS 7:11

Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre.

EXODUS 7:13

Ndien esit Pharaoh osuk ɔsɔsɔŋ, ndien enye ikopke inɔ mmɔ; kpa nte Jehovah ɔkɔdɔhɔde.

EXODUS 7:21

Ndien iyak emi edude ke akpa ekpaŋa; akpa onyuŋ aŋwaha, ndien nditɔ Egypt ikwe nte enwɔŋde mmɔŋ ke akpa; iyip onyuŋ odu ke ofuri isɔŋ Egypt.

EXODUS 7:23

Ndien Pharaoh akabare ɔnyɔŋ ke ufɔk esie, inyuŋ isinke esit ke ŋkpɔ emi ŋko.

JEREMIAH 27:18

Ndien edieke mmɔ edide prophet, ikɔ Jehovah onyuŋ odude ye mmɔ, yak mmɔ ekpe Jehovah mme udim ubɔk, ete mkpoduoho emi esuhɔde ke ufɔk Jehovah, ye ke ufɔk edidem Judah, ye ke Jerusalem, ekuka ke Babylon.

2 ŊWED TIMOTHY 3:8

Nte Jannes ye Jambres ekaŋwanade ye Moses, kpasuk ntre ke mbon emi eŋwana ye akpanikɔ; mmɔ edi owo eke esit mmɔ ama akabiara, mmɔ ewɔrɔ obukpo ke uwem mbuɔtidem.