EXODUS 7:17 - Edisana ñwed Abasi Ibom

¹⁷ Ntem ke Jehovah ɔdɔhɔ ete, Ŋkpɔ emi eyenam fi ɔfiɔk ete ke ami ndi Jehovah: sese, ami nyeda esaŋ ke ubɔk mi nyibi mmɔŋ emi odude ke akpa emi, ndien enye eyekabare edi iyip.

EXODUS 7:17 ပူးပေါင်းရင်းမြစ်များ

1 NDIDEM 20:28

Ekem owo Abasi oro asaŋa ekpere ɔkɔdɔhɔ edidem Israel, ete, Ntem ke Jehovah ɔdɔhɔ ete, Koro mme Syrian ekedɔhɔde, ete, Jehovah edi abasi ikpɔ obot, edi idige abasi mme itihere, nyeda ofuri akamba udim emi nsin fi ke ubɔk; ndien mbufo eyefiɔk, ete ke ami ndi Jehovah.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

ŊWED MME PSALM 105:29

Enye akabare mmɔŋ mmɔ edi iyip, onyuŋ owot iyak mmɔ.

ŊWED MME PSALM 78:44

Okonyuŋ akabarede akpa mmɔŋ mmɔ edi iyip; ndien mmɔ ikemeke ndiŋwɔŋ mme idim mmɔ.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

EXODUS 1:22

Ndien Pharaoh owuk kpukpru ikɔt esiemɔ, ete, Mbufo emen kpukpru nditɔ-iren eke emanade, eduɔŋɔ ke akpa, edi enim kpukpru nditɔ-iban ke uwem.

EXODUS 10:2

man afo onyuŋ emen se nnamde ke Egypt, ye mme utibe ŋkpɔ emi nnamde ke otu mmɔ, etiŋ ke utɔn eyen fo, ye eke eyeyen fo; ndien mbufo eyefiɔk ete ke ami ndi Jehovah.

EXODUS 4:9

Ndien ama ekem, edieke midibuɔtke idem ye uyo idem idiɔnɔ mbiba emi, minyuŋ ikopke uyo fo, ndien afo edida mmɔŋ ke akpa ɔduɔk ke obot: ndien mmɔŋ emi afo edidade ke akpa, eyekabare iyip ke obot.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

EXODUS 7:20

Ekem Moses ye Aaron enam kpa ntre, nte emi Jehovah okowukde: ndien enye emenere esaŋ oro ke enyɔŋ, oyibi mmɔŋ emi odude ke akpa, ke iso Pharaoh, ye ke iso ikɔt esie; ndien ofuri mmɔŋ emi odude ke akpa akabare edi iyip.

EXODUS 7:5

Ndien nditɔ Egypt eyefiɔk ete ke ami ndi Jehovah, ke ini ami nnyanarede ubɔk mi ndori Egypt ke idem, nnyuŋ nsioŋode nditɔ Israel ke otu mmɔ mfep.

EZEKIEL 25:17

Ndien nyenam ikpɔ usiene ke otu mmɔ ke nduari ifuresit. Ndien mmɔ eyefiɔk ete ke ami ndi Jehovah, ke ini ndidade usiene mi ndori mmɔ ke idem.

EZEKIEL 29:9

Ndien isɔŋ Egypt eyekabare edi ndon ye ŋwure, ndien mmɔ eyefiɔk ete ke ami ndi Jehovah; koro enye ɔdɔhɔde, ete, Akpa edi okimmɔ, ami ŋkonyuŋ nnam.

EZEKIEL 30:19

Ndien nyenam ikpe ke Egypt: ndien mmɔ eyefiɔk ete ke ami ndi Jehovah.

EZEKIEL 30:8

Ndien mmɔ eyefiɔk ete ke ami ndi Jehovah, ke ŋkimde ikaŋ ke Egypt, ndien kpukpru mmɔ eke eŋwamde enye eyebuŋɔ.

EZEKIEL 32:15

Ke ini nnimde isɔŋ Egypt ndon-ndon, ke ini enyuŋ esobode se iyɔhɔde ke isɔŋ, ke ini nsuande kpukpru mme andiduŋ ke esit: ndien mmɔ eyefiɔk ete ke ami ndi Jehovah.

EZEKIEL 32:6

Nyenyuŋ nda se itode fi ke idem kpa ke iyip fo emi edisimde ikpɔ obot nnɔ isɔŋ ɔŋwɔŋ; se itode fi ke idem eyenyuŋ ɔyɔhɔ ke mme itihere.

EZEKIEL 38:23

Ami nyenyuŋ nnim idem mi ke akwa ye ke edisana, nnyuŋ nnam mmɔ efiɔk mi ke enyin ediwak mme idut. Ndien mmɔ eyefiɔk ete ke ami ndi Jehovah.

EZEKIEL 39:28

Ndien mmɔ eyefiɔk ete ke ami ndi Jehovah Abasi mmɔ, koro ŋkayakde etaŋ mmɔ efep enɔ mme idut: ndien mmataŋ mbon ke isɔŋ mmɔ, nnyuŋ ŋkpɔŋke aba owo mmɔ ndomo kiet do.

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

DANIEL 5:21

enyuŋ ebin enye ke ɔtɔ nditɔ owo efep, enyuŋ enam esit esie akabare ebiet eke mme unam ikɔt, iduŋ esie onyuŋ odu ye mme ass ikɔt: enɔ enye mbiet ata nte enaŋ, mbara emi otode ke enyɔŋ onyuŋ ebit enye idem, tutu enye edifiɔk ete ke Edikoŋ Abasi akara ubɔŋ ererimbot, onyuŋ emenere owo ekededi eke enye amade odori ke esit.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

ERIYARARE 11:6

Mmɔ oro enyene odudu ndisiri ikpa-enyɔŋ mbiɔŋɔ edim ndidep ke mme usen eke mmɔ etiŋde prophecy; mmɔ enyuŋ enyene odudu ke idim mmɔŋ, ndinam mmɔŋ akabare edi iyip, ndinyuŋ nda kpukpru idiɔk udɔŋɔ mmia isɔŋ ufen, adaŋa ini nte mmɔ emama.

ERIYARARE 8:8

Ekem udiana angel ofri; ndien emen se ibietede akamba obot eke asakde ikaŋ, eduɔk ke inyaŋ;