EXODUS 7:14 - Edisana ñwed Abasi Ibom

¹⁴ Ndien Jehovah ɔdɔhɔ Moses, ete, Esit Pharaoh ke ɔsɔsɔŋ, enye inyimeke ndiyak mbio emi eka.

EXODUS 7:14 ပူးပေါင်းရင်းမြစ်များ

EXODUS 10:1

EKEM Jehovah ɔdɔhɔ Moses, ete, Ka ke ebiet Pharaoh: Koro edi ami nsɔŋ enye esit, ye esit ikɔt esie ŋko, man nnam mme idiɔŋɔ mi emi ke otu mmɔ:

EXODUS 10:20

Ndien Jehovah ɔsɔŋ Pharaoh esit, ndien enye iyakke nditɔ Israel eka.

EXODUS 10:27

Edi Jehovah ɔsɔŋ Pharaoh esit, ndien enye inyimeke ndiyak mmɔ eka.

EXODUS 10:4

Koro edieke afo munyimeke ndiyak ikɔt mi eka, sese, mkpɔŋ nyeda ŋkukuŋkpɔyɔriyɔ nduk adaŋa fo:

EXODUS 3:19

Ndien ami mmɔfiɔk nte ke edidem Egypt idiyakke mbufo eka, ekpedi ke ɔkpɔsɔŋ ubɔk.

EXODUS 4:23

ndien ndɔhɔ fi, nte, Sana eyen mi yak, man enye anam ŋkpɔ ɔnɔ mi: ndien munyimeke enye ndiyak, sese, ami nyewot eyen fo, kpa akpan fo.

EXODUS 7:13

Ndien esit Pharaoh osuk ɔsɔsɔŋ, ndien enye ikopke inɔ mmɔ; kpa nte Jehovah ɔkɔdɔhɔde.

EXODUS 7:15

Ka ketiene Pharaoh ke usenubɔk; sese, enye ke ɔwɔrɔ aka mmɔŋ; ndien da ke mben akpa, man afo osobo ye enye; nyuŋ da esaŋ emi akabarede edi urukikɔt kama ke ubɔk fo.

EXODUS 8:11

Ndien ikwɔt eyedaŋa ekpɔŋ fi, ye ebiet fo, ye ikɔt fo, ye mbio-obio fo; eyesuk etak ke akpa ikpɔŋ-ikpɔŋ.

EXODUS 8:15

Ekem adaŋemi Pharaoh okutde nte nduɔk-odudu odude, enye ɔsɔŋɔ esit esiemɔ, inyuŋ ikopke inɔ mmɔ; kpa nte emi Jehovah ɔkɔdɔhɔde.

EXODUS 8:2

Ndien ama edi nte afo munyimeke ndiyak mmɔ, sese, ami nyeda ikwɔt mmia ofuri adaŋa fo.

EXODUS 9:2

Koro afo munyimeke ndiyak mmɔ, ama onyuŋ osuk omum mmɔ akama;

EXODUS 9:34

Ndien adaŋemi Pharaoh okutde nte edim, ye edim - itiat, ye uyom edobode, enye ɔdɔdiɔŋ ɔdiɔk, onyuŋ ɔsɔŋ esit esie, enye ye ikɔt esie.

EXODUS 9:7

Ndien Pharaoh ɔdɔŋ (ekese), ndien sese, baba ufene Israel kiet ikpaha. Edi esit Pharaoh osuk ɔsɔŋ, enye inyuŋ iyakke mbon oro eka.

ISAIAH 1:20

edi ema esin, enyuŋ esɔŋ ibuot, ofut eyedia mbufo: koro edi inua Jehovah ɔdɔhɔ.

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

JEREMIAH 9:6

Jehovah ɔdɔhɔ ete, Iduŋ fo odu ke ufɔt nsu; nsu esin mmɔ minyimeke ndifiɔk mi.

ZECHARIAH 7:12

Mmɔ enyuŋ enim esit mmɔ nte itiat adamant, man ekukop mbet ye ikɔ oro Jehovah akadade spirit esie ɔnɔ ke ubɔk mme akpa prophet: ndien akwa iyaresit oto Jehovah mme udim.

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

1 SAMUEL 6:6

Ndien mbufo edinam didie esɔŋ esit mbufo kpa nte Egypt ye Pharaoh ekesɔŋde esit mmɔ? nte mmɔ ikasanake mbon oro iyak ke adaŋemi enye akanamde mkpɔsɔŋ ŋkpɔ ke otu mmɔ, ndien mmɔ enyɔŋɔ?