EXODUS 7:11 - Edisana ñwed Abasi Ibom

¹¹ Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre.

EXODUS 7:11 ပူးပေါင်းရင်းမြစ်များ

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

EXODUS 7:12

Kpukpru mmɔ enyuŋ emen esaŋ mmɔ eduɔk ke isɔŋ, ndien esaŋ ekabare edi urukikɔt: edi esaŋ Aaron emen esaŋ mmɔ esin ke idibi.

EXODUS 7:22

Mbia-idiɔŋ Egypt enyuŋ enam kpa ntre ke idiɔŋ mmɔ: ndien esit Pharaoh ɔsɔŋ, enye inyuŋ ikopke uyo mmɔ; nte emi Jehovah ɔkɔdɔhɔde.

EXODUS 8:18

Mbia-idiɔŋ enyuŋ eda idiɔŋ mmɔ enam ntre ete inam idaŋ ɔwɔrɔ, edi ikemeke; ndien idaŋ ofuk owo ye ufene ke idem.

EXODUS 8:3

Ndien ikwɔt eyeyɔhɔ ke akpa: eyenyuŋ edɔk eduk ke ufɔk fo, ye ke ubet nna fo, ye ke ufɔk ikɔt fo, ye ke idem mbio-obio fo, ye ke usaŋ-uyo fo, ye ke unuak-uyo fo:

EXODUS 8:7

Ndien mbia-idiɔŋ eda idiɔŋ mmɔ enam kpa ntre, enyuŋ esin ikwɔt eto edɔk ke isɔŋ Egypt.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 2:27

Ndien Daniel ɔbɔrɔ ke iso edidem, onyuŋ ɔdɔhɔ, ete, Mme ɔfiɔk ŋkpɔ owo ye mbia-idiɔŋ, ye mbon-ŋwed, ye mbia-mfa ikemeke ndiyarare ndibe ŋkpɔ emi edidem obupde;

DANIEL 4:6

Ndien ami ŋwuk ewuhɔ, nte eda kpukpru mme ɔfiɔk ŋkpɔ owo Babylon edi ke iso mi man mmɔ esian mi nte ndap oro ediwɔrɔde.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 5:7

Edidem ofiori ɔkpɔsɔŋ, ete eda mbia-idiɔŋ ye mme Chaldean ye mbia-mfa eduk. Edidem ɔbɔrɔ onyuŋ ɔdɔhɔ mme ɔfiɔkŋkpɔ owo Babylon, ete, Owo ekededi ama okot ŋwed emi, onyuŋ asiak enye ɔnɔ mi, eyesine purple ke idem, onyuŋ ɔkɔŋɔ ŋkpɔkɔbi gold ke itɔŋ, onyuŋ ada ɔyɔhɔ itie ubɔŋ ita ke obio.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

ŊWED MBON GALATIA 3:1

O MBON Galatia, emi enanade ibuot, anie ekebre esin mbufo ewɔŋɔre ekpɔŋ Jesus Christ; emi ekosiode ke iso mbufo nte owo emi ewotde ke cross?

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

2 ŊWED THESSALONICA 2:9

Eridi abiat-ibet oro oto ke ubɔk-utom Satan, asaŋa ye kpukpru odudu ye mme idiɔŋɔ ye nsu-nsu mme utibe-ŋkpɔ,

2 ŊWED TIMOTHY 3:8

Nte Jannes ye Jambres ekaŋwanade ye Moses, kpasuk ntre ke mbon emi eŋwana ye akpanikɔ; mmɔ edi owo eke esit mmɔ ama akabiara, mmɔ ewɔrɔ obukpo ke uwem mbuɔtidem.

2 ŊWED TIMOTHY 3:9

Edi mmɔ idikaha iso ibe oro; koro ndisime mmɔ eyena iŋwaŋ ke iso kpukpru owo, kpa nte eke mmɔ oro akanade.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

1 SAMUEL 6:2

Ekem mme Philistine ekot mme oku ye mbia idiɔŋ edi, ete, Nnyin idinam ekebe Jehovah nso ŋkpɔ? Mbufo eteme nnyin se ididade inɔ enye ɔnyɔŋ aka ke ebiet esie.