EXODUS 7:10 - Edisana ñwed Abasi Ibom

¹⁰ Ndien Moses ye Aaron eka ke ebiet Pharaoh ekenam ntre, kpa nte emi Jehovah eketemede: ndien Aaron ada esaŋ esie ɔduɔk ke isɔŋ ke iso Pharaoh, ye ke iso ikɔt esie, ndien esaŋ akabare edi urukikɔt.

EXODUS 7:10 ပူးပေါင်းရင်းမြစ်များ

ŊWED MME PSALM 135:9

Emi ɔkɔnɔde mme idiɔŋɔ ye mme utibe ŋkpɔ esɔk ke otu mbufo, O Egypt, kpa ke idem Pharaoh ye ofuri ikɔt esie.

EXODUS 12:28

Ndien kpukpru owo etuk ibuot, enyuŋ enuhɔ. Ndien nditɔ Israel enyɔŋ, ekenam kpa nte Jehovah eketemede Moses ye Aaron: ntem ke mmɔ enam.

EXODUS 4:3

Ndien enye ete, Esaŋ. Ndien Enye ete, Men enye duɔk ke isɔŋ. Ndien enye emen esaŋ ɔduɔk ke isɔŋ, ndien esaŋ akabare edi urukikɔt; ndien Moses efehe ɔkpɔŋ enye.

EXODUS 7:15

Ka ketiene Pharaoh ke usenubɔk; sese, enye ke ɔwɔrɔ aka mmɔŋ; ndien da ke mben akpa, man afo osobo ye enye; nyuŋ da esaŋ emi akabarede edi urukikɔt kama ke ubɔk fo.

EXODUS 7:20

Ekem Moses ye Aaron enam kpa ntre, nte emi Jehovah okowukde: ndien enye emenere esaŋ oro ke enyɔŋ, oyibi mmɔŋ emi odude ke akpa, ke iso Pharaoh, ye ke iso ikɔt esie; ndien ofuri mmɔŋ emi odude ke akpa akabare edi iyip.

EXODUS 7:6

Ndien Moses ye Aaron enam kpa nte emi Jehovah eketemede mmɔ, ntem ke mmɔ enam.

EXODUS 7:9

Adaŋemi Pharaoh edidɔhɔde mbufo ete, Mbufo ewut mme utibe ŋkpɔ ke idem mbufo: ndien afo edidɔhɔ Aaron ete, Men esaŋ fo duɔk ke iso Pharaoh, ndien esaŋ eyekabare edi urukikɔt.

AMOS 9:3

Ekpenyuŋ edibe ke ibuot Carmel, nyeyom mmɔ, nnyuŋ nsio mmɔ do; ekpedibe mi ke enyin ke idem isɔŋ akamba mmɔŋ, ŋkpowuk urukikɔt mi, nte oto aka okodom mmɔ do:

MARK 16:18

eyemen urukikot ke ubɔk; onyuŋ edieke mmɔ eŋwɔŋde ŋkpɔ ekededi eke abiatde uwem, ididiɔkke ye mmɔ; mmɔ eyedori mbon-udɔŋɔ ubɔk, ndien mmɔ oro eyekop nsɔŋidem.

LUKE 10:19

Sese, mmɔnɔ mbufo odudu ndidigi urukikɔt ye ikpeyen ke ikpat, nnyuŋ ŋkara ofuri odudu usua: ndien baba ŋkpɔ kiet idinamke mbufo idiɔk.