EXODUS 6:2 - Edisana ñwed Abasi Ibom

² Ndien Abasi eneme ye Moses, onyuŋ ɔdɔhɔ enye ete, Ami ndi Jehovah:

EXODUS 6:2 ပူးပေါင်းရင်းမြစ်များ

GENESIS 15:7

Ndien enye ɔdɔhɔ enye, ete, Ami ndi Jehovah emi ŋkosiode fi ke Ur mme Chaldee, nte nnɔ fi isɔŋ emi ada enye enyene.

EXODUS 12:12

Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah.

EXODUS 14:18

Ndien nditɔ Egypt eyefiɔk ete ke ami ndi Jehovah, ke ini ndidade ukpono ke idem Pharaoh ye idem mme chariot esie, ye ke mbon horse esie.

EXODUS 15:3

Jehovah edi owo ekɔŋ, Jehovah edi enyiŋ esie.

EXODUS 17:1

EKEM ofuri udim nditɔ Israel edaŋa ke wilderness Sin, nte isaŋ mmɔ edide, ke uyo Jehovah, ekena ke Rephidim: ndien baba mmɔŋ eke mmɔ eŋwɔŋde iduhe.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

EXODUS 3:14

Ndien Abasi ɔdɔhɔ Moses ete, AMI NDUDU EMI NDUDU: enye onyuŋ ɔdɔhɔ ete, Ntem ke afo edidɔhɔ nditɔ Israel, ete, AMI NDUDU ɔdɔŋ mi ntiene mbufo.

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

EXODUS 6:29

Ami ndi Jehovah: men kpukpru se ami ntiŋde nnɔ fi, tiŋ nɔ Pharaoh edidem Egypt.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

ISAIAH 42:8

Ami ndi Jehovah; enyiŋ mi edi oro: ndinyuŋ nnɔŋɔ owo efen ubɔŋ mi, nnɔŋɔ ndisɔi mbiet itoro mi.

ISAIAH 43:11

Ami, ami ndi Jehovah; ndien baba andinyaŋa kiet iduhe ke mibɔhɔke ami.

ISAIAH 43:15

Ami ndi Jehovah, Edisana Abasi mbufo, andibot Israel, edidem mbufo.

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

JEREMIAH 9:24

edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

EZEKIEL 20:5

nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Ke usen oro ŋkemekde Israel, nnyuŋ mmenerede ubɔk mi nnɔ ubon ufɔk Jacob, nnyuŋ nyak mmɔ efiɔk mi ke isɔŋ Egypt, nnyuŋ mmenere ubɔk mi nnɔ mmɔ, nte, “Ami ndi Jehovah Abasi mbufo;”

MALACHI 3:6

Koro ami ndide Jehovah, ŋkpuhɔkede; ndien isoboke mbufo nditɔ Jacob ima.