EXODUS 6:1 - Edisana ñwed Abasi Ibom

¹ NDIEN Jehovah ɔdɔhɔ Moses, ete, Ke emi afo eyekut se ndinamde ye Pharaoh: Koro ɔkpɔsɔŋ ubɔk eyesin enye asana mmɔ ayak, ɔkpɔsɔŋ ubɔk eyenyuŋ esin enye ebin mmɔ ke isɔŋ esie efep.

EXODUS 6:1 ပူးပေါင်းရင်းမြစ်များ

2 NDIDEM 7:19

ndien adidaha owo oro ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! Nte oruk ŋkpɔ eke etiede ntem edisu? Ndien enye ɔdɔhɔ ete, Sese, afo eyekut ke enyin, edi ududiaha ke esit.

2 NDIDEM 7:2

Ndien adidaha owo oro edidem eberede enye ke ubɔk, ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! nte ŋkpɔ emi eyesu? Ndien enye ɔdɔhɔ ete, Sese, afo eyekut ke enyin fo, edi ududiaha ke esit.

2 CHRONICLES 20:17

Mbufo ekukpa ndiŋwana ekɔŋ emi: koro Jehovah odude ye mbufo.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 12:6

Mme ikɔ Jehovah edi ndisana ikɔ, nte silver eke etarade ke eso mbat, eke eduhɔde utim ikatiaba.

ŊWED MME PSALM 136:12

Ke ɔkpɔsɔŋ ita, ye ke edimenere ubɔk: koro ima esie odude ke nsinsi.

ŊWED MME PSALM 89:13

Afo emenyene ubɔk odudu: ubɔk fo ɔmɔsɔŋ, nnasia fo omokoŋ.

EXODUS 11:1

NDIEN Jehovah ɔdɔhɔ Moses ete, Nyeda ufen kiet efen kaŋa nnɔ Pharaoh ye Egypt; emi ama ebe, enye eyeyak mbufo edaŋa ke ɔtɔ emi; ke ini enye ediyakde mbufo ama, enye eyebin mbufo ke ɔtɔ emi efep.

EXODUS 12:31

Ndien enye okot Moses ye Aaron ke okoneyo edi, onyuŋ ɔdɔhɔ, ete, Mbufo ye nditɔ Israel edaha ke enyɔŋ, ewɔŋɔ ke otu mbio-obio mi; enyuŋ eka ekenam ŋkpɔ Jehovah, nte emi mbufo ekedɔhɔde.

EXODUS 12:33

Ndien nditɔ Egypt ekpak mbon oro, ete, ibin mmɔ ewɔŋɔ usɔp-usɔp ke isɔŋ koro mmɔ edɔhɔde ete, Nnyin kpukpru idi mme akpaŋa mkpa.

EXODUS 12:39

Mmɔ enyuŋ eda ndisi uyo emi mmɔ ekedade ke Egypt ewɔŋɔ, enam uyo eke leaven miduhe, koro mikofutke; koro ekebinde mmɔ efep ke Egypt, mmɔ mikenyuŋ ikwe nte ebigide; ikenyuŋ itemke udia inɔ idem mmɔ.

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

EXODUS 13:16

Ndien enye eyedu fi ke ubɔk nte idiɔŋɔ, eyenyuŋ odu fi ke ufɔt enyin nte frontlet: koro Jehovah akadade ɔkpɔsɔŋ ubɔk osioŋo nnyin efep ke Egypt.

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 13:9

Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

EXODUS 15:6

Ubɔk nnasia fo, O Jehovah omokpon ke odudu: ubɔk nnasia fo, O Jehovah, amanuak mme asua fo mbai-mbai.

EXODUS 7:4

Edi Pharaoh idikopke inɔ mbufo, ndien nyemenere ubɔk mi ndori Egypt ke idem, nyenyuŋ nda ŋkpɔ ufen nsioŋo mme udim mi, ikɔt mi nditɔ Israel, mfep ke isɔŋ Egypt.

EXODUS 7:5

Ndien nditɔ Egypt eyefiɔk ete ke ami ndi Jehovah, ke ini ami nnyanarede ubɔk mi ndori Egypt ke idem, nnyuŋ nsioŋode nditɔ Israel ke otu mmɔ mfep.

ISAIAH 63:12

Emi akadade nnasia Moses, ye ubɔk ubɔŋ esiemɔ, eteme mmɔ usuŋ, asiak mmɔŋ ke iso mmɔ, man anam nsisni enyiŋ ɔnɔ idem esie;

NUMBERS 11:23

Ndien Jehovah ɔdɔhɔ Moses, ete, Nte ubɔk Jehovah akabare ɔmuhɔ? Ke emi ke afo edikut mme ikɔ mi eyesu ɔnɔ fi, mme isuhɔ.

NUMBERS 23:23

Koro idiɔŋ miduhe ke Jacob, mfa inyuŋ iduhe ke Israel; ke ekem ini mmɔ emen se Abasi anamde, etiŋ ɔnɔ Jacob ye Israel.

UTOM MME APOSTLE 13:17

Mbio Israel, ye mbufo emi ebakde Abasi, ekop. Abasi mbio Israel emi ekemek mme ete nnyin, onyuŋ ofori mbio emi ke ini mmɔ edide nte isen ke isɔŋ Egypt, onyuŋ ada edimenere ubɔk emen mmɔ ɔwɔrɔ ke esit.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?