EXODUS 5:2 - Edisana ñwed Abasi Ibom

² Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

EXODUS 5:2 ပူးပေါင်းရင်းမြစ်များ

2 NDIDEM 18:35

Edi mme anie ke otu kpukpru abasi mme idut ekenyaŋa idut mmɔ esio mi ke ubɔk, eke Jehovah akpanyaŋade Jerusalem osio mi ke ubɔk?

2 CHRONICLES 32:14

Anie odu ke otu kpukpru abasi mme idut oro mme ete mi okosobode, eke ekemede ndisio mi ikɔt esie ke ubɔk, eke Abasi mbufo ekemede ndisio mbufo ke ubɔk mi?

2 CHRONICLES 32:15

Mbufo, ndien, ekuyak Hezekiah abiaŋa mbufo, ekunyuŋ eyak enye esin mbufo enam ntem, mbufo ekunyuŋ enim uyo esie ke akpanikɔ: koro baba abasi idut ekededi, mme eke obio ekededi akanam mikemeke ndisio ikɔt mmɔ ke ubɔk mi, ye ke ubɔk mme ete mi: ŋwaŋwa ediso Abasi mbufo idikemeke ndisio mbufo ke ubɔk mi?

2 CHRONICLES 32:19

Ntre ke mmɔ eketiŋ ebaŋa Abasi Jerusalem, kpa nte abasi mme idut ererimbot, emi ubɔk owo enamde.

NEHEMIAH 9:10

afo okonyuŋ owut idiɔŋɔ ye utibe ŋkpɔ ke idem Pharaoh, ye ke idem kpukpru ikɔt esie, ye ke eke kpukpru mbio-obio esie: koro afo ɔfiɔkde ete ke mmɔ ekeseri iseri ye mmɔ. Ntre ke afo akanam enyiŋ ɔnɔ idem fo kpa nte edide mfin emi.

ŊWED JOB 15:25

Koro enye emenerede ubɔk esie aŋwana ye Abasi, onyuŋ anam uko ye Ata Ɔkpɔsɔŋ;

ŊWED JOB 15:26

Ada ɔkpɔsɔŋ itɔŋ, ada edidobi ekop otu-ekɔŋ esie obumere Enye.

ŊWED JOB 21:15

Abasi Ibom edi nso, eke nnyin ikpanamde ŋkpɔ inɔ enye? Inyuŋ ikut nso udori ke nnyin ikpede enye ubɔk?

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

ŊWED MME PSALM 12:4

Eke edɔhɔde ete, Nnyin iyenam uko ke edeme nnyin: mkpɔk-inua nnyin enyene idem nnyin: anie edi ɔbɔŋ nnyin?

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 14:1

NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam mbubiam-ŋkpɔ; baba owo kiet eke anamde eti ido iduhe.

EXODUS 3:19

Ndien ami mmɔfiɔk nte ke edidem Egypt idiyakke mbufo eka, ekpedi ke ɔkpɔsɔŋ ubɔk.

EXODUS 7:17

Ntem ke Jehovah ɔdɔhɔ ete, Ŋkpɔ emi eyenam fi ɔfiɔk ete ke ami ndi Jehovah: sese, ami nyeda esaŋ ke ubɔk mi nyibi mmɔŋ emi odude ke akpa emi, ndien enye eyekabare edi iyip.

MME ŊKE 30:9

Mbak ndiyuhɔ, ndien ŋkaŋ fi, ndien ndɔhɔ nte, Anie edi Jeho-vah? Mbak ndinyuŋ mbuene, ndien nyip inɔ, nnyuŋ nsuene enyiŋ Abasi mi.

JEREMIAH 42:13

Edi edieke mbufo edidɔhɔde, ete, “Nnyin ididuŋke ke isɔŋ emi,” ndien mikopke uyo Jehovah Abasi mbufo;

JEREMIAH 48:26

Mbufo enɔ enye mmin ɔŋwɔŋ akpa: koro enye okokde idem esie ye Jehovah: ndien Moab eyemiaŋa ke ikpɔhi esie, enye ŋko eyenyuŋ edi se esakde.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

JOHN 16:3

Ndien mmɔ eyenam mme ŋkpɔ emi, koro mmɔ mikɔdiɔŋɔke Ete, minyuŋ idiɔŋɔke Mi.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

JUDGES 2:10

Ekem ofuri emana oro enyuŋ ebono ye mme ete mmɔ. Ndien emana efen emi mifiɔkke Jehovah, minyuŋ ifiɔkke ŋkpɔ emi enye akanamde ɔnɔ Israel, etiene mmɔ edem edaha eda.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.

1 SAMUEL 25:10

Ndien Nabal ɔbɔrɔ ikɔt David, ete, David edi anie? eyen Jesse onyuŋ edi anie? Ke eyo emi ediwak ifin edu emi edianarede ekpɔŋ mme ete mmɔ.