EXODUS 40:34 - Edisana ñwed Abasi Ibom

³⁴ Ndien obubit enyɔŋ ofuk efe esop, ubɔŋ Jehovah onyuŋ ɔyɔhɔ ke ebiet-iduŋ.

EXODUS 40:34 ပူးပေါင်းရင်းမြစ်များ

ERIYARARE 15:8

Ndien temple ɔyɔhɔ ye nsuŋikaŋ eke otode ke ubɔŋ Abasi ye odudu Abasi; baba owo kiet inyuŋ ikemeke ndiduk ke esit temple, tutu ufen itiaba emi angel itiaba oro ekamade ekure.

2 CHRONICLES 7:2

Ndien mme oku ikwe nte edukde ke ufɔk Jehovah, koro ubɔŋ Jehovah ɔyɔhɔde ke ufɔk Jehovah.

EXODUS 29:43

Ndien nyesobo do ye nditɔ Israel, ndien ubɔŋ mi eyenam enye asana.

EXODUS 14:24

Edikem, ke ŋkim-ŋwaŋa usenubɔk Jehovah etie ke adaha ikaŋ ye eke obubit enyɔŋ, ese mme udim nditɔ Egypt, onyuŋ etimere mme udim nditɔ Egypt:

LEVITICUS 16:2

ndien Jehovah ɔdɔhɔ Moses, ete, Dɔhɔ Aaron eyen-uka, ete, Enye okuduk kpukpru ini ke edisana ebiet ke edem ukara, ke iso itie-usio-isop, emi odorode ke enyɔŋ ekebe; mbak enye edikpa: koro nyewut idem mi ke cloud ke enyɔŋ itie-usio-isop.

EXODUS 33:9

Ndien edikem ke ini Moses odukde ke tent oro, obubit enyɔŋ ebiet adaha ɔsuhɔre, akada ke enyin-usuŋ. Ndien enye osioŋo nneme ye Moses.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

HAGGAI 2:9

Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

ISAIAH 6:4

Ndien uyo oro okotde enyeŋe udori-asaŋa-udɔk, nsuŋikaŋ edinyuŋ ɔyɔhɔ ke ufɔk.

2 CHRONICLES 5:13

edikem adaŋemi mme andifuri ye mme andikwɔ, nte owo kiet, enamde uyom ke uyo kiet, ekɔm enyuŋ etoro Jehovah; ke ini mmɔ enyuŋ emenerede uyo edian ye ukorowo, ye cymbal, ye ŋkpɔ-ikwɔ, enyuŋ etorede Jehovah, koro enye ɔfɔnde, koro ima esie edide nsinsi: ndien obubit enyɔŋ ɔyɔhɔ ke ufɔk, kpa ufɔk Jehovah.

EXODUS 25:8

Ndien yak mmɔ enam edisana ebiet enɔ mi, man nduŋ ke otu mmɔ.

ŊWED MBON ROME 9:4

emi edide nditɔ Israel; ekeda mmɔ esin ke ubon Abasi; uyama ubɔŋ (Abasi), ye mme ediomi, ye erinɔ ibet, ye eriwa uwa nnɔ Abasi, ye mme uŋwɔŋɔ enyuŋ enyene mmɔ: mme ete enyuŋ edi eke mmɔ:

NUMBERS 7:89

Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.

2 SAMUEL 7:6

Koro mmeŋkanam nduŋke ke ufɔk toto ke usen oro ŋkadade nditɔ Israel ke Egypt ndɔk, tutu osim mfin emi, edi ŋkasaŋa ke tent nte ebiet iduŋ.

EZEKIEL 10:4

Ndien ubɔŋ Jehovah ɔkpɔŋ cherub oro ɔdɔk ke enyɔŋ asaŋudɔk ufɔk; ndien obubit enyɔŋ ɔyɔhɔ ke ufɔk; uyama ubɔŋ Jehovah ɔyɔhɔ ke okure ŋko-ŋko.

EXODUS 16:10

Edikem ke ini Aaron osuk ɔdɔhɔde ye ofuri udim nditɔ Israel, mmɔ ewɔŋɔre ese edem wilderness, ndien, sese, ekut ubɔŋ Jehovah ke obubit enyɔŋ oro.

ŊWED MME PSALM 26:8

O Jehovah, mmama iduŋ ufɔk fo, ye ebiet emi ubɔŋ fo oduŋde.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.