EXODUS 4:23 - Edisana ñwed Abasi Ibom

²³ ndien ndɔhɔ fi, nte, Sana eyen mi yak, man enye anam ŋkpɔ ɔnɔ mi: ndien munyimeke enye ndiyak, sese, ami nyewot eyen fo, kpa akpan fo.

EXODUS 4:23 ပူးပေါင်းရင်းမြစ်များ

ŊWED MME PSALM 105:36

Ndien enye owot kpukpru mme akpan ke isɔŋ mmɔakpa mfri odudu mmɔ.

ŊWED MME PSALM 135:8

Emi okowotde mme akpan Egypt, ɔtɔŋɔde ye owo tutu osim ufene.

ŊWED MME PSALM 136:10

(Ekɔm) enye emi akasuande Egypt ke mme akpan mmɔ; koro ima esie odude ke nsinsi.

ŊWED MME PSALM 78:51

onyuŋ ɔtɔ kpukpru mme akpan ke Egypt; akpa nditɔ odudu mmɔ ke mme tent Ham.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 10:4

Koro edieke afo munyimeke ndiyak ikɔt mi eka, sese, mkpɔŋ nyeda ŋkukuŋkpɔyɔriyɔ nduk adaŋa fo:

EXODUS 11:5

ndien kpukpru akpan ke isɔŋ Egypt eyekpaŋa, ɔtɔnɔde ke akpan Pharaoh emi etiede ke ebekpo esie, tutu osim akpan ofin aŋwan eke etiede ke edem itiat-ɔkɔk; ye kpukpru akpa nditɔ ufene ŋko.

EXODUS 12:29

Edikem ke ufɔt okoneyo, Jehovah owot kpukpru akpan ke isɔŋ Egypt, ɔtɔŋɔde ke akpan Pharaoh, emi etiede ke ebekpo esie, tutu osim akpan ofin eke odude ke obube; ye kpukpru akpa nditɔ ufene.

EXODUS 13:15

ndien ekem ke Pharaoh mi-kenyimke ndiyak nnyin ika, Jehovah owot kpukpru akpan ke isɔŋ Egypt, ye akpan owo, ye akpan eyen ufene: mmɔdo ami ndade kpukpru nyara eke esirerede itie-eyen ŋwa nnɔ Jehovah; edi mfak kpukpru akpan nditɔ iren mi.

EXODUS 18:8

Ndien Moses emen kpukpru se Jehovah akanamde Pharaoh ye Egypt abaŋa Israel, ye kpukpru ukut emi mmɔ ekekutde ke usuŋ, ye nte Jehovah okonyuŋ anyaŋade mmɔ, obuk ɔnɔ ukɔt esie.

EXODUS 3:18

Ndien mmɔ eyekop uyo fo: ndien afo ye mme ebio-owo Israel eka ke ɔtɔ edidem Egypt, ekedɔhɔ enye ete, Jehovah Abasi mme Hebrew okosobo ye nnyin: mbɔk, ndien, yak nnyin ida isaŋ usen ita ke wilderness, ikawa uwa inɔ Jehovah Abasi nnyin.

EXODUS 5:1

EKEM Moses ye Aaron edi edidɔhɔ Pharaoh, ete, Ntem ke Jehovah Abasi Israel ɔdɔhɔ, ete, Yak ikɔt mi eka, man mmɔ ekenam usɔrɔ enɔ mi ke wilderness.

EXODUS 6:11

Ka kɔdɔhɔ Pharaoh edidem Egypt, ete enye ayak nditɔ Israel edaŋa ke isɔŋ esie.

EXODUS 7:16

Afo edinyuŋ ɔdɔhɔ enye ete, Jehovah Abasi mme Hebrew ɔkɔdɔŋ mi ntiene fi, ete, Yak ikɔt imɔ eka, kpaŋ ekpenam ŋkpɔ enɔ imɔ ke wilderness: edi, sese, afo ukopke, tutu osim emi.

EXODUS 8:1

NDIEN Jehovah ɔdɔhɔ Moses, ete, Ka ke ebiet Pharaoh, nyuŋ dɔhɔ enye ete, Ntem ke Jehovah ɔdɔhɔ ete, Sana ikɔt mi yak, man eka ekenam ŋkpɔ enɔ mi.

EXODUS 8:16

Ekem Jehovah ete Moses, Dɔhɔ Aaron, ete, Menere esaŋ fo, yibi ntan isɔŋ, ndien enye eyekabare edi idaŋ ke ofuri isɔŋ Egypt.

EXODUS 8:17

Ndien mmɔ enam ntre; ndien Aaron emenere ubɔk esie ye esaŋ, oyibi ntan isɔŋ, ndien idaŋ ɔnyɔk owo ye ufene ke idem; ofuri ntan isɔŋ akabare edi idaŋ ke ofuri isɔŋ Egypt.

EXODUS 8:20

Ndien Jehovah ɔdɔhɔ Moses, ete, Babak ke usenubɔk daha ke enyɔŋ, kada ke iso Pharaoh; sese, enye ɔwɔrɔ aka mmɔŋ; nyuŋ dɔhɔ enye ete, Ntem ke Jehovah ɔdɔhɔ ete, Yak ikɔt mi eka ekenam ŋkpɔ enɔ mi:

EXODUS 9:1

NDIEN Jehovah ɔdɔhɔ Moses ete, Ka ke ɔtɔ Pharaoh, nyuŋ dɔhɔ enye ete, Ntem ke Jehovah Abasi mme Hebrew ɔdɔhɔ, ete, Yak ikɔt mi eka, man ekenam ŋkpɔ enɔ mi.

EXODUS 9:13

Edikem Jehovah ɔdɔhɔ Moses, ete, Bak ke usenubɔk demere, kada ke iso Pharaoh, nyuŋ dɔhɔ enye, ete, Ntem ke Jehovah Abasi mme Hebrew ɔdɔhɔ ete, Yak ikɔt mi eka, man ekenam ŋkpɔ enɔ mi.

EXODUS 9:2

Koro afo munyimeke ndiyak mmɔ, ama onyuŋ osuk omum mmɔ akama;

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.