EXODUS 4:13 - Edisana ñwed Abasi Ibom

¹³ Ndien enye ete, Mbɔk, Ɔbɔŋ mi, da ubɔk owo eke afo edidɔŋde, dɔŋ utom.

EXODUS 4:13 ပူးပေါင်းရင်းမြစ်များ

GENESIS 24:7

Jehovah Abasi enyɔŋ, emi akadade mi ke ufɔk ete, ye ke idut emana mi efep, emi okonyuŋ ɔdɔhɔde mi onyuŋ ɔŋwɔŋɔde ɔnɔ mi, ete, Nyenɔ ubon fo idut emi; Enye eyedɔŋ angel esie ebem fi iso, ndien afo eyeda ŋwan ko ɔnɔ eyen mi.

GENESIS 41:35

Ndien yak ebon kpukpru udia nti isua emi ededi, yak enyuŋ ebon ibokpot esin Pharaoh ke ubɔk, ete edi udia ke obio, ndien ekpeme enye.

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

1 NDIDEM 19:4

Ndien enye ada isaŋ usen kiet oduk ke wilderness, ndien aka eketie ke idak eto juniper kiet: onyuŋ ebeŋe ke idem esie ete ikpa; onyuŋ ɔdɔhɔ ete, Ekem, ndien; O Jehovah, kam bɔ mi uwem: koro mme-mfɔnke ŋkan mme ete mi.

EXODUS 23:20

Sese, ami mmɔŋ ndɔŋ angel ebem fi iso, nte ekpeme fi ke usuŋ, onyuŋ ada fi aka ke ebiet emi ŋkonimde.

EXODUS 4:1

NDIEN Moses ɔbɔrɔ ete, Edi, sese, mmɔ idibuɔtke idem ye ami, idinyuŋ ikopke uyo mi: koro mmɔ eyedɔhɔ, ete, Jehovah ikowutke fi idem.

EXODUS 4:12

Nte idige ami Jehovah? Ka ndien, ami nyenyuŋ ndu ye inua fo, nnyuŋ nteme fi se afo edidɔhɔde.

EXODUS 4:14

Ndien Jehovah ayat esit ye Moses, onyuŋ ɔdɔhɔ ete, Nte Aaron Levite idige eyen-uka? mmɔfiɔk nte enye otimde nditiŋ ikɔ. Ndien ŋko, sese, enye ɔmɔŋ owɔrɔ edi ndisobo ye afo: ndien, ke ini edikutde fi, enye eyedat esit.

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JONAH 1:3

Ndien Jonah adaha ke enyɔŋ, ete ifehe ika Tarshish, ikpɔŋ iso Jehovah, ndien enye ɔsuhɔre aka Joppa, okokut ubom mbakara kiet emi oyomde ndika Tarshish; ndien enye ɔnɔ utip ubom, onyuŋ ediere ke esit, ete itiene mmɔ ika Tarshish, ikpɔŋ iso Jehovah.

JONAH 1:6

Ndien etubom asaŋa ekpere enye, onyuŋ ɔdɔhɔ enye, ete, Nsinam afo edede ɔkpɔsɔŋ idap ntem? daha ke enyɔŋ, fiori kot Abasi fo, mme Abasi eyekere nnyin, man ikutak.

MATTHEW 13:41

Eyen Owo eyesio mme angel Esie ɔdɔŋ, ndien mmɔ eyetaŋ kpukpru ŋkpɔ emi esinde owo eduɔ, ye mmɔ emi enamde ukwaŋido efep ke Obio Ubɔŋ Esie,

JOHN 6:29

Jesus ɔbɔrɔ mmɔ ete, Emi edi utom Abasi, ete, mbufo ebuɔt idem ye Enye emi Enye ɔkɔdɔŋde.

JUDGES 2:1

EKEM angel Jehovah oto ke Gilgal ɔdɔk ke Bochim, ɔkɔdɔhɔ ete, Ŋkada mbufo ke Egypt ndɔk, ŋkonyuŋ nda mbufo nduk ke isɔŋ emi ŋkɔŋwɔŋɔde nnɔ mme usɔ: ndien ŋkɔdɔhɔ nte, Ndibiatke ediomi mi ye mbufo ke nsinsi;