EXODUS 4:12 - Edisana ñwed Abasi Ibom

¹² Nte idige ami Jehovah? Ka ndien, ami nyenyuŋ ndu ye inua fo, nnyuŋ nteme fi se afo edidɔhɔde.

EXODUS 4:12 ပူးပေါင်းရင်းမြစ်များ

ŊWED MME PSALM 105:26

Enye ɔdɔŋ Moses owo esie utom; ye Aaron emi enye ekemekde.

ŊWED MME PSALM 143:10

Teme mi ndinam se afo amade: koro afo edide Abasi mi: spirit fo ɔmɔfɔn, yak enye ada mi aka ke isɔŋ edinen ido.

ŊWED MME PSALM 32:9

Mbufo ekubiet horse ye mule: ibuot anana: mbaŋ mmɔ esine ukwak ye uruk ke eke ukpaha: mmɔ inyimeke ndisaŋa ŋkpere fi.

EXODUS 3:12

Ndien Enye ɔdɔhɔ ete, Nditreke ndidu ye afo; ndien emi eyedi idiɔŋɔ fo, ete ke edi ami ndɔŋ fi utom: ke ini afo ama ada mbio oro ke Egypt ɔwɔrɔ, mbufo eyenam ŋkpɔ enɔ Abasi ke akamba obot emi.

EXODUS 4:13

Ndien enye ete, Mbɔk, Ɔbɔŋ mi, da ubɔk owo eke afo edidɔŋde, dɔŋ utom.

EXODUS 4:15

Ndien afo editiŋ ɔnɔ enye, onyuŋ ada ikɔ oro esin enye ke inua: ami nyenyuŋ ndu ye inua fo, ye inua esie, nnyuŋ nteme mbufo se mbufo edinamde.

EXODUS 4:16

Enye eyenyuŋ ɔdɔhɔ ye mbio oro ɔnɔ fi: ke ntre ke enye editie nte inua fo, afo edinyuŋ etie nte Abasi ɔnɔ enye.

ISAIAH 49:2

Enye onyuŋ anam inua mi ebiet edisɔp ofut; omodip mi ke mfut ubɔk esiemɔ, onyuŋ anam mi ndi edisɔp idaŋ; odip mi ke odibe-idaŋ esie.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

NUMBERS 16:28

Ndien Moses ɔdɔhɔ ete, Mbufo eda emi efiɔk ete ke Jehovah ɔkɔdɔŋ mi ndinam kpukpru ŋkpɔ emi: ke itoho ke esit mi.

MARK 13:11

Ndien ke ini edidade mbufo eyak enɔ ikpe, ekubem iso etimere esit ekere ebaŋa se mbufo editiŋde, edi ikɔ ekededi eke edinɔde mbufo idaha oro mbufo etiŋ. Koro idige mbufo etiŋ, edi Edisana Spirit.

LUKE 11:1

EDIKEM, nte Enye ɔbɔŋde akam ke ebiet kiet, ke ini Enye odopde, kiet ke otu mbet Esie ɔdɔhɔ Enye ete, Ɔboŋ, kpep nnyin ndibɔŋ akam, kpa nte John onyuŋ ekpepde mbet esie.

JOHN 14:26

Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

ŊWED MBON EPHESUS 6:19

man enɔ mi ukeme nditat inua ntiŋ ikɔ nyarare ndibe-ŋkpɔ gospel ye uko;

DEUTERONOMY 18:18

Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.