EXODUS 4:10 - Edisana ñwed Abasi Ibom

¹⁰ Ndien Moses ɔdɔhɔ Jehovah, ete, Mbɔk, Ɔbɔŋ mi, ami ndige owo udɔn-ikɔ, akananam, ye idem ini emi afo ɔdɔhɔde ye owo fo: koro ami ndobide inua, nnyuŋ ndobide edeme.

EXODUS 4:10 ပူးပေါင်းရင်းမြစ်များ

ŊWED JOB 12:2

Ke akpanikɔ edi mbufo edi owo, eti ibuot eyenyuŋ akpa ye mbufo!

EXODUS 3:11

Ndien Moses ɔdɔhɔ Abasi, ete, Ami ndi anie, eke ndikade ke ɔtɔ Pharaoh, nnyuŋ nsio nditɔ Israel ke Egypt mfep?

EXODUS 4:1

NDIEN Moses ɔbɔrɔ ete, Edi, sese, mmɔ idibuɔtke idem ye ami, idinyuŋ ikopke uyo mi: koro mmɔ eyedɔhɔ, ete, Jehovah ikowutke fi idem.

EXODUS 6:12

Ndien Moses ɔdɔhɔ ke iso Jehovah, ete, Sese, nditɔ Israel ikopke uyo mi; ndien Pharaoh edinam didie ikop uyo mi, emi ndide edut ke inua?

EXODUS 6:30

Ndien Moses ɔdɔhɔ ke iso Jehovah, ete, Sese ami ndi edut ke inua, ndien Pharaoh edinam didie okop ɔnɔ mi?

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

MICAH 6:4

Ŋkɔm ŋkada mbufo ke isɔŋ Egypt ndɔk, nnyuŋ mfak mbufo nsio ke ufɔk ufin; nnyuŋ ndɔŋ Moses ye Aaron ye Miriam, nte ebem mbufo iso.

UTOM MME APOSTLE 7:22

Ndien ekpep Moses ofuri ifiɔk nditɔ Egypt; enye onyuŋ edi ɔkpɔsɔŋ owo ke ikɔ-inua ye ke ubɔk-utom.

2 ŊWED CORINTH 10:10

Koro mmɔ edɔhɔ ete, Ŋwed esie edobi enyuŋ esɔŋ; edi enye ke idem esie edi mmem-mmem, ikɔ-inua esie inyuŋ idige ŋkpɔ.

2 ŊWED CORINTH 11:6

Ŋkponyuŋ nanana udɔn ke eritiŋ ikɔ, ndige ɔkɔi ke ifiɔk; edi ke kpukpru ŋkpɔ ke otu kpukpru oruk owo, imanam gospel aŋwaŋa mbufo ke enyin.