EXODUS 4:1 - Edisana ñwed Abasi Ibom

¹ NDIEN Moses ɔbɔrɔ ete, Edi, sese, mmɔ idibuɔtke idem ye ami, idinyuŋ ikopke uyo mi: koro mmɔ eyedɔhɔ, ete, Jehovah ikowutke fi idem.

EXODUS 4:1 ပူးပေါင်းရင်းမြစ်များ

1 NDIDEM 13:3

Ndien enye asiak utibe-ŋkpɔ ke usen oro, ete, Emi edi utibe-ŋkpɔ emi Jehovah ɔkɔdɔhɔde ete, Sese, itie-uwa emi eyesiaha, ntɔŋ emi odude ke esit eyenyuŋ ɔduɔhɔ.

EXODUS 2:14

Ndien enye ɔdɔhɔ ete, Anie odori fi ete edi ɔbɔŋ ye ebiere-ikpe ke otu nnyin? Nte afo ɔmɔŋ oyom ndiwot mi, kpa nte okowotde eyen Egypt oro? Ndien Moses edige, ete, Emi! ke ŋkpɔ emi ayarare.

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

EXODUS 3:16

Ka kosop ye mme ebio-owo Israel, nyuŋ dɔhɔ mmɔ ete, Jehovah Abasi mme ete mbufo, Abasi Abraham, ye eke Isaac, ye eke Jacob okowut mi idem, ete, Mmotim nse mbufo, ye se enamde mbufo ke Egypt:

EXODUS 3:18

Ndien mmɔ eyekop uyo fo: ndien afo ye mme ebio-owo Israel eka ke ɔtɔ edidem Egypt, ekedɔhɔ enye ete, Jehovah Abasi mme Hebrew okosobo ye nnyin: mbɔk, ndien, yak nnyin ida isaŋ usen ita ke wilderness, ikawa uwa inɔ Jehovah Abasi nnyin.

EXODUS 4:10

Ndien Moses ɔdɔhɔ Jehovah, ete, Mbɔk, Ɔbɔŋ mi, ami ndige owo udɔn-ikɔ, akananam, ye idem ini emi afo ɔdɔhɔde ye owo fo: koro ami ndobide inua, nnyuŋ ndobide edeme.

EXODUS 4:30

ndien Aaron etiŋ kpukpru ikɔ oro Jehovah ama ɔkɔdɔhɔ Moses, onyuŋ anam mme idiɔŋɔ oro ke iso kpukpru owo.

EXODUS 4:31

Ndien kpukpru owo enim ke akpanikɔ: ndien adaŋemi mmɔ ekopde, ete ke Jehovah ɔmɔŋ ekere nditɔ Israel, onyuŋ ese ukut mmɔ, mmɔ enuhɔ, enyuŋ etuak ibuot.

EXODUS 6:12

Ndien Moses ɔdɔhɔ ke iso Jehovah, ete, Sese, nditɔ Israel ikopke uyo mi; ndien Pharaoh edinam didie ikop uyo mi, emi ndide edut ke inua?

EXODUS 6:30

Ndien Moses ɔdɔhɔ ke iso Jehovah, ete, Sese ami ndi edut ke inua, ndien Pharaoh edinam didie okop ɔnɔ mi?

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

EZEKIEL 3:14

Ntem ke spirit emenere mi, onyuŋ ada mi efep, ndien nsaŋa ke idot ye ke ufiop spirit mi; ubɔk Jehovah onyuŋ odoro mi ɔkpɔsɔŋ.

UTOM MME APOSTLE 7:25

enye onyuŋ abat ete nditɔ-ete imɔ eyekut, ete Abasi ke ada ubɔk imɔ ɔnɔ mmɔ erinyaŋa; edi mmɔ ikwe.

JUDGES 6:17

Ndien enye ɔbɔrɔ, ete, Mbɔk, edieke afo amade mi, nam ndien idiɔŋɔ nɔ mi, ete ke afo ɔdɔhɔ ikɔ ye ami.