EXODUS 32:4 - Edisana ñwed Abasi Ibom

⁴ eda esɔk Aaron. Ndien enye onyuŋ ɔbɔ mmɔ ke ubɔk; ada usɔi-ŋkpɔ anam enye, onyuŋ atara enye anam eyen enaŋ; ndien mmɔ edɔhɔ ete, O Israel, mme mmɔ emi edi abasi fo emi akadade fi ke isɔŋ Egypt ɔdɔk edi.

EXODUS 32:4 ပူးပေါင်းရင်းမြစ်များ

1 NDIDEM 12:28

Ndien edidem ekere, onyuŋ ada gold anam nditɔ enaŋ iba, onyuŋ ɔdɔhɔ mmɔ ete, Akan mbufo ndidɔk ke Jerusalem: O Israel, se mme abasi emi ekedade mbufo ke isɔŋ Egypt edɔk edi.

1 NDIDEM 12:32

Ekem Jeroboam onim usɔrɔ ke ɔyɔhɔ ɔfiɔŋ itiaita, ke ɔyɔhɔ usen ɔfiɔŋ efut, ebiet usɔrɔ emi odude ke Judah, onyuŋ awa uwa ke itie uwa. Ntem ke enye akanam ke Bethel, ke awa uwa ɔnɔ nditɔ-enaŋ oro enye akanamde: onim ke Bethel.

2 NDIDEM 10:20

Ekem Jehu ɔdɔhɔ ete, Mbufo enim usɔrɔ enɔ Baal. Ndien mmɔ ekwɔrɔ.

2 NDIDEM 10:29

Edi ama edi mme idiɔk-ŋkpɔ Jeroboam eyen Nebat, emi enye akadade anam Israel edue, Jehu ikabakede ikpɔŋ mmɔ, kpa nditɔ-enaŋ o gold oro edude ke Bethel, ye eke edude ke Dan.

2 CHRONICLES 11:15

ndien enye ke idem esie onim oku ɔnɔ edikoŋ ebiet, ye okpo-ebot, ye nditɔ-enaŋ oro enye akanamde.

2 CHRONICLES 13:8

Ndien ke emi mbufo ekere, ete imekem ubɔk ye ubɔŋ Jehovah ke ubɔk nditɔ David; ndien mbufo edi ata akamba otu owo, nditɔ-enaŋ o-gold oro Jeroboam akanamde ɔnɔ mbufo ke abasi, enyuŋ edu ye mbufo.

NEHEMIAH 9:18

Ndien, kpa ke ini emi mmɔ enamde editara eyen enaŋ ke idem mmɔ, enyuŋ edɔhɔde, ete, Emi edi Abasi fo emi akadade fi ke Egypt ɔdɔk, enyuŋ enamde ikpɔ ŋkpɔ but;

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

EXODUS 20:23

Mbufo ekuda silver enam abasi edian ye ami, ekunyuŋ eda gold enam abasi enɔ idem mbufo.

EXODUS 20:4

Kunam edisɔi ŋkpɔ unɔ idem fo, kunyuŋ unam mbiet baba ŋkpɔ kiet eke odude ke heaven ke enyɔŋ, ye eke odude ke isɔŋ ke idak, ye eke odude ke mmɔŋ ke idak isɔŋ;

EXODUS 28:11

Da ubɔk-usɔ akap-itiat, nte ekapde seal, kap itiat mbiba oro, nte enyiŋ nditɔ Israel edide; nam mmɔ sin ke socket o-gold.

EXODUS 28:9

Ndien bɔ itiat onyx iba, nyuŋ kap enyiŋ nditɔ Israel sin mmɔ ke esit:

EXODUS 32:1

EDIKEM adaŋemi kpukpru owo ekutde nte Moses ebigide ndito ke enyɔŋ obot nsuhɔre, mmɔ esop idem ɔtɔ kiet etiene Aaron, enyuŋ edɔhɔ enye, ete, Daha ke enyɔŋ nam abasi kiet nɔ nnyin, eke edibemde nnyin iso aka: koro ama edi Moses, owo emi akadade nnyin ke isɔŋ Egypt, ɔdɔk edi, nnyin ifiɔkke se itibede ye enye.

EXODUS 32:24

Ndien ndɔhɔ mmɔ nte, Yak owo eke enyenede gold, okibi enye efep. Ndien mmɔ eda enye esɔk mi; ndien ami nnyuŋ nsin enye ke ikaŋ: ndien eyen enaŋ emi ɔwɔrɔ.

EXODUS 32:3

Ndien kpukpru owo esioŋo mkpanuen gold eke edude mmɔ ke utɔŋ,

EXODUS 32:35

Ndien Jehovah ɔnɔ mbon oro ufen, koro mmɔ ekenamde eyen enaŋ emi Aaron akanamde.

EXODUS 32:5

Ndien adaŋemi Aaron okutde, enye anam itie-uwa ke iso esie; ndien Aaron ɔtɔt ete, Mkpɔŋ edi usɔrɔ Jehovah.

EXODUS 32:7

Ndien Jehovah ɔdɔhɔ Moses, ete, Suhɔre, nyɔŋ: koro oruk fo, emi afo akadade ke isɔŋ Egypt ɔwɔrɔ, emebiara.

EXODUS 32:8

Ibigike bigi, mmɔ ewaha ekpɔŋ usuŋ emi ŋketemede mmɔ; mmɔ emetara gold enam eyen enaŋ ke idem mmɔ, enyuŋ enuhɔ enɔ enye, enyuŋ ewa uwa enɔ enye, enyuŋ edɔhɔ ete, O Israel, Mme mmɔ emi edi abasi fo, emi akadade fi ke isɔŋ Egypt ɔdɔk edi.

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

ISAIAH 46:6

Mme ɔduɔŋɔ-ŋkpɔ eyesio gold ye silver ke ekpat, edomo ke balance, eyekpe owo-usɔ inyene: ndien enye ada enye anam abasi: mmɔ enuhɔ, enyuŋ etuak ibuot.

EZEKIEL 23:8

Enye inyuŋ ikpɔŋke use esie oro otode ke Egypt: koro mmɔ efiɔkde enye ke uyen esie, mmɔ oro enyuŋ enuak enye eba uyen, enyuŋ eŋwaŋa enye use mmɔ ke idem.

HOSEA 10:5

Mme andiduŋ Samaria efehe ndik ebaŋa nditɔ-enaŋ Beth-aven: koro ikɔt esie eyetua ebaŋa enye, mme oku eyenyuŋ efut ebaŋa enye, ebaŋa ubɔŋ esie, koro enye adahade ɔkpɔŋ enye.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

UTOM MME APOSTLE 17:29

Sia nnyin idide nditɔ Abasi ndien, nnyin ikpesehe ite Abasi ebiet gold, mme silver, mme itiat, eke edade usɔ ye ekikere owo esɔi.

UTOM MME APOSTLE 7:41

Ntre ke mmɔ ebot eyen-enaŋ ke mme usen oro, enyuŋ eda uwa esɔk idem oro, enyuŋ edat esit ke utom ubɔk mmɔ.

1 ŊWED CORINTH 10:7

Mbufo ekunyuŋ edi mme okpono ndem, nte ndusuk mmɔ ekedide; nte ewetde ete, Mbio oro esuhɔre etetie edia enyuŋ eŋwɔŋ, enyuŋ edaha ke enyɔŋ ekebre mbre.

DEUTERONOMY 9:16

Ndien ŋkut, ndien, sese, mbufo ema edue Jehovah Abasi mbufo, ema enam editara mbiet eyen enaŋ enɔ idem mbufo: ema ewara ewaha ekpɔŋ usuŋ emi Jehovah eketemede mbufo:

JUDGES 8:24

Ndien Gideon ɔbɔrɔ mmɔ, ete, Mmɔŋ mbeŋe mbufo ebeŋe kiet, nte, Kpukpru mbufo enɔ mi mkpanuen utɔŋ mbume mbufo: koro mmɔ ekenyenede mkpanuen utɔŋ o gold, koro edide nditɔ Ishmael.

JUDGES 8:27

Ndien Gideon ada enye anam ephod kiet onim ke obio esie, ke Ophrah: ndien ofuri Israel ewaha etiene enye do; ndien enye akabara edi afia ye Gideon, ye ufɔk esie.