EXODUS 3:8 - Edisana ñwed Abasi Ibom

⁸ mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 3:8 ပူးပေါင်းရင်းမြစ်များ

GENESIS 11:5

Ekem Jehovah osuhɔre ete ise obio oro ye edikoŋ ufɔk oro nditɔ Adam ebɔpde.

GENESIS 11:7

Ekam eyak nnyin isuhɔre, inyuŋ itimere usem mmɔ do, man kiet okukop ikɔ kiet eken.

GENESIS 15:13

Ndien enye ɔdɔhɔ Abram, ete, Tim fiɔk ete ke ubon fo eyedi isen ke isɔŋ kiet eke midige eke mmɔ; eyenyuŋ enam ŋkpɔ enɔ mmɔ; mmɔ eyenyuŋ efik mmɔ ke isua ikie inaŋ:

GENESIS 15:14

ndien Ami nyekpe ikpe ye idut oro ŋko, emi mmɔ edinamde ŋkpɔ enɔ mmɔ; ndien ŋkpɔ oro ama ebe, mmɔ eyewɔŋɔ ye ediwak inyene.

GENESIS 18:21

odobide eti-eti, yak ŋkam nsuhɔre ŋkese mme mmɔ enenam kpukpru ŋkpɔ ke uyo mfiori emi osimde mi; ndien midige ntre, nyefiɔk.

GENESIS 43:11

Ndien Israel ete mmɔ ɔdɔhɔ ye mmɔ, ete, Ama edi ntre, ndien, enam ntem; eda akakan mfri edem emi esin ke ŋkpɔ mbufo, esuhɔre enɔ owo oro ke enɔ, ekpri balm, ye ekpri aran ɔkwɔk, ye edifuɔŋ-ŋkpɔ, ye myrrh, ye mbansaŋ, ye almond:

GENESIS 46:4

Ami nyesaŋa ye afo nsuhɔre ŋka Egypt; ndien ami ŋko nditreke ndida fi ndɔk: Joseph eyenyuŋ okibi fi enyin.

GENESIS 50:24

Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

1 CHRONICLES 1:15

ye mme Hivite, ye mme Arkite, ye mme Sinite; ye mme Arvadite,

NEHEMIAH 9:8

afo okonyuŋ okut ete ke esit esie enyene akpanikɔ ke iso fo, afo onyuŋ odiomi ediomi ye enye, ete eyeda isɔŋ mme Canaanite, ye eke mme Hittite, ye eke mme Amorite, ye eke mme Perizzite, ye eke mme Jebusite, ye eke mme Girgashite, ete eyeda enye ɔnɔ ubon esie afo ama onyuŋ anam ke uyo fo ŋko; koro afo enende:

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 12:6

Mme ikɔ Jehovah edi ndisana ikɔ, nte silver eke etarade ke eso mbat, eke eduhɔde utim ikatiaba.

ŊWED MME PSALM 34:8

O mbufo etabi, enyuŋ ese nte Jehovah ɔfɔnde: ɔfɔfɔn ɔnɔ owo eke eberede idem ye enye.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

EXODUS 13:5

Ndien ama ekem ke ini Jehovah edidade mbufo oduk ke isɔŋ mme Canaanite, ye mme Hittite, ye mme Amorite, ye mme Hivite, ye mme Jebusite, emi enye ɔkɔŋwɔŋɔde ɔnɔ mme usɔ, ete iyenɔ mbufo, isɔŋ emi ɔfiɔrɔde mmɔŋ-eba ye aran-ɔkwɔk, ndien mbufo enam utom emi ke ɔfiɔŋ emi.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 34:11

Tim kpeme se ami mmɔŋ nteme fi mfin emi: sese, mmɔŋ mbin mme Amorite, ye mme Canaanite, ye mme Hittite, ye mme Perizzite, ye mme Hivite, ye mme Jebusite, ke iso fo mfep.

EXODUS 5:23

Nsinam afo ɔdɔŋde mi utom? Koro toto nte ŋkaka ke ɔtɔ Pharaoh, nnyuŋ ndɔhɔ ke enyiŋ fo, enye ɔdɔdiɔk ye mbio emi; afo unyuŋ unyaŋake ikɔt fo baba.

ISAIAH 36:17

tutu ami ndi ndida mbufo ŋka isɔŋ eke ebietde isɔŋ mbufo, isɔŋ ibokpot ye wine, isɔŋ udia ye eke iŋwaŋ vine.

ISAIAH 64:1

AFO akpakam asiak enyɔŋ, ɔsuhɔre, man ikpɔ obot etara ewet ke iso fo,

JEREMIAH 11:5

man nnim uŋwɔŋɔ oro ŋkɔŋwɔŋɔde nnɔ mme ete mbufo, nte ke ndinɔ mmɔ isɔŋ emi ɔfiɔrɔde mmɔŋ-eba ye aran-ɔkwɔk, kpa nte edide mfin emi. Ndien ami mbɔrɔ, nte, Amen, O Jehovah.

JEREMIAH 2:7

Ndien ŋkada mbufo nduk ke isɔŋ enyene eti iŋwaŋ, nte edia mfri esie ye mfɔn esie: ndien mbufo eduk edisabare isɔŋ mi, enyuŋ enim udeme mi ke ŋkpɔ mbubiam.

JEREMIAH 32:22

onyuŋ ɔnɔ mmɔ isɔŋ emi afo ɔkɔŋwɔŋɔde ɔnɔ mme ete mmɔ, ete iyenɔ mmɔ, isɔŋ eke ɔfiɔrɔde mmɔŋeba ye aran-ɔkwɔk:

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

LEVITICUS 20:24

Ŋkonyuŋ ndɔhɔ mbufo, nte mbufo eyeda isɔŋ mmɔ enyene, ami nyenyuŋ nda enye nnɔ mbufo enyene, isɔŋ emi ɔfiɔrɔde mmɔŋ-eba ye aran-ɔkwɔk: ami ndi Jehovah Abasi mbufo, emi ndianarede mbufo ke mme idut efen.

AMOS 2:10

Ami ŋkonyuŋ nda mbufo ke isɔŋ Egypt ndɔk, nnyuŋ nda mbufo ke usuŋ wilderness ke isua aba, man eda isɔŋ mme Amorite enyene.

NUMBERS 13:18

Enyuŋ ese isɔŋ nte etiede; ye mme andiduŋ enye, mme mmɔ edi mkpɔsɔŋ, mme edi mmeme, mme iwakke, mme ewak;

NUMBERS 13:19

Ye isɔŋ emi mmɔ eduŋde nte etiede, me ɔfɔn, me ifɔnke; ye mme obio emi eduŋde nte etiede, mme ke tent, mme ke mkpɔsɔŋ ebiet;

NUMBERS 13:27

Ndien mmɔ edɔhɔ enye, ete, Nnyin ima isim ke isɔŋ emi afo ɔkɔdɔŋde nnyin ete ika, ndien ke akpanikɔ enye ɔfɔfiɔrɔ mmɔŋ-eba ye aran-ɔkwɔk; emi onyuŋ edi mfri esie.

JOHN 3:13

Ndien baba owo kiet ikɔdɔkke ikoduk ke heaven, ke mibɔhɔke Enye emi okotode ke heaven ɔsuhɔre edi, kpa Eyen Owo emi odude ke heaven.

JOHN 6:38

Koro nto ke heaven nsuhɔre ndi, idige man nnam uduak Idem Mi, edi man nnam uduak Andidɔŋ Mi.

DEUTERONOMY 1:25

Mmɔ enyuŋ eda mfri isɔŋ oro ke ubɔk mmɔ, esuhɔre edisɔk nnyin, enyuŋ eda mbuk ebuk enɔ nnyin, ete, Ke edi eti isɔŋ ke Jehovah Abasi nnyin ɔnɔ nnyin.

DEUTERONOMY 1:7

mbufo ekabare edaŋa eka ke obot mme Amorite, ye ke ɔtɔ kpukpru mbɔhiduŋ mmɔ, ke itihere Jordan, ye ke ikpɔ obot, ye ke una-isɔŋ edem inyaŋ, ye ke edem usuk-usuk, ye ke mben inyaŋ, kpa isɔŋ mme Canaanite, ye Lebanon, tutu osim ke akwa akpa, akpa Euphrates.

DEUTERONOMY 27:3

ndien wet kpukpru ikɔ mbet emi sin ke esit, ke afo ama ekebe, man afo oduk ke isɔŋ emi Jehovah Abasi fo ɔnɔde fi, kpa isɔŋ emi ɔfiɔrɔde mmɔŋ-eba ye aran-ɔkwɔk; kpa nte Jehovah mme usɔ ɔkɔdɔhɔde fi.

DEUTERONOMY 28:11

Ndien Jehovah eyenam fi awak ke nti ŋkpɔ, ke mfri idibi fo, ye ke mfri iŋwaŋ fo, ke isɔŋ emi Jehovah ɔkɔŋwɔŋɔde ɔnɔ mme usɔ, ete eyenɔ fi.

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.

JOSHUA 9:1

EDIKEM adaŋemi kpukpru mbɔŋ eke edude ke edem Jordan emi, ke ikpɔ obot, ye ke una-isɔŋ edem inyaŋ, ye ke ofuri mben akwa inyaŋ, ekem ye Lebanon, kpa mme Hittite, ye mme Amorite, ye mme Canaanite, ye mme Perizzite, ye mme Hivite,

JOSHUA 9:7

Ndien nditɔ Israel edɔhɔ mme Hivite, ete, Ndusuk mbufo eduŋ ke ufɔt nnyin; didie ndien ke nnyin idinam ediomi ye mbufo?