EXODUS 3:4 - Edisana ñwed Abasi Ibom

⁴ Ndien adaŋemi Jehovah okutde ete enye awaha edi ndise, Abasi etie ke ufɔt eto oro okot enye ete, Moses, Moses! Ndien enye ete, Se mi mi.

EXODUS 3:4 ပူးပေါင်းရင်းမြစ်များ

GENESIS 22:1

EDIKEM ke ŋkpɔ oro ama ekebe, Abasi odomo Abraham; ndien ɔdɔhɔ enye, ete, Abraham. Ndien enye ete,

GENESIS 22:11

Ndien angel Jehovah etie ke enyɔŋ okot enye, ete, Abraham, Abraham. Ndien enye ete, Se ami mi.

GENESIS 28:16

Ekem, Jacob edemere ke idap, ndien ɔdɔhɔ ete, Kakpan Jehovah odu ke ɔtɔ emi; ndien ami mfiɔkke.

GENESIS 46:2

Ndien Abasi ɔdɔhɔ Israel ke ŋkukut ke okoneyo, ete, Jacob, Jacob.

ŊWED MME PSALM 62:11

Abasi ɔdɔhɔ ini kiet; mmaŋkop emi utim ikaba, ete ke Abasi emenyene odudu;

EXODUS 19:3

Ndien Moses ɔdɔk etiene Abasi, ndien Jehovah etie ke obot okot enye edi, ete, Ntem ke afo edidɔhɔ ye ufɔk Jacob, onyuŋ etiŋ ɔnɔ nditɔ Israel, ete;

EXODUS 3:2

Ndien angel Jehovah owut enye idem ke edeme-ikaŋ ke esit eto kiet; ndien ke enye okutde, sese, ikaŋ ke asak ke eto oro, edi itaha eto.

EXODUS 33:12

Ekem Moses ɔdɔhɔ Jehovah, ete, Sese afo ɔmɔdɔhɔ mi, ete, Da mbio emi usuŋ; edi afo ukausianke mi enye emi afo edidɔŋde asaŋa ye ami: nte afo omonyuŋ ɔdɔhɔ ete ke ɔmɔfiɔk enyiŋ mi, omonyuŋ enen iso ye ami.

EXODUS 4:5

man mmɔ enim ke akpanikɔ, ete ke Jehovah Abasi ete mmɔ, Abasi Abraham, ye Abasi Isaac, ye Abasi Jacob ama owut fi idem.

LEVITICUS 1:1

NDIEN Jehovah etie ke tent esop okot Moses, onyuŋ ɔdɔhɔ enye, ete,

UTOM MME APOSTLE 10:13

Uyo onyuŋ osim enye ete, Peter, daha ke enyɔŋ, wot, ta.

UTOM MME APOSTLE 10:3

Ke ini ekperede hour ita ke uwemeyo, enye otim okut ke ŋkukut nte angel odukde etiene enye, onyuŋ ɔdɔhɔde enye ete, Cornelius.

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

DEUTERONOMY 33:16

ye ke ata nti ŋkpɔ isɔŋ ye se iyɔhɔde enye ke esit, ye ima Enye emi eketiede ke eto: yak odoro Joseph ke ibuot, ye ke etiŋ-ibuot enye emi mmɔ ekdianarede ke nditɔ-ete esie efep.

1 SAMUEL 3:10

Ndien Jehovah edi edida, onyuŋ okot kpa nte eke akpa, ete, Samuel, Samuel. Ndien Samuel ɔbɔrɔ, ete, Dɔhɔ; koro owo fo ɔmɔŋ okop.

1 SAMUEL 3:4

ndien Jehovah okot Samuel: ndien enye ete, Se mi mi.

1 SAMUEL 3:6

Ndien enye aka akana. Ndien Jehovah ɔtɔŋɔ ntak okot Samuel. Ndien Samuel adaha ke enyɔŋ aka ke ɔtɔ Eli, ɔkɔdɔhɔ ete, Se mi mi: ŋkɔm afo okokot mi. Ndien enye ɔbɔrɔ ete, Ŋkokotke, eyen mi; fiak ka kanana.

1 SAMUEL 3:8

Ndien Jehovah ɔtɔŋɔ ntak okot Samuel ɔyɔhɔ utim ikata. Ndien enye adaha ke enyɔŋ aka ke ɔtɔ Eli, ɔkɔdɔhɔ ete, Se mi mi ŋkɔm afo okokot mi. Ndien Eli ɔdiɔŋɔ ete ke Jehovah okokot eyen ɔwɔŋ oro.