EXODUS 3:2 - Edisana ñwed Abasi Ibom

² Ndien angel Jehovah owut enye idem ke edeme-ikaŋ ke esit eto kiet; ndien ke enye okutde, sese, ikaŋ ke asak ke eto oro, edi itaha eto.

EXODUS 3:2 ပူးပေါင်းရင်းမြစ်များ

GENESIS 21:17

Ndien Abasi okop uyo eyen oro, angel Abasi ke enyɔŋ onyuŋ okot Hagar, ete enye, Nsinam fi Hagar? kufehe, koro Abasi omokop uyo eyen oro ke ɔtɔ emi enye odude.

GENESIS 22:11

Ndien angel Jehovah etie ke enyɔŋ okot enye, ete, Abraham, Abraham. Ndien enye ete, Se ami mi.

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

ŊWED MME PSALM 66:12

Afo ayak owo odoro nnyin ke ibuot; nnyin ikoduk ke ikaŋ ye ke mmɔŋ: ndien afo ada nnyin ɔwɔrɔ ɔnɔ ediwak inyene.

EXODUS 19:18

Ndien ofuri obot Sinai edi nsuŋikaŋ-nsuŋikaŋ; oto koro Jehovah etiede ke ikaŋ ɔsuhɔre ke esit: nsuŋikaŋ esie onyuŋ ɔwɔrɔ ɔdɔk nte nsuŋikaŋ furnace, ofuri obot onyuŋ enyek eti-eti.

EXODUS 23:20

Sese, ami mmɔŋ ndɔŋ angel ebem fi iso, nte ekpeme fi ke usuŋ, onyuŋ ada fi aka ke ebiet emi ŋkonimde.

EXODUS 24:17

Ndien iso ubɔŋ Jehovah ebiet ikaŋ asakde ke enyɔŋ obot ke enyin nditɔ Israel.

EXODUS 3:16

Ka kosop ye mme ebio-owo Israel, nyuŋ dɔhɔ mmɔ ete, Jehovah Abasi mme ete mbufo, Abasi Abraham, ye eke Isaac, ye eke Jacob okowut mi idem, ete, Mmotim nse mbufo, ye se enamde mbufo ke Egypt:

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

DANIEL 3:27

Ndien mme satrap, ye mbɔŋ, ye mme etubom, ye mme andinɔ edidem item ebono, ekut ete ke ikaŋ ikanke idem mbon oro, ke inyuŋ ifrike mmɔ baba idet ibuot kiet, ɔfɔŋ-ukot mmɔ inyuŋ ikpuhɔkede, baba utebe ikaŋ inyuŋ isimke mmɔ.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MARK 12:26

Edi kabaŋa mme akpa-mkpa, nte enamde mmɔ eset; nte mbufo ikokotde ke ŋwed Moses, ke itie emi etiŋde abaŋa eto, ite Abasi ɔkɔdɔhɔ enye ete, Ami ndi Abasi Abraham, ye Abasi Isaac, ye Abasi Jacob.

LUKE 20:37

Edi kpa Moses etiŋ ke ibuot ŋwed emi otukde eto oro abaŋa ete enanam mme akpa-mkpa eset, Abasi Abraham, ye Abasi Isaac, ye Abasi Jacob.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

ŊWED MBON ROME 8:3

Koro se ibet mikikemeke ndinam, ke emi obukidem esinde enye edi mmem-mmen, Abasi akanam; ke emi Enye osiode Eyen Esie ɔdɔŋ ke mbiet obukidem idiɔk-ŋkpɔ, onyuŋ adade Enye nte isop, anam ikpe obiom idiɔk-ŋkpɔ ke obukidem Esie:

DEUTERONOMY 33:16

ye ke ata nti ŋkpɔ isɔŋ ye se iyɔhɔde enye ke esit, ye ima Enye emi eketiede ke eto: yak odoro Joseph ke ibuot, ye ke etiŋ-ibuot enye emi mmɔ ekdianarede ke nditɔ-ete esie efep.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

2 ŊWED THESSALONICA 1:7

ndinyuŋ nda nduɔk-odudu nnɔ mbufo emi ekutde ukut, kpa nte Enye edinamde ye nnyin ŋko, ke ini emi Ɔbɔŋ Jesus editode ke heaven ɔbiɔŋɔre ke ikaŋ emi asakde, ye mme angel odudu Esie,

JUDGES 13:13

Ndien angel Jehovah ɔdɔhɔ Manoah, ete, Yak ŋwan osio idem esie efep ke kpukpru se ŋkɔdɔhɔde enye.