EXODUS 27:8 - Edisana ñwed Abasi Ibom

⁸ Da obukpɔk nam enye nte ekebe: nte emi ewutde fi ke obot, kpa ntre ke edinam enye.

EXODUS 27:8 ပူးပေါင်းရင်းမြစ်များ

1 CHRONICLES 28:11

Ndien David ɔnɔ Solomon eyen esie ŋwed etehe, ye eke ufɔk esie, ye eke mme ebiet unim-ŋkpɔ-uto esie, ye eke mme ubet enyɔŋ esie, ye eke mme ubet esit ufɔk esie, ye eke ubet itie-usio-isop:

1 CHRONICLES 28:19

(David ete,) Jehovah akasian mi kpukpru mmɔ emi ke ŋwed eke otode enye ke ubɔk, kpa ofuri utom ŋwed oruk emi.

EXODUS 25:40

Ndien tiŋ enyin nam mmɔ sin ke mbiet mmɔ emi ewutde fi ke enyɔŋ obot.

EXODUS 25:9

Kpa nte emi ami ŋwutde fi kpukpru ŋkpɔ, kpa mbiet ebiet-iduŋ, ye mbiet kpukpru ŋkpɔ utom esie, kpasuk ntre ke mbufo edinam enye.

MATTHEW 15:9

Edi mmɔ ekpono Mi ikpikpu, Sia ekpepde item owo ke ukpep-ŋkpɔ mmɔ.

UTOM MME APOSTLE 7:44

Mme ete nnyin ekenyene ataya ŋkpɔ-ntiense ke desert, kpa nte Enye emi eketiŋde ikɔ ye Moses etemede enye ete, anam esin ke mbiet oro enye okokutde.

MME HEBREW 8:5

emi enamde utom ukpɔŋ-ukpɔŋ ŋkpɔ eke edide mbiet ye mfut ŋkpɔ heaven; kpa nte Abasi ɔkɔnɔde Moses uyo, ke adaŋemi enye ɔmɔŋ edibɔp Ataya: koro Enye ɔdɔhɔ ete, Tiŋ enyin nam kpukpru ŋkpɔ nte asaŋade ekekem ye mbiet ŋkpɔ emi ekewutde fi ke enyɔŋ obot.