EXODUS 20:3 - Edisana ñwed Abasi Ibom

³ Kunyene abasi efen ukɔrɔ ye ami.

EXODUS 20:3 ပူးပေါင်းရင်းမြစ်များ

1 NDIDEM 11:4

Edikem ke ini usɔŋ Solomon, iban esie eyut enye esit, esin enye akabare etiene abasi efen; ndien ofuri esit esie isaŋake ye Jehovah Abasi esie, nte esit David ete esie.

ŊWED MME PSALM 29:2

Enɔ Jehovah ubɔŋ enyiŋ esie; etuak ibuot enɔ Jehovah ke uyai edisana ido.

ŊWED MME PSALM 73:25

Ami nnyene anie ke enyɔŋ?

ŊWED MME PSALM 81:10

Ami ndi Jehovah Abasi mbufo, emi ŋkadade mbufo ke Egypt ndɔk: mbufo eŋwaŋa inua mbufo ndien nyesin ŋkpɔ ke esit nyɔhɔ.

ŊWED MME PSALM 81:9

ekuyak esen abasi odu ke otu mbufo; eku nyuŋ etuak ibuot enɔ abasi idut.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

EXODUS 20:23

Mbufo ekuda silver enam abasi edian ye ami, ekunyuŋ eda gold enam abasi enɔ idem mbufo.

EXODUS 22:19

Owo ekededi anade ina ye unam, okutre ndikpa.

EXODUS 23:24

nyenyuŋ nsobo mmɔ. Kunuhɔ unɔ abasi mmɔ, kunyuŋ unam ŋkpɔ mmɔ, kunyuŋ unam nte mmɔ enamde; edi tim sobo mmɔ fap-fap, nyuŋ bom mme adaha-itiat mmɔ mbak-mbak.

EXODUS 32:8

Ibigike bigi, mmɔ ewaha ekpɔŋ usuŋ emi ŋketemede mmɔ; mmɔ emetara gold enam eyen enaŋ ke idem mmɔ, enyuŋ enuhɔ enɔ enye, enyuŋ ewa uwa enɔ enye, enyuŋ edɔhɔ ete, O Israel, Mme mmɔ emi edi abasi fo, emi akadade fi ke isɔŋ Egypt ɔdɔk edi.

EXODUS 34:14

kunyuŋ utuak ibuot unɔ abasi efen baba kiet: koro Jehovah, emi enyiŋ esie ekerede Ufup, edi Abasi ufup:

ISAIAH 26:4

Mbufo ebuɔt idem ye Jehovah ke nsinsi; koro Jah Jehovah edide nsinsi itiat:

ISAIAH 42:8

Ami ndi Jehovah; enyiŋ mi edi oro: ndinyuŋ nnɔŋɔ owo efen ubɔŋ mi, nnɔŋɔ ndisɔi mbiet itoro mi.

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

JEREMIAH 25:6

mbufo ekunyuŋ ebine abasi efen, man enam ŋkpɔ mmɔ, enyuŋ etuak ibuot enɔ mmɔ; ekunyuŋ eyat mi esit ke se ubɔk mbufo enamde; ndien ndidiɔkke ye mbufo.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

DANIEL 3:18

Ndien midige ntre, fiɔk, O edidem, ete ke nnyin ikwe nte inamde ŋkpɔ abasi fo, inyuŋ ikwe nte ituakde ibuot inɔ owo o-gold emi afo okonimde.

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

ŊWED MBON EPHESUS 5:5

Koro mbufo emetim efiɔk emi, ete baba anam use kiet, mme anam mbubiam ido, mme esin esit ke ŋkpɔ owo, emi edide okpono ndem, inyeneke udeme ke Obio Ubɔŋ Christ ye Abasi.

DEUTERONOMY 5:7

Kunyene Abasi efen ukɔrɔ ye ami.

DEUTERONOMY 6:14

Mbufo ekutiene Abasi eŋwen, ke otu mme abasi mme idut emi ekande mbufo ekuk:

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.

ŊWED MBON COLOSSAE 2:18

Ekuyak baba owo kiet obiom mbufo ikpe nte enye amama, ke ikɔ nsuhɔre-idem, ye erituak ibuot nnɔ mme angel; oruk owo emi ebure mbure ke ŋkukut, enyuŋ ekohore idem ke ikpikpu ekikere obukidem;

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

ERIYARARE 22:9

Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo mme prophet, ye mmɔ emi enimde ikɔ ŋwed emi. Tuak ibuot nɔ Abasi.

JUDGES 6:10

ndien ndɔhɔ mbufo, nte, Ami ndi Jehovah Abasi mbufo; mbufo ekubak mme abasi mme Amorite, emi mbufo eduŋde ke isɔŋ mmɔ: edi mbufo ikokopke uyo mi.