EXODUS 2:23 - Edisana ñwed Abasi Ibom

²³ Edikem ke anyan ini oro edidem Egypt akpa: ndien nditɔ Israel eseme ufin mmɔ, enyuŋ etuaŋa; ndien eseme emi mmɔ esemede ufin mmɔ ɔdɔk osim Abasi.

EXODUS 2:23 ပူးပေါင်းရင်းမြစ်များ

GENESIS 16:11

Angel Jehovah onyuŋ ɔdɔhɔ ŋko-ŋko, ete, Sese afo omoyomo, eyenyuŋ aman eyen-eren, onyuŋ osio enye enyiŋ Ishmael: koro Jehovah omokop ukut fo.

GENESIS 4:10

Ndien Enye ete, Afo akanam nso? uyo iyip eyen-uka ke isɔŋ ke eseseme ɔnɔ mi.

NEHEMIAH 9:9

ndien afo okokut ukut mme ete nnyin ke Egypt, okonyuŋ okop eseme mmɔ ke mben Ididuot Inyaŋ;

ŊWED JOB 35:9

Akwa nnama esin mmɔ efiori; eseme ebak ubɔk ikpɔ owo.

ŊWED MME PSALM 102:1

O JEHOVAH, kop akam mi, nyuŋ yak eseme mi osim fi.

ŊWED MME PSALM 102:2

Kudip mi iso fo ke usen emi ntiede ke itie ukut: kpaŋ utɔŋ nɔ mi: ke usen emi nsemede, wara di yere mi.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 18:6

Nseme nnɔ Jehovah ke nnanenyin mi, nnyuŋ mfiori ŋkot Abasi mi: enye etie ke temple esie okop uyo mi, mfiori mi onyuŋ edi enye ke iso, oduk enye ke utɔŋ.

EXODUS 1:14

enyuŋ enam uwem odoro mmɔ ke ɔkpɔsoŋ ufin, ke mbat, ye ke brick, ye ke kpukpru utom iŋwaŋ, ke ofuri utom mmɔ eke esinde mmɔ enam ke ufik.

EXODUS 4:19

Jehovah onyuŋ ɔdɔdɔ Moses ke Midian, ete, Fiak ka ke Egypt: koro kpukpru mmɔ oro ekeyomde uwem fo, emekpaŋa.

EXODUS 6:5

Ami mmonyuŋ ŋkop eseme nditɔ Israel ŋko, emi Egypt enimde ke ifin: mmonyuŋ nti ediomi mi.

EXODUS 6:9

Ndien Moses ɔdɔhɔ ntem ye nditɔ Israel: edi iyaresit ye idiɔk ufin iyakke mmɔ ekop ikɔ Moses.

EXODUS 7:7

Ndien Moses osim isua anaŋ, Aaron onyuŋ osim isua anaŋ ye ita, ke ini mmɔ edɔhɔde ye Pharaoh.

ISAIAH 19:20

Ndien enye eyeda nte ŋkpɔ idiɔŋɔ ye ntiense ɔnɔ Jehovah mme udim ke isɔŋ Egypt: koro mmɔ esemede enɔ Jehovah ebaŋa mmɔ eke etukde mmɔ, ndien enye eyedɔŋ andinyaŋa eke edide akamba, onyuŋ anyaŋade mmɔ.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

NUMBERS 20:16

Ndien adaŋemi nnyin isemede inɔ Jehovah enye okop uyo nnyin, onyuŋ ɔdɔŋ angel okosio nnyin ke Egypt: ndien sese, nnyin idu ke Kadesh, ke obio emi anade ke adaŋa isɔŋ fo:

UTOM MME APOSTLE 7:30

Ndien ke isua aba ema ekebe, angel owut enye idem ke desert Obot Sinai ke edeme ikaŋ ke eto.

DEUTERONOMY 24:15

nɔ enye okuk ke usen esie, utin okunyuŋ ɔsuhɔre ke esit; koro enye ananade ŋkpɔ, enye eberi esit esie ke esit: mbak enye ediseme ɔnɔ Jehovah abaŋa fi, ndien afo edue isop.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

JUDGES 4:3

Ekem nditɔ Israel eseme enɔ Jehovah: koro enye ekenyenede chariot ukwak ikie usukkiet; onyuŋ ɔsɔŋɔ otuk nditɔ Israel ke ofuri isua edip.

1 SAMUEL 12:8

Adaŋemi Jacob odukde ke Egypt, mme ete mbufo enyuŋ esemede enɔ Jehovah, ndien Jehovah ɔdɔŋ Moses ye Aaron ekesioŋo mme ete mbufo ke Egypt efep, enyuŋ enɔ mmɔ iduŋ ke ebiet emi.

1 SAMUEL 9:16

Adaŋemi mkpɔŋ nyedɔŋ owo oto ke isɔŋ Benjamin etiene fi, ndien da aran yet enye nim ke etubom ikɔt mi Israel; ndien enye eyenyaŋa ikɔt mi osio mme Philistine ke ubɔk: koro mmese ikɔt mi, koro eseme mmɔ omosim mi.