EXODUS 2:11 - Edisana ñwed Abasi Ibom

¹¹ Edikem ke usen oro, ke Moses ama okokpon, enye ɔwɔrɔ aka ke ɔtɔ nditɔ-ete esie, ekese mbiomo mmɔ; ndien enye okut eyen Egypt kiet amiade eyen mme Hebrew, owo nditɔ-ete esie kiet.

EXODUS 2:11 ပူးပေါင်းရင်းမြစ်များ

EXODUS 1:11

Ndien mmɔ edori mme etubom mbon utom, ete ese mmɔ, man efik mmɔ ke mbiomo mmɔ. Ndien mmɔ ebɔp obio unim-ŋkpɔ enɔ Pharaoh, kpa Pithom ye Raamses.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

EXODUS 5:14

Ndien ɔbɔŋ ndidaha nditɔ Israel, emi ikɔt Pharaoh emi etukde mmɔ ekedoride ete ese mmɔ eken, ete, enam didie mbufo mikamaha utom mbufo, mkpɔŋ, ye mfin, ke erinam brick nte akpa?

EXODUS 5:4

Ndien edidem Egypt, ɔdɔhɔ mmɔ ete, Nsinam mbufo Moses ye Aaron esinde mbon emi ekpɔŋ utom mmɔ? mbufo eka mbiomo mbufo.

EXODUS 5:5

Ndien Pharaoh ɔdɔhɔ, ete, Sese, mbon iŋwaŋ emi ke ewewak ke emi, ndien mbufo etre mmɔ mbiomo mmɔ.

EXODUS 5:9

Yak utom oro odobi mmɔ, man mmɔ enam ke esit; ekunyuŋ ekop ikɔ abiaŋa.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,