EXODUS 16:3 - Edisana ñwed Abasi Ibom

³ nditɔ Israel enyuŋ edɔhɔ mmɔ ete, Akpakam ɔfɔn nnyin ndikpa ke ubɔk Jehovah ke isɔŋ Egypt, ke nnyin iketiede ke ɔtɔ eso unam, inyuŋ idiade udia iyuhɔ! koro mbufo emeda nnyin edi ke wilderness emi, ndiwot ofuri udim owo emi ke biɔŋ.

EXODUS 16:3 ပူးပေါင်းရင်းမြစ်များ

2 SAMUEL 18:33

Ndien esit ayat edidem, enye onyuŋ ɔdɔk ke ubet ke enyɔŋ inua-otop, ke atua eyet: onyuŋ ɔdɔhɔ ntem, nte enye ɔdɔkde, ete, Eyen mi Absalom! eyen mi, eyen mi, Absalom! ami ŋkpakam ŋkpa ke ibuot fo, O Absalom, eyen mi, eyen mi.

ŊWED JOB 3:1

KE ŋkpɔ emi ebede, Job atat inua esie, onyuŋ osuŋi usen esie.

ŊWED JOB 3:10

Koro enye mikesirike usuŋ idibi inɔ mi, mikonyuŋ idipke mi ukut ke enyin.

ŊWED JOB 3:20

Nsinam enye adade uŋwana ɔnɔ mbon ukut, ada uwem ɔnɔ mbio eke esit odorode mmɔ:

ŊWED MME PSALM 107:5

Biɔŋ ɔdɔŋ mmɔ, itɔŋ onyuŋ asat mmɔ, ukpɔŋ akpa mmɔ ke idem.

ŊWED MME PSALM 78:19

Ndien mmɔ enam ikɔ ye Abasi, ete, Nte Abasi emekeme ndibri okpokoro ke wilderness?

ŊWED MME PSALM 78:25

Owo ata uyo angel, enye ɔnɔ udia esɔk mmɔ eyuhɔ.

EXODUS 14:11

Ndien mmɔ edɔhɔ Moses ete, Ndi koro udi mikoduhe ke Egypt esin afo ada nnyin edi ke wilderness, man nnyin ikpaŋa? Ke nso, ke afo anam ntre ye nnyin, osioŋo nnyin ke Egypt?

EXODUS 17:3

Ndien itɔŋ mmɔŋ asat mmɔ do; ndien mmɔ esuk Moses uyo, ete, Nsinam afo osiode nnyin ntem ke Egypt ada ɔdɔk ete iwot nnyin, ye nditɔ nnyin, ye ufene nnyin ke nsat-itɔŋ?

EXODUS 2:23

Edikem ke anyan ini oro edidem Egypt akpa: ndien nditɔ Israel eseme ufin mmɔ, enyuŋ etuaŋa; ndien eseme emi mmɔ esemede ufin mmɔ ɔdɔk osim Abasi.

EXODUS 5:21

enyuŋ edɔhɔ mmɔ ete, Jehovah osuk ese mbufo, onyuŋ ekpe ikpe: koro mbufo enamde nnyin itebe ke iso Pharaoh, ye ke iso ikɔt esie, enyuŋ esinde mmɔ ofut ke ubɔk ete ewot nnyin.

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

JEREMIAH 42:14

ete, Ih ih; edi nnyin iyeka isɔŋ Egypt, eke nnyin midikwe ekɔŋ, midinyuŋ ikopke uyom ukorowo, minyuŋ inanake udia, ndien iyetie do:

JEREMIAH 44:17

koro nnyin miditreke ndinam kpukpru ikɔ eke etode nnyin ke inua, nnyuŋ mfɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ntɔhɔ uwa ediŋwɔŋ ŋkpɔ nnɔ enye, kpa nte nnyin, ye mme ete nnyin, ye ndidem nnyin, ye mbɔŋ nnyin ikenamde ke mme obio Judah, ye ke mme efak Jerusalem, ndien idia udia iyuhɔ, inyuŋ ikut ufɔn, inyuŋ ikwe baba idiɔk-ŋkpɔ kiet.

ŊWED ESEME 4:9

Ɔfɔn ye mmɔ eke ofut owotde, akan mmɔ eke akaŋ owotde: koro mmɔ oro eyemerede, enyuŋ etie nte ekekim mmɔ, koro mbuŋwum iŋwaŋ miduhe.

NUMBERS 11:15

Ndien edieke afo anamde ntem ye ami, mbɔk, wowot mi, edieke nnemde fi: man ŋkukut idiɔk itie mi.

NUMBERS 11:20

edi ke ofuri ɔfiɔŋ, tutu eyewɔrɔ mbufo ke odudu ibuo, onyuŋ anam mbufo ntek-esit: koro mbufo esuenede Jehovah emi odude ke otu mbufo, enyuŋ etuade eyet ke iso esie, ete, Nsinam nnyin ikɔwɔrɔde ke Egypt?

NUMBERS 14:2

Ndien kpukpru nditɔ Israel esuk Moses ye Aaron uyo: ofuri esop enyuŋ edɔhɔ mmɔ, ete, Nnyin ikpekam ikpaŋa ke isɔŋ Egypt!

NUMBERS 14:3

Ndien nsinam Jehovah akadade nnyin edi ke isɔŋ emi, ete ikpaŋa ke ofut, man iban nnyin ye nsek nditɔ nnyin enyuŋ edi ŋkpɔ mbume? Nte ndifiak ke Egypt ifɔnke nnyin ikan?

NUMBERS 16:13

Nte emi afo okosiode nnyin ke isɔŋ emi ɔfiɔrɔde mmɔŋ-eba ye aran-ɔkɔk, ndiwot nnyin ke wilderness, ikemke fi, ibɔhɔke ini afo onyuŋ ada ubɔŋ ke otu nnyin ŋko?

NUMBERS 16:41

Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

NUMBERS 21:5

Ndien kpukpru owo enam ikɔ ye Abasi ye Moses, ete, Nsinam mbufo edade nnyin ke Egypt ewɔrɔ, ete nnyin idikpaŋa ke wilderness emi? koro uyo ye mmɔŋ miduhe; obukpo uyo emi onyuŋ efek nnyin.

UTOM MME APOSTLE 26:29

Ndien Paul ɔdɔhɔ ete, Ye ikɔ mi edide ekpri ye onyuŋ edide ediwak, ɔdɔŋ mi ke iso Abasi, nte afo, ye kpukpru emi ekopde mi mfin emi, ekpekabare edi se ami ndide, ŋkpɔkɔbi emi ikpɔŋ ke nsio mfep.

1 ŊWED CORINTH 4:8

Ke emi mbufo emɔyuhɔ; emakabare mbon inyene ke emi; emada ubɔŋ ke ini nnyin miduhe aba ye mbufo; mbufo ekpekam eda ubɔŋ ke akpanikɔ, man nnyin ŋko ikpetiene mbufo ida ubɔŋ.

2 ŊWED CORINTH 11:1

MBUFO ekpakam eme ime ye ami ke ekpri ndisime eke nyomde ndisime; ekam enyene ime ye ami.

DEUTERONOMY 28:67

afo eyedɔhɔ ke usenubɔk, ete, Akpakam edi mbubreyo; eyenyuŋ ɔdɔhɔ ke mbubreyo, ete, Akpakam edi usenubɔk, oto ke esit ndutime eke editimerede fi, onyuŋ abaŋa se enyin fo edikutde.

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.

JOSHUA 7:7

Ndien Joshua ɔdɔhɔ ete, O Jehovah ɔbɔŋ, nsinam afo adade mbio emi ebe Jordan, onyuŋ adade nnyin esin mme Amorite ke ubɔk, man esobo nnyin? Nnyin ikpekam ima nditie ke edem Jordan oko!