EXODUS 16:21 - Edisana ñwed Abasi Ibom

²¹ Ntre ke mmɔ ekewobi enye kpukpru usenubɔk kiet kiet nte ediade: ndien ke ini eyo ofiopde, manna atara.

EXODUS 16:21 ပူးပေါင်းရင်းမြစ်များ

2 ŊWED CORINTH 6:2

(koro Enye ɔdɔhɔ ntem ete, Mma nyere fi ke ini mfɔn-ido, Mma nnyuŋ nnyaŋa fi ke usen erinyaŋa. Sese, ini mfɔn-ido mi; sese, usen erinyaŋa mi).

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

ECCLESIASTES 12:1

NYUŊ ti Andibot fi ke ini afo edide akparawa, ke ini ukut mika-idige kaŋa, ke mme isua eke afo edidɔhɔde ete, “Ŋkwe inem ke esit,” mika-isimke (fi);

ECCLESIASTES 9:10

Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

EXODUS 16:20

Edi mmɔ ikopke uyo Moses; edi ndusuk owo esuhɔ enye tutu eyo esiere, ndien enye amak, oduk ndɔŋ: ndien Moses ayat esit ye mmɔ.

EXODUS 16:22

Edikem ke ɔyɔhɔ usen itiokiet mmɔ ewobi udia iba, omer iba ke owo kiet: ndien kpukpru mbɔŋ esop edi editiŋ enɔ Moses.