EXODUS 16:20 - Edisana ñwed Abasi Ibom

²⁰ Edi mmɔ ikopke uyo Moses; edi ndusuk owo esuhɔ enye tutu eyo esiere, ndien enye amak, oduk ndɔŋ: ndien Moses ayat esit ye mmɔ.

EXODUS 16:20 ပူးပေါင်းရင်းမြစ်များ

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.

ŊWED MBON EPHESUS 4:26

Eyat esit, ndien ekudue; ekuyak utin ɔsuhɔre edisim iyaresit mbufo: ekunyuŋ enɔ Satan ufaŋ.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

MARK 10:14

Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

MARK 3:5

Ndien ke ini Enye ama akasuan enyin ese mmɔ ke iyaresit, koro nsɔŋesit mmɔ anamde Enye mfuhɔ, Enye ɔdɔhɔ owo oro ete, Nyanare ubɔk fo. Enye anyanare ubɔk: ubɔk esie onyuŋ akabare ɔfɔn.

MATTHEW 6:19

Ekubon ŋkpɔ-uto enim enɔ idem ke isɔŋ, ke ɔtɔ nte uta-ŋkpɔ ye ŋkarafaŋ ebiatde ŋkpɔ, inɔ enyuŋ ebuŋde, eduk, eyip:

NUMBERS 16:15

Ndien Moses ayat esit eti-eti, onyuŋ ɔdɔhɔ Jehovah, ete, Kuwɔŋɔre use enɔ mmɔ: ŋkɔbɔhɔ mmɔ baba ass kiet, ŋkonyuŋ ndiɔkke ye baba owo mmɔ kiet.

NUMBERS 12:3

Ndien Moses oro edi ata suŋ-suŋ owo, akan kpukpru owo emi edude ke iso ererimbot.

EXODUS 16:19

Ndien Moses ɔdɔhɔ mmɔ ete, Yak owo okusuhɔ enye tutu eyo esiere.

EXODUS 16:21

Ntre ke mmɔ ekewobi enye kpukpru usenubɔk kiet kiet nte ediade: ndien ke ini eyo ofiopde, manna atara.

EXODUS 16:24

Ntre ke mmɔ enim enye tutu eyo esiere, nte emi Moses okowukde; ndien enye imakke mak, ndɔŋ inyuŋ iduhe ke esit.