EXODUS 14:4 - Edisana ñwed Abasi Ibom

⁴ Ndien nyesɔŋ Pharaoh esit, ndien enye eyebine mmɔ; ndien nyeda ukpono ke idem Pharaoh, ye ke idem kpukpru mbon-ekɔŋ esie: ndien nditɔ Egypt eyefiɔk ete ke ami ndi Jehovah. Ndien mmɔ enam ntre.

EXODUS 14:4 ပူးပေါင်းရင်းမြစ်များ

NEHEMIAH 9:10

afo okonyuŋ owut idiɔŋɔ ye utibe ŋkpɔ ke idem Pharaoh, ye ke idem kpukpru ikɔt esie, ye ke eke kpukpru mbio-obio esie: koro afo ɔfiɔkde ete ke mmɔ ekeseri iseri ye mmɔ. Ntre ke afo akanam enyiŋ ɔnɔ idem fo kpa nte edide mfin emi.

EXODUS 10:2

man afo onyuŋ emen se nnamde ke Egypt, ye mme utibe ŋkpɔ emi nnamde ke otu mmɔ, etiŋ ke utɔn eyen fo, ye eke eyeyen fo; ndien mbufo eyefiɔk ete ke ami ndi Jehovah.

EXODUS 10:27

Edi Jehovah ɔsɔŋ Pharaoh esit, ndien enye inyimeke ndiyak mmɔ eka.

EXODUS 12:28

Ndien kpukpru owo etuk ibuot, enyuŋ enuhɔ. Ndien nditɔ Israel enyɔŋ, ekenam kpa nte Jehovah eketemede Moses ye Aaron: ntem ke mmɔ enam.

EXODUS 14:23

Ndien nditɔ Egypt, kpa kpukpru mme horse Pharaoh, ye mme chariot esie, ye mbon horse esie ebine mmɔ eduk ke ufɔt inyaŋ.

EXODUS 14:25

onyuŋ osioŋo mme wheel chariot mmɔ, onyuŋ anam mmɔ esaŋa nuɔn-nuɔn: ndien nditɔ Egypt edɔhɔ ete, Yak nnyin ifehe ikpɔŋ Israel; koro Jehovah aŋwaŋade ekɔŋ ye nditɔ Egypt ɔnɔ mmɔ.

EXODUS 14:3

Ndien Pharaoh eyedɔhɔ abaŋa nditɔ Israel, ete, Mmɔ emekɔmɔ ke isɔŋ wilderness omokui mmɔ abaha.

EXODUS 14:5

Ekem, etiŋ enɔ edidem Egypt, ete, ke mbio oro emefeŋe: ndien esit Pharaoh ye eke ikɔt esie akabare asua mmɔ, ndien mmɔ edɔhɔ, ete, Nso ke nnyin ikanam emi iyakde Israel eka, etre ndidi ikɔt nnyin?

EXODUS 14:8

Ntre ke Jehovah ɔsɔŋ Pharaoh edidem Egypt esit, ndien enye ebine nditɔ Israel: ndien nditɔ Israel ewɔŋɔ ke edimenere ubɔk.

EXODUS 18:11

Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

EXODUS 7:17

Ntem ke Jehovah ɔdɔhɔ ete, Ŋkpɔ emi eyenam fi ɔfiɔk ete ke ami ndi Jehovah: sese, ami nyeda esaŋ ke ubɔk mi nyibi mmɔŋ emi odude ke akpa emi, ndien enye eyekabare edi iyip.

EXODUS 7:3

Ndien ami nyenam esit Pharaoh ɔsɔŋ, nyenyuŋ nnam mme idiɔŋɔ mi ye mme utibe ŋkpɔ mi ewak ke isɔŋ Egypt.

EXODUS 7:5

Ndien nditɔ Egypt eyefiɔk ete ke ami ndi Jehovah, ke ini ami nnyanarede ubɔk mi ndori Egypt ke idem, nnyuŋ nsioŋode nditɔ Israel ke otu mmɔ mfep.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

EZEKIEL 28:22

Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo zidon, nyenyuŋ nda ukpono ke ufɔt fo: ndien mmɔ eyefiɔk ete ke ami ndi Jehovah, ke ini ndinamde ikpe ke esit, ndien eyenim mi ke edisana ke esit.

EZEKIEL 32:15

Ke ini nnimde isɔŋ Egypt ndon-ndon, ke ini enyuŋ esobode se iyɔhɔde ke isɔŋ, ke ini nsuande kpukpru mme andiduŋ ke esit: ndien mmɔ eyefiɔk ete ke ami ndi Jehovah.

EZEKIEL 38:16

afo eyenyuŋ ɔdɔk edi ekɔŋ ye ikɔt mi Israel, ebiet obubit enyɔŋ edifuk isɔŋ: edidi ke ini iso, nyenyuŋ nda fi nduk ke isɔŋ mi, man mme idut efiɔk mi, ke ini ndade fi Gog ŋwut nte nsanade ke enyin mmɔ.

EZEKIEL 38:23

Ami nyenyuŋ nnim idem mi ke akwa ye ke edisana, nnyuŋ nnam mmɔ efiɔk mi ke enyin ediwak mme idut. Ndien mmɔ eyefiɔk ete ke ami ndi Jehovah.

EZEKIEL 39:13

Ndien kpukpru mbio idut emi eyebuk mmɔ ndien eyewɔrɔ mmɔ etop, kpa usen eke ami ndidade ubɔŋ: Ɔbɔŋ Jehovah ɔdɔhɔ.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

ŊWED MBON ROME 11:8

ndien esɔŋ mmɔ eken esit: nte ewetde ete, Abasi ɔkɔnɔ mmɔ spirit uyetidap Ye enyin eke mikwe usuŋ ye utɔŋ eke mikopke ikɔ, Tutu idem mfin emi.

ŊWED MBON ROME 9:17

Koro Ŋwed Abasi ɔdɔhɔ Pharaoh ete, Edi emi ekesin Mi nnim fi Man nda fi ŋwut odudu Mi, Man enyuŋ etaŋa enyiŋ Mi ke ofuri isɔŋ.

ŊWED MBON ROME 9:18

Ntre ke Enye enyene mbɔm ye owo eke Enye amade, onyuŋ ɔsɔŋ owo esit nte amade.

JOSHUA 11:20

Koro okotode Jehovah, maan enye ɔsɔŋ mmɔ esit ndiŋwana ekɔŋ ye Israel, man enye osobo mmɔ, kpa nte Jehovah eketemede Moses.

JUDGES 4:7

Ndien ami nyenam Sisera, etubom ekɔŋ Jabin, ye chariot esie, ye mbon ekɔŋ esie, esaŋa udim udim etiene fi ke edem akpa mmɔŋ Kishon; ndien nyeda enye nsin fi ke ubɔk.