EXODUS 13:9 - Edisana ñwed Abasi Ibom

⁹ Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

EXODUS 13:9 ပူးပေါင်းရင်းမြစ်များ

NEHEMIAH 1:10

Ndien mme mmɔ emi edi ifin fo, emi afo akafakde ke akwa odudu fo, ye ke ɔkpɔsɔŋ ubɔk fo.

ŊWED MME PSALM 136:11

Ndien osioŋo Israel ke otu mmɔ: koro ima esie odude ke nsinsi.

ŊWED MME PSALM 136:12

Ke ɔkpɔsɔŋ ita, ye ke edimenere ubɔk: koro ima esie odude ke nsinsi.

ŊWED MME PSALM 89:13

Afo emenyene ubɔk odudu: ubɔk fo ɔmɔsɔŋ, nnasia fo omokoŋ.

EXODUS 12:14

Ndien usen emi eyedi usen eke mbufo etide; mbufo enyuŋ enim enye enɔ Jehovah ke usɔrɔ, ke kpukpru emana mbufo; enim enye ke nsinsi ewuhɔ.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

EXODUS 13:16

Ndien enye eyedu fi ke ubɔk nte idiɔŋɔ, eyenyuŋ odu fi ke ufɔt enyin nte frontlet: koro Jehovah akadade ɔkpɔsɔŋ ubɔk osioŋo nnyin efep ke Egypt.

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 3:20

Ndien nyenyanare ubɔk mi mmia Egypt ke kpukpru mme utibe ŋkpɔ mi emi ndinamde ke otu mmɔ: ndien amanam enye eyesana mbufo ayak.

EXODUS 7:4

Edi Pharaoh idikopke inɔ mbufo, ndien nyemenere ubɔk mi ndori Egypt ke idem, nyenyuŋ nda ŋkpɔ ufen nsioŋo mme udim mi, ikɔt mi nditɔ Israel, mfep ke isɔŋ Egypt.

MME ŊKE 1:9

Koro mmɔ eyedi ediye anyanya ke ibuot fo, ye obukpe ke itɔŋ fo.

MME ŊKE 3:21

Eyen mi, kuyak mmɔ esop fi ke enyin: kpeme ekikere ye ɔniɔŋ.

MME ŊKE 7:23

Tutu idaŋ okim enye esit; nte ntarusuŋ ɔsɔpde oduk ke afia, ndien mifiɔkke ite eyom uwem imɔ.

IKWƆ SOLOMON 8:6

Nim mi nte seal ke esit fo, ye nte seal ke ubɔk fo: koro ima ɔmɔsɔŋ nte mkpa; ufup onyuŋ ɔsɔŋ ubɔk nte udi: edemikaŋ esie esesak nte edemikaŋ Jehovah.

ISAIAH 27:1

KE usen oro Jehovah eyeda ofut esie emi ɔsɔŋde onyuŋ okponde, onyuŋ odobide, anam Leviathan, ɔsɔp-ukot uruk-ikɔt oro; anam Leviathan uruk-ikɔt emi awaŋade; onyuŋ owot kukubarakpa emi odude ke inyaŋ.

ISAIAH 40:10

Sese, Ɔbɔŋ Jehovah eyeda odudu edi, ubɔk esie eyenyuŋ akara ɔnɔ enye: sese, utip esie odu ye enye, ŋkpɔ-eyen-utom onyuŋ odu enye ke iso.

ISAIAH 44:5

Emi eyedɔhɔ, ete, Ami mmenyene Jehovah; emi ŋko eyeseme okot enyiŋ Jacob, ndien emi eyeda ubɔk esiemɔ ewet, ete, Eke Jehovah, onyuŋ ada enyiŋ Israel adian idem.

ISAIAH 49:16

Sese, mmakap fi nsin ke eka-ubɔk mi: ibibene fo esuk edu mi ke iso kpukpru ini.

ISAIAH 51:9

Demere, demere, sine odudu, O ubɔk Jehovah; demere, kpa nte ke eyo oko, ke emana eset. Nte idige afo edi enye emi okokpokde Rahab mbio-mbio, okonyuŋ owotde dragon?

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

JEREMIAH 22:24

Jehovah ɔdɔhɔ, ete, Ma uwem mi, Coniah eyen Jehoiakim edidem Judah ekpetie nte ŋkpɔ ufik-ŋwed ke ubɔk nnasia mi, ŋkpetreke ndifɔrɔde fi mfep ke esit;

DANIEL 9:15

Ke emi ndien, O Ɔbɔŋ Abasi nnyin, emi akadade ɔkpɔsɔŋ ubɔk osio ikɔt fo ke isɔŋ Egypt efep, okonyuŋ ɔwɔrɔde etop, kpa nte mfin emi; nnyin imɔdiɔk, imanam idiɔk.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

NUMBERS 15:39

Ndien enye eyedi nyeriye mbufo, man mbufo ese enye, ndien eti kpukpru mbet Jehovah, enyuŋ enam mmɔ; mbufo ekunyuŋ ewaha etiene esit mbufo ye enyin mbufo, emi mbufo ekam etienede enam oburobut:

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

ŊWED MBON ROME 10:8

Edi edinen ido oro ɔdɔhɔ didie? ete, Ikɔ emekpere fi, ke inua fo, ye ke esit fo; oro edi, ikɔ mbuɔtidem eke nnyin ikwɔrɔde.

DEUTERONOMY 30:14

Edi ikɔ emi emekpere fi eti-eti, ke inua fo, ye ke esit fo, man afo anam enye.

DEUTERONOMY 5:15

Nyuŋ ti nte afo ekedide ofin ke isɔŋ Egypt, ndien Jehovah Abasi akada ɔkpɔsɔŋ ubɔk ye edimenere ubɔk osio fi ke esit: mmɔdo Jehovah Abasi fo okowukde fi ete onim usen sabbath.

DEUTERONOMY 6:21

Nnyin ikedi ifin Pharaoh ke Egypt: ndien Jehovah ada ɔkpɔsɔŋ ubɔk osioŋo nnyin efep ke Egypt:

DEUTERONOMY 6:6

Ndien yak mme ikɔ emi ami ntemede fi mfin emi, edu fi ke esit:

DEUTERONOMY 6:8

Nyuŋ yiri mmɔ ke ubɔk fo man edi idiɔŋɔ, yak enyuŋ edu fi ke ufɔt enyin nte frontlet.

ERIYARARE 18:8

Mmɔdo ke usen kiet ke mme ufen edibuat enye, mkpaŋa ye ntuaŋa ye akaŋ; eyenyuŋ efɔp enye ke ikaŋ; koro Ɔbɔŋ Abasi, emi ekpede ikpe ye enye, edide Ɔkpɔsɔŋ.

JUDGES 2:12

ndien mmɔ ekpɔŋ Jehovah Abasi mme ete mmɔ, emi akadade mmɔ ke isɔŋ Egypt ɔwɔrɔ, enyuŋ etiene abasi efen ke otu mme abasi mme idut emi ekande mmɔ ekuk, enyuŋ enuhɔ enɔ mmɔ, enyuŋ eyat Jehovah esit.