EXODUS 10:3 - Edisana ñwed Abasi Ibom

³ Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 10:3 ပူးပေါင်းရင်းမြစ်များ

1 NDIDEM 18:21

Ekem Elijah oto edi editiene mbon oro, ndien ɔdɔhɔ, ete, Adaŋa didie ke mbufo esɔk ukot ke edem mbiba? Edieke Jehovah edide Abasi, mbufo etiene enye: edi ama edi Baal, etiene enye. Edi mbon oro ibɔrɔke enye baba ikɔ kiet.

1 NDIDEM 21:29

Ŋkɔm afo omokut nte Ahab osukde idem-esie ke iso mi? Koro enye osukde idem esie ke iso mi, ndidaha idiɔk-ŋkpɔ emi ndi ke eyo esie: edi ke eyo eyen esie nyeda idiɔk emi ntiene ufɔk esie.

2 NDIDEM 22:19

koro esit fo ememde, afo onyuŋ ɔsuhɔrede idemfo onim ke iso Jehovah, ke ini afo okopde se nkɔdɔhɔde mbaŋa ebiet emi, ye mme andiduŋ ke esit, nte ke mmɔ edidi ŋwure ye isuŋi, ndien afo ama onyuŋ awai edisine-ŋkpɔ fo, onyuŋ atua eyet ke iso mi; ami ŋko mmokop, Jehovah ɔdɔhɔ.

2 CHRONICLES 33:12

Ndien ke nnanenyin esie, enye ekpe Jehovah Abasi esie ubɔk, onyuŋ osuk idem esie eti-eti ke iso Jehovah Abasi mme ete esie,

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

2 CHRONICLES 34:27

afo onyuŋ osukde idem fo ke iso Abasi, ke ini afo okokopde ikɔ esie emi abaŋade ebiet emi, ye mme andiduŋ ke esit, onyuŋ osukde idem fo ke iso mi, onyuŋ awaide edisine ŋkpɔ fo, onyuŋ atuade eyet ke iso mi; Jehovah ɔmɔdɔhɔ, ete,

2 CHRONICLES 7:14

ndien edieke ikɔt mi emi esiode mmɔ enyiŋ mi, editukde idem mmɔ, enyuŋ ekpe mi ubɔk, enyuŋ eyom mi iso, enyuŋ ekabare ekpɔŋ mme idiɔk ido mmɔ; ndien ami nyetie ke enyɔŋ ŋkop, nnyuŋ ndahado ke mme idiɔk ido mmɔ, nnyuŋ nnam ufen okure ke isɔŋ mmɔ.

ŊWED JOB 42:6

Mmɔdo nsuade idem mi, nnyuŋ ntiede ke obu ye ntɔŋ ntua mkpɔfiɔk.

EXODUS 10:4

Koro edieke afo munyimeke ndiyak ikɔt mi eka, sese, mkpɔŋ nyeda ŋkukuŋkpɔyɔriyɔ nduk adaŋa fo:

EXODUS 16:28

Ndien Jehovah ɔdɔhɔ Moses ete, Adaŋa didie ke mbufo edisin ndinim mme ewuhɔ mi ye mme mbet mi?

EXODUS 4:23

ndien ndɔhɔ fi, nte, Sana eyen mi yak, man enye anam ŋkpɔ ɔnɔ mi: ndien munyimeke enye ndiyak, sese, ami nyewot eyen fo, kpa akpan fo.

EXODUS 5:1

EKEM Moses ye Aaron edi edidɔhɔ Pharaoh, ete, Ntem ke Jehovah Abasi Israel ɔdɔhɔ, ete, Yak ikɔt mi eka, man mmɔ ekenam usɔrɔ enɔ mi ke wilderness.

EXODUS 9:17

Afo ke osuk emen idem fo ɔbiɔŋɔ ikɔt mi, unyuŋ usanake mmɔ uyak.

MME ŊKE 1:22

Adaŋa didie ke mbufo mme ɔkɔi edima ɔkɔi? Nsahi edinyuŋ enem mbon nsahi, ndisime edinyuŋ esua ifiɔk?

MME ŊKE 1:24

Koro ami ŋkokotde, ndien mbufo esin; ŋkanyan ubɔk mi, ndien baba owo kiet eke esede iduhe;

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 13:18

Dɔhɔ edidem ye ɔbɔŋ-aŋwan, ete, Mbufo esuhɔre etie; koro anyanya ubɔŋ mbufo otode mbufo ke ibuot ɔduɔ ke isɔŋ.

JEREMIAH 50:29

Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.

EZEKIEL 5:6

Edi enye eneni mme item mi, onyuŋ anam idiɔk akan mme idut, eneni mme ewuhɔ mi akan mme obio emi ekande enye ekuk: koro mmɔ esinde mme item mi, minyuŋ isaŋake ke mme ewuhɔ mi.

DANIEL 5:22

Ndien afo, O Belshazzar, eyen esie ukɔsuhɔkede esit fo unim, koro afo ɔfiɔkde kpukpru ŋkpɔ emi.

NUMBERS 14:27

Adaŋa didie ke ndidahado nnɔ idiɔk mbon esop emi esukde mi uyo? Mmokop nsukuyo nditɔ Israel, emi mmɔ esukde mi?

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

JAMES 4:10

Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.