EXODUS 10:2 - Edisana ñwed Abasi Ibom

² man afo onyuŋ emen se nnamde ke Egypt, ye mme utibe ŋkpɔ emi nnamde ke otu mmɔ, etiŋ ke utɔn eyen fo, ye eke eyeyen fo; ndien mbufo eyefiɔk ete ke ami ndi Jehovah.

EXODUS 10:2 ပူးပေါင်းရင်းမြစ်များ

2 SAMUEL 7:22

Mmɔdo afo omokpon, O Jehovah Abasi: koro baba kiet mibietke fi, Abasi inyuŋ iduhe ke mibɔhɔke afo, ke kpukpru se nnyin ikekopde ke utɔŋ nnyin.

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

ŊWED MME PSALM 44:2

Afo, kpa ubɔk fo, ekebin mme idut, ndien ada mmɔ (mme ete) ɔtɔ; afo akanuak mme obio oro edi anam mmɔ eken etɔt:

ŊWED MME PSALM 58:11

Ndien owo eyedɔhɔ, ete, Kakpan ndinen owo edia mfri: kakpan Abasi eke ekpede ikpe ke ererimbot, omodu.

ŊWED MME PSALM 71:18

Ndien ŋko, O Abasi, kukpɔŋ mi tutu nsim usɔŋ ye iwat, tutu nsiak ubɔk fo nnɔ emana emi, nsiak odudu fo nnɔ kpukpru mmɔ eke edidide.

ŊWED MME PSALM 78:3

eke nnyin ikokopde inyuŋ ifiɔkde, mme ete nnyin emenyuŋ etiŋ enɔ nnyin.

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

EXODUS 14:18

Ndien nditɔ Egypt eyefiɔk ete ke ami ndi Jehovah, ke ini ndidade ukpono ke idem Pharaoh ye idem mme chariot esie, ye ke mbon horse esie.

EXODUS 14:4

Ndien nyesɔŋ Pharaoh esit, ndien enye eyebine mmɔ; ndien nyeda ukpono ke idem Pharaoh, ye ke idem kpukpru mbon-ekɔŋ esie: ndien nditɔ Egypt eyefiɔk ete ke ami ndi Jehovah. Ndien mmɔ enam ntre.

EXODUS 7:17

Ntem ke Jehovah ɔdɔhɔ ete, Ŋkpɔ emi eyenam fi ɔfiɔk ete ke ami ndi Jehovah: sese, ami nyeda esaŋ ke ubɔk mi nyibi mmɔŋ emi odude ke akpa emi, ndien enye eyekabare edi iyip.

EXODUS 7:5

Ndien nditɔ Egypt eyefiɔk ete ke ami ndi Jehovah, ke ini ami nnyanarede ubɔk mi ndori Egypt ke idem, nnyuŋ nsioŋode nditɔ Israel ke otu mmɔ mfep.

EXODUS 8:6

Ndien Aaron anyanare ubɔk esie ke enyɔŋ mmɔŋ Egypt; ndien ikwɔt eto edɔk efuk isɔŋ Egypt.

ISAIAH 38:19

Odu-uwem, idem odu-uwem eyekɔm fi, kpa nte ami nnamde mfin: Ete eyesian akpanikɔ fo ɔnɔ nditɔ.

EZEKIEL 20:26

nnyuŋ nsabare mmɔ ke mme enɔ mmɔ, ke ini mmɔ edade kpukpru se isirerede itie-eyen esɔk mi, man mbiat mmɔ, kpaŋ mmɔ ekpefiɔk ete ke ami ndi Jehovah.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

JOEL 1:3

Mbufo ebuk enye enɔ nditɔ mbufo, yak nditɔ mbufo enyuŋ ebuk enɔ nditɔ mmɔ: yak nditɔ mmɔ enyuŋ ebuk enɔ emana eŋwen.

ŊWED MBON EPHESUS 6:4

Ndien mbufo mme ete, ekufiomo nditɔ mbufo; edi ekama mɔ ke ntunɔ ye item Ɔbɔŋ.

DEUTERONOMY 4:9

Edi kpeme idem fo, nyuŋ tim kpeme ukpɔŋ fo, man afo okufre ŋkpɔ emi enyin fo ekekutde, man mmɔ ekunyuŋ ewɔrɔ ke esit fo, ofuri ini uwem fo: ndien da mmɔ kpep nditɔ fo, ye nditɔ nditɔ fo: